маја оџаклиевска – Kurir.mk

Маја Оџаклиевска откри каде го најде мирот: Има само една желба за својот аутистичен внук

Ивана Ефремовски — Tue, 17 Jan 2023 16:17:48 +0000

Маја Оџаклиевска пензионерските деновите ги поминува изолирана од градската гужва, во природа со нејзиниот внук Лука, кој е нејзината најголема радост. Внукот на Маја е аутистично момче кое влегло во пубертет и се уште не проговорило, а на прашањето за неостварените желби пејачката не размислувала за кариерата, туку само за внукот. - Живеам совршено мирно, станувам наутро во шест ипол, го гледам изгрејсонцето, одам на полињата, ги хранам моите животни. Седнувам и пијам кафе, никој не ме малтретира и прекрасно е. Нема сообраќај, нема гужва, нема телефон што ѕвони одвреме-навреме, имам свое време и сакам да уживам. Изолирана сум на село и тоа ми се допаѓа. Имам зајаче, мачка, птици.... - рече Маја на почетокот на разговорот, а на прашањето дали внукот Лука е причината за преселбата, вели: „Да, очајно му требаше мир. Добар е, расте, во пубертет е, хормоните му работат, што е нормално за 13-годишно момче. Прекрасен е, единствената болка е што уште не зборува, искрено се надевам дека ќе зборува, некои како него зборувале, некои никогаш и тоа е мојата најголема желба“.

Маја Оџаклиевска ја омажи и ќерката Андреа: Невестата кажа „ДА“, а македонската пејачка наскоро повторно ќе стане баба (ФОТО+ВИДЕО)

Магдалена Андонова — Thu, 27 May 2021 12:49:34 +0000

Легендарната македонска пејачка Маја Оџаклиевска која со децении живее и работи во Белград, ја омажи и помалата ќерка Андреа, а наскоро ќе стане и по втор пат баба. Андреа Оџаклијевска, помалата наследничка на Маја, која израсна во вистинска волшебна девојка што може да им парира на најпознати убавици се омажи за своето долгогодишно момче Милош Живковиќ во Белград. Убавата Андреа која наследела многу работи од мама Маја, меѓу другото, широката насмевка и нејзиниот животен избраник најпрвин се заколнаа на вечна верност пред Бога, откако се венчаа во црквата Александар Невски во Белград, а потоа направија вистинска мала семејна веселба на отворено, во еден локал на брегот на реката Сава. Откако го завршија венчалниот обред според познатите црковни православни обичаи, од пред божјиот храм младите беа дочекани и испратени со плех музика и трубачи, а зетот Милош, инаку роден брат на познатата српска манекенка Дејана Живковиќ, беше дарежлив и се потруди богато да ги „закити“ со крупни банкноти од српски динари и евра свирачите. Иако заради корона пандемијата и пропишаните протоколи бројот на гости беше ограничен, присутните на свадбената веселба ги забавуваше бенд во живо, а не недостасуваа и сите останати салтанати – од масата за младоженците до невестинската торта на четири ката. Свадбата кулминираше на стемнување со огномет за брачна среќа и бериќет на младоженците. Гостите иако во редуциран број весели и расположени, зетот и невестата исто така разиграни и насмеани, а атмосверата на забавата својот врв го достигна кога мајката на невестата, односно бабата на зетот, нашата Маја Оџаклиевска се фати за микрофонот. Таа онака во еден здив отпраши дел од познатиот репертоар на светски евергрини, покажувајќи дека се’ уште е во форма, а годините не се никаква пречка за старите мајстори.

View this post on Instagram

A post shared by 𝓓𝓲𝓷𝓪 ® 👸🏻💎 (@mrs_dina_official)

Но, дека не е само баба на зетот, се гледа од авион, зашто нејзината ќерка, односно невестата е во подзамината фаза на бременоста, па наскоро Маја по втор пат ќе стане баба и на уште едно внуче. Имено, таа веќе го има внукот Лука од нејзината постара ќерка Теа, кој дојде на свет пред шест години, но за жал е дете со аутизам за кое најмногу се грижи самата Маја. „Жртвував добар дел од мојата кариера да бидам постојано со моите ќерки. Ги носев насекаде, работејќи паралелно, но и избирајќи дестинации за да бидам со нив. Самохраните родители најдобро знаат колку е тешко да се одгледуваат деца без помош на баби, тетки и други роднини. Не велам дека роднините не помагаа, но најголемиот дел од товарот падна врз моите плеќи и тоа е многу тешко. Уште потешко е кога имате две деца. Одговорна е и физички напорна работа, ако сакате да биде сè како што треба“ – ќе рече Маја пред неколку години за српски „Блиц“.

Гледај ја мајката, одбери ја ќерката: Пејачката Маја Оџаклиевска има ќерка која буквално е клонирана во неа, таа е заносна бринета (ФОТО)

Дарко Андоновски — Wed, 14 Apr 2021 17:08:53 +0000

Андреа Оџаклиевска, наследничката на пејачката Маја Оџаклиевска речиси е вистинска копија на својата мајка. Андреа која често ја пратела пејачката во своите телевизиски настапи како мала уште од тогаш ги добивала сите комплименти за својот сјаен изглед.

View this post on Instagram

A post shared by Andrea Odzaklijevska (@andrea_odzaklijevska)

Денес, таа порасна во вистинска убавица која на социјалните мрежи е активна, особено на Инстаграм каде неретко споделува фотографии со својата мајка. Фановите се едногласни, двете се речиси копии една на друга, а помеѓу се што наследила од својата мајка е и широката насмевка која ја краси пејачката веќе со децении.

View this post on Instagram

A post shared by Andrea Odzaklijevska (@andrea_odzaklijevska)

Маја ја има и ќерката Теа која пред шест години го роди нејзиниот син Лука и ја направи горда баба.

View this post on Instagram

A post shared by Andrea Odzaklijevska (@andrea_odzaklijevska)

Тага до небото: Маја Оџаклиевска во болка и со кнедла во грлото едвај проговори, за мене е ненормално да умре човек на тие години!

Дарко Андоновски — Sun, 07 Mar 2021 19:20:31 +0000

Еденa од најдобрите вокали на просторите на поранешната Југославија е Маја Оџаклиевска, а денеска е во центарот на внимание откако се прости со долгогодишниот соработник и колега кој почина од коронавирусот. Станува збор за Санје Илиќ кој денеска почина на 70 годишна возраст од вирусот. Веста пејачката ја дознала од новинарите кои ја контактирале, па останала буквално шокирана. -Не сум слушнала, што зборувате вие, јас сум на село. Дали е тоа можно?, потресно изговорила Оџаклиевска. Таа додала дека многу соработувале и дека биле блиски пријатели. -Не знам ама мене ми е ненормално да умре човек на негови години. Тој за мене се уште е млад, со солзи раскажува Маја за српските медиуми.

Маја Оџаклиевска искрено проговори: Со мојата мала пензија, често му велам на внукот дека за неговите играчки немам пари

Дарко Андоновски — Mon, 16 Nov 2020 13:11:12 +0000

Таа се уште важи за голема пејачка ѕвезда на овие балкански простори која испеала многу хитови. Станува збор за пејачката Маја Оџаклиевска која е по потекло од нашето Скопје, но своите пензионерски денови ги живее во Белград. Поточно кажано, преживува со пензиичка од само некои 300-ина евра што е сосема недоволно за еден пристоен живот во српската метропола.Колку за јадење и сметките. -Имам мала пензија, но и таа ми е доволна бидејќи не сакам да се понижувам на секој пеејќи му во скут или да сум качена на маса. Послатки ми се овие пари од тие за кои би заработила веројатно и преку две, три илјади евра. Доволни ми се моите пари да не бидам запустена, но мене сега во прв план ми е моето внуче Лука, мојата напатена душа кој 7 години се бори со аутизмот. Не можам многу да му пружам на внукот со оваа пензија, но тој е разумен. Кога ќе му речам ’Бабата не може тоа да ти купи, немаме толку пари душо моја’, тој малку ќе се растажи, но тој молчи. Не е бесно инаетџиско дете, раскажа помалку сетно популарната Маја која и во овие години изгледа одлично.

Маја Оџаклиевска си ја отвори душата: Ќерка ми замина, сама се борам со болеста на внукот

Дарко Андоновски — Wed, 11 Sep 2019 15:50:25 +0000

Маја Оџаклиевска со својот внук Лука беше гостинка во Охрид, на фестивалот „Охрид фест- Охридски трубадури“ кој се одржа викендов. Во дует со колегата Срѓан Марјановиќ со песната „Песочен часовник“ го освои второто место од публиката на Интернационалната вечер. Оџаклиевска која важи за еден од најквалитетните вокали во регионот, е родум од Скопје, а долги години живее во Белград. Маја секогаш отворено зборува за аутизмот на свокот внук. За Женски магазин, таа откри дека откако нејзината ќерка Теа, мајката на Лука си заминала од Белград, таа се грижи за внукот. Теа е помалата ќерка на Маја, за која таа и претходно има изјавено дека е бунтовна и кога нешто ќе науми, никој не може да ја спречи. Постарата ќерка Андреа, живее во Белград. „Теа си замина, не можам многу за тоа да зборувам. Сега Лука е сиот мој свет, мојот Универзум, сама се борам со неговата болест. Живеам за него и живеам за моментот кога ќе оздраве, но ете, гледате, тој има девет години и уште не зборува“, ни рече Маја. Целото интервју со Маја Оџаклиевска можете да го прочитате на Женски Магазин, ТУКА.

Толовски за настапот на Оџаклиевска на Златна Бубамара

Курир — Sun, 25 Feb 2018 11:01:51 +0000

(ФБ статус на Мартин Толовски) Маја Оџаклиевска за барокот во Скопје: Имам трауми од она што го видов! Толовски за настапот на Оџаклиевска на Златна Бубамара: Имам трауми од она што го слушнав! Инаку, Маја Оџаклиевска деновиве престојуваше во Скопје. Причина за нејзината посета беше манифестацијата Златна бубамара на популарноста. Оџаклиевска во изјава за владините медиуми цели дека во родниот град не била подолг период, но се уште имала трауми од она што го видела пред пет години, „променетиот изглед на Скопје, лажниот барок и изобилството од споменици“. -Во текот на оваа посета не успеав да видам ништо во Скопје поради обврски. Но, околу моите импресии од ,,баркот’’ и новиот изглед на градот, ќе ви кажам дека се уште носам трауми од она што ми остана во сеќавање пред пет години, вели Оџаклиевска.