маја трпковска – Kurir.mk

Мајката на Пино незадоволна од пресудената казна од 19 години- еве што бара за Ангела!

Дарко Андоновски — Mon, 13 Jul 2020 11:07:05 +0000

Мајката на убиениот Пино Секондо, Маја Трпковска, смета дека пресудената затвроска казна од 19 години за соизвршителката Ангела Ѓорѓиевска е премала. 19 години!!! Живот земен на младо момче вреди само 19 години??? Доживотен затвор тражам!!!, вели Трпковска.

19 години!!! Живот земен на младо момче вреди само 19 години??? Доживотен затвор тражам!!! Posted by Maja Trpkovska on Monday, July 13, 2020

Според пресудата денешната судска пресуда, Ангела помогнала во извршување на убиството кое според доказите го сторил Али Фуркан кој е во бегство. Првообвинетиот со пушка го застрелал во главата Пино во присуство на Ангела која помогнала безживотното тело да го внесат во кола а подоцна и да го закопаат во атарот на Љуботен. Ѓорѓиевска, според судот, во текот на процесот никогаш не покажала каење. Инаку, мајката на Пино половина година активно бараше одговор за судбината со нејзиниот син Од скопското обвинителство информираат дека откако завршила сеопфатната истражна постапка, по целосно прибирање на материјалните и вербални докази, го поднеле Обвинителниот акт на 19 септември 2019 година, со кој ја обвини А.Ѓ. дека на 11.12.2018 година како соизвршител, задно со лицето А.Ф. го сторила кривичното дело – Убиство од член 123 став 1 од Кривичниот законик. Надлежен јавен обвинител во постапката докажа дека критичниот ден, обвинетата го повикала оштетениот, сега починатиот Пинета Секондо Пино, и договорила да се сретнат на насипот во населбата Ѓорче Петров. Таму веќе бил пристигнат и другиот осомничен со возило Опел Аскона, носејќи со себе огнено оружје – пушка. Тој го оставил неговото возило на насипот и седнал да управува со автомобилот Шкода со кое до насипот дошол оштетениот. На совозачкото место седнала обвинетата, додека оштетениот седнал на задното седиште. Тројцата се упатиле по обиколница кон атарот на селото Арачиново и во една нива започнале најпрвин вербална расправија, а потоа и тепачка. Во еден момент осомничениот со пушката го застрелал во главата оштетениот Пинета Секондо. Притоа, обвинетата дала особен придонес кон извршување на делото, така што овозможила да се сретнат, го повикала оштетениот, била присутна во моментот на неговото лишување од живот, а потоа заедно со другиот осомничен го ставиле телото на починатиот во багажникот на возилото. Заедно тие се упатиле кон гробиштата во селото Сингелиќ, а потоа се движеле низ планината кон Љуботен. На едно место здогледале дупка, па обвинетата и нејзиниот соизвршител го оставиле телото во дупката, покривајќи го со крупни овални камења, велат од скопското обвинителство. За осомничениот А.Ф. поради недостапност на органите на прогонот постапката е прекината. За негово пронаоѓање јавниот обвинител презема интензивни дејствија.

Ѓорѓиевски: Кога мајката на Пино бараше правда за нејзиниот син МВР молчеше, сега беше приведена од ордите на Деспотот

Ивана Ефремовски — Sat, 06 Jul 2019 08:03:21 +0000

Кога мајката на Пино бараше правда за нејзиниот син, МВР молчеше, обвинува Орце Ѓорѓиевски, член на ИК на ВМРО-ДПМНЕ. Неговиот статус, објавен по вчерашното приведување на Маја, го пренесуваме во продолжение: „Кога тоа му го кажа на Заев, тој ја пријави во МВР. Денес кога таа скандираше МАКЕДОНИЈА , беше приведена од ордите на Деспотот и неговиот слуга Оливер Спасовски. Македонија стана земја во која поради изговарање на нејзиното име, луѓето ја губат слободата. Имаме полошо од заробена држава, имаме украдена држава. Македонците се третираат како граѓани од втор ред, а прогонетите лежат во затвори. Треба да знаат луѓето од власта дека ако за нив името МАКЕДОНИЈА е срам, за мене и за илјадници други е светост и должност. Спасовски, Деспотот и неговите орди треба да знаат дека нашето име е свето, и ако денес пробавте да ја замолчите мајката на Пино, ние ќе продолжиме каде таа застана, а кога народот ќе дојде по своето, ќе научите дека нема вечна власт, исто како што нема вечна сила. Единствена сила во оваа земја е народот, а нашата кауза Македонија“-пишува тој!

МВР со детали за апсењето на мајката на Пино

Ивана Ефремовски — Fri, 05 Jul 2019 17:09:24 +0000

МВР го потврди апсењето на Маја Трпковска, мајката на убиениот Пинета Секондо. -Во 17.45 додека во центарот на Скопје се одржувала манифестација поврзана со вежбата „Одлучен удар“ , лицата Н.О. , М.Т. и Д.Д. го нарушиле јавниот ред и мир и не почитувале наредба на полициски службеници односно ја попречувале полицијата во извршување на службени дејствија. Лицата се приведени и против нив ќе бидат поднесени соодветни поднесоци, рекоа од МВР. Според Трпковска, таа била приведена бидејќи извикувала „Македонија, Македонија“ кај Порта Македонија. Додека ја приведуваа, Маја изрази револт бидејќи полицијата не била така ревносна кога требало да го бараат нејзиниот син.

Мајката на Пино открива зошто ја уапсија: „Ова е диктатура, човек не смее да каже Македонија“ (ВИДЕО)

Ивана Ефремовски — Fri, 05 Jul 2019 16:54:45 +0000

Пред малку е yaпсена мајката на Пинета Секондо Пино, кој повеќе месеци се водеше за иcчeзнaт, а неговото телo беше пронајдено пред еден месец. Како една од причините за нејзиното пpивeдyвaњe е тоа што таа не нoceла со себе документи за лична идентификација, па со полициcкo комбе била пренесена во полициската станица Беко. Од тоа што го изјави Трпковска за Инфомакс таа не сторила ништо лошо. Го извикувала името Македонија на плоштадот во Скопје, а на себе носеше маичка со сонцето од Кутлеш, објави порталот. Нејзината изјава за „Инфомакс“, во која таа објаснува зошто е уапсена, погледнете ја во продолжение:

Уапсена мајката на убиениот Пино (ВИДЕО)

Ивана Ефремовски — Fri, 05 Jul 2019 16:23:36 +0000

Денеска на плоштадот Македонија е yaпсена мајката на yбиeниooт Пинета Секондо, Маја Трпковска. Имено пpичините за нејзиното апceње се непознати, а таа во моментов се наоѓа во полициcко комбе која како што таа ни соопшти ја нocи во полициcкaта станица БЕКО. Трпковска најверојатно протecтирала на плоштадот Македонија, каде го извикувала името на државата „Македонија”, по што таа и нејзините пријатели биле пpивeдени, поради досега непознати причини., објави порталот Инфомакс.

Да се помолиме заедно за Пино: Во недела миса во Католичка црква, а погребан ќе биде во Италија

Ивана Ефремовски — Thu, 04 Jul 2019 18:08:01 +0000

Во недела, 07-ми јули во 18 часот во Католичката црква Капиштец ќе се одржи служба за момчето Пино кое беше убиено. Неговата мајка Маја ги поканува сите кои сакаат да се помолат за нејзиното дете. -Ги поканувам тие кои сакаат да се помолат за моето синче, да дојдете и заедно да се молиме за мојот Пино, напиша мајката. По мисата, мајката на Пино ќе му подготви последно “збогум“ во Италија каде ќе биде испратен од своето блиско семејство и пријателите до неговиот вечен дом. Поради крвничкото злосторство, од телото на Пино се останати само четири коски.

Mајката на Пино поднесе тужба против МВР

Ивана Ефремовски — Mon, 01 Jul 2019 21:22:07 +0000

Пино Секондо, момчето кое беше исчезнато шест месеци и убиено на свиреп начин, беше пронајдено пред околу 30-тина дена во атарот на Љуботен. Неговата мајка, Маја Трпковска, семејството и блиските пријатели беа во потрага целото време, но за жал случајот заврши трагично. Додека Маја со сите сили и можности трагаше по своето исчезнато дете, како што вели таа, во секторот за потраги и исчезнати лица, не мрднаа ни со малиот прст. На ожалостената мајка и спуштале слушалки, за што, како што вели таа поседува и видео снимка, а исто така и одговарале на непрофесионален начин, кога прашувала дали има некаква трага од незиното исчезнато дете. Од голем револт, непрофесионалност и многу други причини, кои за сега нема да ги открие во јавноста, Маја Трпковска поднесе тужба против секторот за потраги и исчезнати лица. Телото од Пино беше најдено на место викано Башинец во атарот на с.Љуботен пред еден месец, а беше утврден неговиот идентитет.

Втор дел од исповеста на мајката на убиениот Пино: Ангела се` признала во полиција- ќе закопам само четири коски

Катерина Бојаџиева — Mon, 24 Jun 2019 21:12:45 +0000

Маја Трпковска, во вториот дел од разговорот за „Магазин“ откри дека неколку години од својот живот семејството го поминало во Романија. Во Романија, Пино го завршил основното училиште и првата година од гимназиските денови. Таму ја запознал својата прва љубов, и кога се преселиле назад за Италија многу му било тешко. Маја откри детали за убиството на Пино, а исто така и тоа дека осомничената Ангела Ѓорѓиевска давала дури 6 пати различен исказ во полиција. Веднаш после исчезнувањето на Пино, во полиција ве пријави осомничената Ангела Ѓоргиевска? Веднаш од кога исчезна моето синче Пино, мене Ангела ме пријави во полиција, за да не можам јас повеќе ни да и се јавувам, ни да ја прашувам во врска со Пино. После третиот ден од кога исчезна мојот син, таа ме пријави без никаков морал и трошка срам, раскажува Маја Трпковска. Таа исто така бараше од мене, јас јавно да и се извинам. Зборував со инспекторите во полиција, таа веќе има признаено дека учествувала во организацијата на убиството, но изјавила дека таа не пукала во Пино. Цело време ја лажеше полицијата, а и целото семејство на Пино. Имам пораки на месинџер каде што пишувала со другарите од Пино, каде што вели дека таа доброволно отишла на полиграф, а тоа секако дека не е вистина. Велите дека ја раскажала целата вистина на полицијата, дали има сведоци за убиството? Ангела се признала во полицијата, исто така и местото каде што е убиен. Таа признала дека Али Фуркан пукал и дека ова го направила од одмазда. Да го убиеја и да го оставеа на лице место ќе го најдевме одма неговото тело, а не да закопам само четири коски, раскажува Маја. Ангела била и на пракса за работа 1 месец, сакала да работи во едно онлајн казино. Маја прашува каков монструм човек треба да биде да сокрие човечко тело и 6 месеци да живее нормален живот. Човек не сакајќи мачка ќе удри или куче, па ќе не може да спие, совеста го јаде, а не човек да убиеш и да си тераш мирен живот. Ова е страшно. Да беше таа некој психопат, не ќе можеше ова убиство да го испланира, затоа што психопатите кога тогаш се издаваат. А таа 15 дена пред да биде уапсена, бараше јас јавно да сум се извинила, затоа што сум плукала по нејзе. За љубомора не се зема човечки живот така лесно. Ќе го родиш како мал, ќе го учиш да биде културен, да слуша и почитува и на крај некој монструм ќе ти го убие. Целото интервју со многу детали раскажани од мајката на убиениот Пино, прочитајте го на МАГАЗИН.

Мајката на Пино со шокантни детали: Во каква врска бил тој со Ангела и која е причината за монструозното убиство?

Ивана Ефремовски — Mon, 24 Jun 2019 09:48:02 +0000

Во ексклузивен разговор за Магазин, мајката од убиеното момче Пино, откри до сега необјавени детали за животот на Пино, неговото детство, моментите кога биле среќни со семејството како и детали за убиството и обвинетата, Ангела Ѓорѓиевска. Трпковска одговори и на прашањето дали нејзиниот син бил во врска со Ангела. „Тој не беше со неа, меѓутоа Пино ја знае преку негов другар кој и беше дечко на Ангела. Ангела беше девојка на другар од Пино. Мојот син уште кога беше во врска со едно девојче што го имаше порано, Ангела почнала да му се удвара. Сега зборуваме за пред 4 или 5 години не е ова од сега, не дефинитивно Ангела не ми беше девојка. Пино од месец октомври почна да си излегува со друго девојче многу фино, таа учи медицинска сестра, на факултет тука во Скопје, цимерка на другар од Пино. Така ја запозна. И уште тогаш мојот син почна да ја избегнува Ангела, но таа се надевала дека ќе биде богата снаа „Италијанка„. Ангела доаѓала кај нас овде во куќава, одела по собите горе од радозналост, раскажува со вознемирен глас мајката од Пино. Последната девојката на Пино , ми рече “Тетка Мајо кога ќе дојдевме кај вас овде во куќава дали на кафе или скара, Ангела се шеташе по собите и се сликаше со автомобилите”, уште тогаш таа имаше намера да влезе во нашата фамилија. Но Пино не беше заинтерсиран за неа. Вечерта пред да дојдат Пино и девојката кај нас на гости во Италија, , истата вечер пред да тргнат за Италија, се собрале сите дома да пијат кафе. Тогаш Ангела била со нејзиниот дечко и Пино со неговата девојка. Во тој момент кога пиеле кафе, Ангела во присуство на нејзиниот дечко и рекла на девојката од Пино, колку тоа таа би сакала да биде еден ден, на нејзиното место“- вели мајката Маја во интервјуто за Магазин. Што мислите зошто го има смислено ова монстроузно убиство? „Од љубомора, ова го има направено за да му се одмазди. Таа му пишуваше нон стоп. Пред да биде Пино убиен на 21 октомври јас ги читав пораките. Ангела му рекла дека ќе има собир со коли, бидејќи Пино сакаше многу коли и го прашала дали ќе одат заедно. Тогаш Пино и одговорил на Ангела дека нема пари, но тоа тој го рече бидејќи му беше срам со неа да излегува. Пино беше на собирот, ја имам благодарницата, ја најдов во кола и по се изгледа таа тогаш дознала за тоа дека Пино бил исто така на собирот и се налутила дополнително“-одговара таа. Целото интервју со многу детали раскажани од мајката на убиениот Пино, прочитајте го на МАГАЗИН.

Мајката на Пино со шокантни тврдења: Најдоа изгорено тело, а си тераат викенди наместо да утврдат идентитет

Ивана Ефремовски — Sat, 04 May 2019 08:07:31 +0000

На 29-ти април на подрачјето на Љуботен (Скопје) е пронајдено тело од маж изгорено. Телото, тоа што е останато од телото е маж во возраст од 20 до 35-36-40 години, обелоденува Маја, мајката на Пино кој долго време се води за исчезнат. Нејзиниот статус го пренесуваме во продолжение: -Полицијата нé повика сите нас родители на исчезнатите за да оставиме ДНА (НДА). Мене на 2 Мај ми се јавива( после 3 дена) да ме повикаат да дадам ДНА (НДА). Јас сум моментално во Италија. Во сабота и недела каде што треба да ми земат ДНА (НДА) не работат. Се зима ДНА(НДА) само од понеделник до петок. Сакам да го прашам Министерот за Внатрешни работи Господинот ОЛИВЕРСПАСОВСКИ како е можно во ваков кризен момент сабота и недела да не работат на случајот? Не зимаат ДНА (НДА) Викенд си тераат? Им е гајле на нив како се осеќаме ние родителите од 29=ти април што си ги јадеме живците незнаејќи ништо и наместо да се направи КРИЗЕН ШТАБ они сабота и недела не работат!!! ПРВИ МАЈ не работат! Па Да! Така е! Па не се нивни деца во прашање. Да се работеше за нивни деца ќе се работеше 24/24 саати!!! 7 дена на 7!!! Ќе трчаа дење и ноќе #МВР СРАМ ДА ВИ È!!!