Мајами хит – Kurir.mk

НБА: Демиен Лилард пред трејд во Мајами

Бошко Тасиќ — Wed, 02 Aug 2023 10:57:43 +0000

Кошаркарот на Портланд, Демиен Лилард е пред трансфер во Мајами Хит. Се работи за трејд во кој тимот од Мајами во Портланд ќе го испрати Тајлер Хиро, но и три или четири пика од првата рунда на НБА драфтот. Доколку успеат да го доведат Лилард во своите редови, „жешките“ можат да направат солиден тим за новата сезона. Инаку, во редовите на Треил Блејзерси, Лилард настапува од 2012 година и израсна во клупска икона.

Мајами го нуди Хиро и уште три пика од драфтот за замена за Демијан Лилард

Бошко Тасиќ — Sat, 15 Jul 2023 04:57:24 +0000

НБА тимот на Мајами е подготвен да замени три пикови од првата рунда на Драфтот и плус да го испрати шутерот Тајлер Хиро како дел од трампата која би ја направиле за ѕвездата на Портланд, Демијан Лилард. „Доколку Портланд добие четири избори во првата рунда, барем еден, ако не и двајца млади таленти, тогаш договорот треба да се реализира. Во овој момент, Хит се подготвени да се откажат од три пика во првата рунда, но и да го дадат Тајлер Хиро, а можеби и некој млад играч. Ова е прилично блиску до она што го сакаат Трејл Блејзерс“, напиша на Твитер новинарот Арон Фентрес. 32-годишниот Лилард минатата сезона играше на 58 натпревари во НБА лигата, со просек од 32,2 поени, 4,8 скока и 7,3 асистенции.

НБА: Денвер на победа до шампионската титула

Бошко Тасиќ — Sat, 10 Jun 2023 05:49:38 +0000

НБА тимот на Денвер Нагетс ноќеска го совлада Мајами во четвртиот натпревар од големото финалето на НБА со 108:95. Резултатот во серијата сега е 3:1 во корист на Нагетс и за да го освои шампионскиот трофеј на тимот од Колорадо му е потребна само уште една победа. Најзаслужни за победата на Нагетс беа Арон Гордон, кој постигна 27 поени додека српскиот репрезентативец Никола Јокиќ отвари дабл-дабл учинок од 23 поени и 12 скокови. Кај домаќините најефикасен беше Џими Батлер со 25 поени. Петтиот натпревар од серијата ќе се одигра на 13 јуни на теренот на Денвер.

Мистер трипл-дабл Никола Јокиќ за водство на Денвер во големото НБА финале (ВИДЕО)

Бошко Тасиќ — Fri, 02 Jun 2023 06:06:22 +0000

Со историски деветти трипл-дабл учинок во плејофот сезонава, Никола Јокиќ ги водеше Нагетси до триумф во првиот меч од големото финале на НБА 104:93 против Мајами. Денвер има силна победничка низа во плејофот со неверојатни 9/9 победи. Двократниот МВП на НБА го заврши мечот со Мајами Хит со 27 поени, 10 скока и 14 асистенции. Го следеа Џамал Мареј со одличен учинок од 26 поени, Гордон со 16, Портер со 14 поени и 13 скока а Браун 10 поени. Кај гостите од Мајами кои и вториот меч ќе го играат во арената на Денвер, Бам Адебајо уфрли 26 поени со 13 скока и пет асистенции, а Џими Батлер имаше слаба шутерска вечер со само 13 поени. https://www.youtube.com/watch?v=zgasQ35rG08&embeds_referring_euri=https%3A%2F%2Foff.net.mk%2F&source_ve_path=MjM4NTE&feature=emb_title

Мајами го победи Бостон и се пласира во големото финале во НБА лигата (ВИДЕО)

Бошко Тасиќ — Tue, 30 May 2023 06:24:45 +0000

Тимот на Мајами е во големото финале на НБА лигата , откако го доби седмиот и решавачки натпревар против Бостон со 103-84. Мајами сосема заслужено се пласираше во финалето каде ќе се обиде да ја освои четвртата титула (шампиони беа во 2006, 2012 и 2013), во финалето ќе игра против Денвер Нагетс на Никола Јокиќ, за кого ова ќе биде прво финале. Првиот натпревар од финалето ќе се игра ноќта од петок кон сабота. Јунак на натпреварот беше Кејлеб Мартин, кој постигна 26 поени со сензационални шутеви за 11-16 (4-6 тројки) заедно со десет скока и три асистенции. Два поени повеќе од него имаше Џими Батлер, кој беше прогласен за МВП на финалето во Источната конференција. https://www.youtube.com/watch?v=57t3I9tkS80&embeds_referring_euri=https%3A%2F%2Fsportmedia.mk%2F&source_ve_path=MjM4NTE&feature=emb_title

Лудило во Мајами, Вајт со звукот на сирената за победа на Бостон (ВИДЕО)

Бошко Тасиќ — Sun, 28 May 2023 06:27:19 +0000

Бостон се најде на прагот до историски пресврт во рамките на финалето на Источната конференција во НБА лигата. По негатива од 3-0 во серијата, се избори за седми меч, откако ноќеска славеше против Мајами со 104-103 благодарение на Дерик Вајт. Решавачкиот натпревар ќе се игра ноќта од понеделник кон вторник, а со победа Бостон би станал првиот тим во историјата кој направил пресврт 0-3 во НБА плеј-офот. Батлер ги погоди сите три удари од линијата за слободни фрлања, им донесе водство на Хит и го доближи кон финалето, но на Селтикс им преостанаа уште три секунди. По тајм-аутот, Маркус Смарт промаши тројка, Вајт дојде до одбиената топка и во едно движење ја протна топката низ обрачот. Јунакот Вајт заврши со 11 поени, а Селтикси ги предводеа Џејсон Тејтум со 31 поен, 12 скока и пет асистенции, Џејлен Браун со 26 поени и 10 скока и Смарт со 21 поен. Џими Батлер постигна 24 со 11 скока и осум асистенции, но и очајни шут од 5/21. https://www.youtube.com/watch?v=rEN7OO2nQMk

Бостон се спаси од „метла“ и намали на 3-1 против Мајами (ВИДЕО)

Бошко Тасиќ — Wed, 24 May 2023 06:42:31 +0000

Кошаркарите на Бостон првпат во финалната серија на истокот ја оправда улогата на еден од најдобрите екипи и се „разбуди“ од кошмарот кој го приреди Мајами, кој доби три меча по ред. Селтикс направија „брејк“ на теренот на противникот, и останаа „живи“ во битката за пласман во големото финале, каде Денвер го чека својот противник. На крајот победа на Бостон од 116-99 во Флорида, а петтиот меч се игра за два дена во Масачуссетс и ќе има шанси целосно да го направи неизвесно овој дуел. Бостон ноќеска беше на висина на задачата, за разлика од претходните три меча. Предводени од Џејсон Тејтум, клучен за нив беше периодот од вториот дел кога одиграа одлични 20 минути и го добија овој меч. Откако губеа по првиот дел со шест разлика, третиот период Бостон го доби со 15 разлика (38-23), серија од која немаше враќање, за во последниот период само ја зголемат разликата. Тејтум беше најефикасен со 33 поени, но најголема добивка беше одбраната која се чини го реши овој меч и се врати во игра. https://twitter.com/i/status/1661219453873565698

НБА: Шок за Бостон, Мајами води со 2-0 во финалето на Истокот (ВИДЕО)

Бошко Тасиќ — Sat, 20 May 2023 06:08:34 +0000

Мајани Хит направи огромен чекор кон финалето во НБА лигата за оваа сезона, откако ноќеска на гостински терен успеа да слави кај Бостон со 105:111 и на тој начин да поведе во серијата подобар до четири со 2:0. Клучен период од мечот беше онаа последната четвртина која Хит ја доби со 22:36. Што се однесува пак до индивидуалнот учинот Џејсон Татум со 34 поени најјефикасен на мечот, а на ова додаде и 13 скока односно осум асистенции. Сепак, тоа не беше доволно домаќинот да победи, каде на спротивната страна Џими Батлер стигна до 27 коша. Мартин додаде два помалку, додека Адебајо застана на 22 поени. https://www.youtube.com/watch?v=--P1TpUThfA&embeds_referring_euri=https%3A%2F%2Fsportmedia.mk%2F&source_ve_path=MjM4NTE&feature=emb_title

Разговор кој не се одбива: НБА ѕвездата доби повик од мајка си среде прес-конференција, неговата реакција е хит (ВИДЕО)

Ивона Петрова — Sat, 13 May 2023 08:04:46 +0000

Кошаркарите на Мајами Хит го совладаа Њујорк Никс со 96:92 и се пласираа во финалето на Источната конференција со конечни 4:2 во серија, а по мечот во центарот на вниманието беше Бам Адебајо, асот на Мајами. Во тимот на Мајами најефикасен беше Џими Батлер со 24 поени, а брилијантниот Адебајо додаде 23. Тој се појави пред медиумите и ја воодушеви публиката, бидејќи на сред прес-конференција доби телефонски повик кој не можеше да одбие. Додека 25-годишникот даваше изјава, заѕвони неговиот телефон, а повикот беше од мајката. Кошаркарот им се извини на новинарите и одговори на повикот, по што имаше краток разговор со неа. -Здраво мамо, јас сум на прес- конференција, со насмевка изјави кошаркарот. Неговата реакција погледнете ја во видеото во продолжение.

"Hi, mommy...I'm in media." Bam Adebayo took a call from his mom in the middle of his press conference 🤣 pic.twitter.com/piIUq62RKq
— NBA Memes (@NBAMemes) May 13, 2023

НБА: Мајами со победа во Њујорк го отвори полуфиналето на Истокот

Бошко Тасиќ — Mon, 01 May 2023 04:22:47 +0000

Кошаркарите на Мајами Хит со гостинска победа над Њујорк Никс со (101-108) во полуфиналето на Источната Конференција. Средбата во „Медисон Сквер Гарден“ беше изедначена, тимовите се менуваа во водството, но на крајот „жешките“ дојдоа до славје. Гостинот отвори подобро, ама не успеаја да се одлепат. Никси влегоа во подобар моментум, па со добра игра првпат двоцифрено поведоа (32-21). До полувремето домашната екипа имаше резултатска контрола, ама предноста се преполови и на одмор се замина со 55-50. Мајами се разбуди во продолжението, врза добра серија и успеа да го сврти резултатот. Хитс ја одржуваа предноста, домаќинот од Њујорк се одржуваше во пристоен дефицит, пријде и на само три поени негатива, ама во последните минути Мајами одигра сигурно и дојде до победата. Барет беше најефикасен на натпреварот со 26 поени, додека Батлер во Мајами имаше „дабл-дабл“ со 25 поени и 11 скока.