мајами – Kurir.mk

„ВРЕМЕ Е ЗА НОВ ЖИВОТ“: Старлетата Станија го остави момчето, па си купи стан во Мајами – кога ќе видите како изгледа и каков поглед има ќе ви се заврти во умот (ФОТО)

Дарко Андоновски — Thu, 02 Nov 2023 10:12:24 +0000

Српската старлета Станија Добројевиќ започна нов живот во Мајами и тоа во нов стан кој се наоѓа директно на плажа, а кадрите од него се како на филм. -Нов живот, нов стан на плажа! Здраво Мајами, напиша таа кратко на видеото кое го објави на Инстаграм во делот на „стори“. Со ова таа стави уште еднашка јасен показател дека не е во добри односи со поранешното момче и дека не планира да се смири со него. Станот има огромни прозорци од каде во текот на целиот ден влегува природна светлина, целиот е во светли тонови и преовладува сивата и белата боја во него.

НБА: Мајами повторно ја врати предноста против Њујорк

Бошко Тасиќ — Sun, 07 May 2023 05:03:15 +0000

Кошаркарите на Мајами Хит поведоа со 2-1 во полуфиналната серија на Источната конференција во НБА лигата, откако во натпреварот број три на домашен терен славеа над Њујорк Никс со 86-105. Мајами уште од првата четвртина почна силно и во ниту еден момент не му дозволи на противникот да се понадева дека може да ги загрози. Џими Батлер кој по еден меч пауза се врати во тимот на Хит и го заврши натпреварот со 28 поени, додека кај поразените Џејлен Брансон уфрли 20 поени.

СУМА ОД КОЈА ЌЕ ВИ СЕ ЗАВРТИ ВО УМОТ – еве каде ќе живее Шакира по побегнувањето, вилата во Мајами е луксуз кој речиси никој не го поседува (ВИДЕО)

Дарко Андоновски — Wed, 05 Apr 2023 12:11:14 +0000

По разделбата со Пике, Шакира конечно со двата сина ја напушти Барселона.

View this post on Instagram

A post shared by Shakira (@shakira)

Таа се враќа во Америка, во својот луксузен дом во Мајами, кој иако бил ставен на продажба во 2018 година, не успеал да ја постигне посакуваната цена па сеуште е во нејзина сопственост.

View this post on Instagram

A post shared by Shakira (@shakira)

Имотот е лоциран во една од најексклузивните области на Мајами и моментално се проценува дека вреди повеќе од 17,5 милиони долари. Во видеото подолу, подетално видете каде ќе живее славната пејачка.

Ѓоковиќ нема да може да настапи ниту во Мајами

Тале Кристо — Sat, 18 Mar 2023 11:29:23 +0000

Директорот на големиот АТП турнир од серијата „мастерс 1000“ во Мајами, кој почнува в среда, Џејмс Блејк, потврди дека најдобриот светски тенисер Новак Ѓоковиќ нема да може да настапи. Ѓоковиќ нема дозвола за влез во САД бидејќи не е вакциниран против коронавирусот. Српскиот тенисер во февруари поднесе барање до американските власти за посебна дозвола за да може да настапи на турнирите во Индијан Велс, кој е во тек, и во Мајами, на кои нема настапувано од 2019 година. „Јасно е дека нашиот турнир е еден од најдобрите во светот и затоа би сакале да ги имаме сите најдобри играчи. Направивме сè што можевме, се обидовме и преговаравме со владата, но без успех“, рече Блејк. Ѓоковиќ има пет титули во кариерата на турнирот во Мајами.

Кевин Лав се пресели во Мајами

Бошко Тасиќ — Tue, 21 Feb 2023 05:48:03 +0000

Искусниот американски кошаркар Кевин Лав потпиша договор со екипата на Мајами откако замина од екипата на Кливленд. Лав потврди дека е во потрага на нов клуб, а одби неколку понуди од НБА тимовите само и заврши во Мајами. Кевин Лав беше резерва во тимот на Кливленд, а оваа сезона во просек има 8,5 поени и 6,8 скока по натпревар.

Ајкула каснала сурфер на популарната плажа на Флорида: Втор напад на предатор за една недела

Магдалена Андонова — Mon, 11 Jul 2022 12:26:52 +0000

Маж од Мајами бил каснат од ајкула додека сурфал на плажа во Њу Смирна Бич, Флорида, во неделата попладне, соопштија властите. Ова е втор напад на ајкула за една недела во округот Волуша, а четврти од почетокот на годината. Сите се снимени во градот Њу Смирна Бич. Нападот се случил во неделата околу 13:15 часот, потврдија властите. Според извештаите, жителот на Мајами, кој има околу 30-ти години, сурфал во вода до половината кога го каснала ајкула висока речиси два метри. – Сурферот рече дека мислел дека ајкулата се храни со риба мамка кога го каснала – соопштија властите. На лице место му била укажана помош од каснување на левото стапало, а потоа сам се упатил во болница. Жител на Дејтона Бич е третата жртва на напад на ајкула во округот Волуша на 3 јули. 28-годишен маж сурфал на плажата Њу Смирна кога паднал од даската и го каснала ајкула. Повредите биле полесни, а на лице место му била укажана помош. Еден пријател потоа го однел во болница, соопштија властите.

ВИДЕО: Авион со 126 луѓе се запали по слетувањето во Мајами

Ивона Петрова — Wed, 22 Jun 2022 11:21:56 +0000

Авион со 126 луѓе се запалил по слетувањето на аеродромот во Мајами, јави „Скај њуз“. На авионот на „Ред ер“ му откажал предниот трап при слетувањето. Патниците полетале од Санто Доминго, Доминиканската Република. Авионот се излизгал по пистата, пробил комуникациска кула и застанал на тревата. – Мислев дека ќе умрам! Имаше старец до мене и го прегрнав. Беше ужасно!, изјави еден преживеан патник по смирувањето на состојбата. Патниците се евакуирани, а три лица завршиле в болница и се со полесни повреди.

Бостон ја доби мајсторката со Мајами и се пласира во големото финале на НБА-лигата

Ивона Петрова — Mon, 30 May 2022 05:58:11 +0000

Екипата на Бостон селтикс рано утрово го совлада Мајами со 100:96 во седмиот натпревар од полуфиналето на НБА-лигата и се пласира во големото финале. Џејсон Тејтум со 26 поени и 10 скока беше најдобар во победничкиот тим, Џими Батлер во редовите на домашната екипа беше најефикасен со 35 поени. Бостон ја доби серијата од конференциското финале во Источната конференција со 4-3 во победи. Во финалето на плејофот, Селтикси ќе се соочат со Голден Стејт, кој претходно го совлада Далас (4-1).

Верстапен победник на инаугуративната трка за Големата награда на Мајами

Дарко Андоновски — Mon, 09 May 2022 08:46:14 +0000

Макс Верстапен победи на инаугуративната трка за Големата награда на Мајами и стигна до својот трет триумф сезонава во болидот на Ред Бул. Холанѓанецот уште на стартот го престигна Карлос Саинс, а потоа во 9 круг успеа да го заобиколи Шарл Леклер и со мирно и безбедно возење дојде до победа. Во првите десет се најдоа уште Серхио Перес, Џорџ Расел, Луис Хамилтон, Валтери Ботас, Естебан Окон, Фернандо Алонсо и Алекс Албон. Во генералното рангирање Леклер е на лидерската позиција, но, Верстапен уште повеќе му се доближи во борбата за титулата.

Уапсен премиерот на Британските Девствени Острови

Ивона Петрова — Fri, 29 Apr 2022 07:10:13 +0000

Премиерот на Британските Девствени Острови, Ендру Фахи, е уапсен во Мајами поради наводно перење пари и заговор за шверц на кокаин, се наведува во кривичната пријава на американската Управа за борба против наркотици (ДЕА). Фахи (51) е уапсен вчера на аеродромот во Мајами заедно со генералниот директор на Управата за пристаништа на оваа британска прекуморска територија, се наведува во пријавата, која содржи и опширно сведочење на таен доушник. Во кривичната пријава, ДЕА наведува дека Фахи се согласил да му дозволи на доушникот, кој се претставил како член на мексиканскиот наркокартел Синалоа, да ги користи пристаништата на Британските Девствени Острови за испорака на кокаин, во замена за 500.000 долари, а документот покажува дека истрагата, врз основа на извештаите и снимките на тајниот доушник, почнала во октомври минатата година. Премиерот на Британските Девствени Острови побарал помош и за враќање на долгот од 83.000 долари на човек во Сенегал кој, како што рече, му „средил“ некои политички прашања, се наведува во пријавата. Британската министерка за надворешни работи Лиз Трас истакна дека е „шокирана“ од овие обвинувања и укажа на важноста на неодамна завршената Истражна комисија за наводите за корупција и злоупотреба на службената положба на островите.