мајчино млеко – Kurir.mk

„Да го овозможиме доењето, да им помогнеме на вработените родители“

Ивана Ефремовски — Tue, 01 Aug 2023 08:42:33 +0000

Под мотото „Да го овозможиме доењето, да им помогнеме на вработените родители“ од денеска до 7 август се одбележува Светската недела на доењето. Целта е да се подигне свесноста за значајноста на доењето и мајчиното млеко за мајката и за детето, да се поддржи и заштити правото на доење за сите жени ширум светот. Како што соопшти Центарот за промоција на здравје и човекови права „МАТРОНА ИНТЛ“, предизвиците на вработената жена остануваат една од најчестите причини за жената да престане да дои порано од посакуваниот и препорачаниот период, кој е најдобар за здравјето, растот и развојот на детето. Токму поради тоа на жената и е потребна соодветна поддршка за одржување на доењето. -Во тој контекст, на самото работно место, каде престојува жената која дои треба да се обезбедат соодветни капацитети (услови, простор, опкружување) за доење. Соодветна алтернатива се обезбедување на услови за измолзување и чување на мајчиното млеко. Досега само 47 земји во светот наложуваат обезбедување на адекватен простор за доење на работното место, стои во соопштението. Во текот на оваа недела се организираат различни активности, настани и информативни кампањи со цел да се информираат луѓето за предностите од доењето, за митовите и стигмата околу доењето и да се обезбедат потребните ресурси и поддршка на мајките кои сакаат да ги дојат своите деца. -Оваа иницијатива има за цел да ги поддржи жените и да им го приближи доењето како природен и најдобар начин на исхрана на нивните деца во првите месеци од животот, вклучително со нивната општествена инклузија како вработени мајки доилки, се наведува во соопштението од „МАТРОНА ИНТЛ“. (МИА)

Мајчиното млеко од жена вакцинирана против коронавирус содржи антитела

Катерина Бојаџиева — Tue, 09 Mar 2021 15:38:36 +0000

Студија спроведена во Израел покажа дека мајчиното млеко на жени вакцинирани против Ковид-19 содржи антитела. Десет доилки, вработени во болницата Ихилов во Тел Авив и вакцинирани, се согласија да дадат примероци од нивното млеко и антитела беа пронајдени во сите примероци дури и по единечна доза на вакцината. Една недела по втората доза, нивото на антитела се зголеми, соопштија израелските медиуми. Истражувачите откриле дека создавањето антитела во млекото и крвта е синхронизирано и дека антителата во мајчиното млеко можат да го неутрализираат и блокираат врзувањето на вирусот со рецепторот на клетката домаќин, што е клучна способност на вакцината да ја спречи болеста. Професорот Ариел Мани, кој ја водеше малата студија во соработка со универзитетот во Тел Авив, за јавниот сервис Кан изјави дека резултатите се доволно значајни за да се потврди важноста за вакцинирање на жени кои дојат, надевајќи се дека тоа, исто така, може да помогне во заштитата на нивните деца. Во Израел се препорачува да се вакцинираат бремени жени и доилки. Некои бремени жени починаа од Ковид-19, а десетици развија сериозна форма на болеста. Иако засега не е дозволена вакцинација на деца, израелскиот премиер Бенјамин Нетанјаху вчера изјави дека е во контакт со Фајзер и дека фармацевтската компанија наскоро ќе објави дека може да се имунизираат и деца на возраст под 16 години.

За време на коронавирус, го продавала мајчиното млеко – Нема да ви се верува колку пари заработила

Магдалена Андонова — Fri, 16 Oct 2020 14:48:54 +0000

Млада мајка од Флорида, Џули Денис, која има две деца, одлучила во време на коронавирусот и финансиската криза да го продава сопственото млеко, со кое доела сурогат бебе, а досега заработила 19.300 евра. Бидејќи била сурогат мајка, по шест месеци сфатила дека на детето не му е потребно млеко, па одлучила да ја продава „скапоцената течност“. Таа им продава 28 грама мајчино млеко за 90 американски центи на семејства, чии мајки не можат да имаат природно млеко. Денис работи како наставник во средно училиште, а недостигот од пари го дополнува на оригинален начин, пишува „Мирор“. – Не е се во парите, сакам да им помогнам на луѓето во неволја, но секако она што ќе го заработам е важно за мене и моето семејство, изјави младата мајка. (МИА)

Нова теорија за заштита од коронавирус, еве што велат експертите

Ивона Петрова — Sat, 18 Apr 2020 13:23:49 +0000

Коронавирусот е ширум светот, а луѓето се подготвени на се’ за да се спасат и заштитат. Експертите биле приморани да ги известуваат и информираат луѓето за тоа дали и кои од натписите кои се појавуваат на социјалните мрежи околу Ковид-19 се вистинити, а кои не. Една од теориите кои се појавија на социјалните мрежи е и таа дека мајчиното млеко може да пружи заштита од коронавирус бидејќи, според наводите, содржи антитела на Ковид-19. Експертите сепак велат дека не постои ниту еден доказ дека тоа е точно. -Нема никаков доказ дека мајчиното млеко може да излечи од Ковид-19 или да обезбеди антитела. До сега не е објавена ниедна студија на таа тема, вели педијатарот доктор Дајан Хес. Тој додава дека мајчиното млеко е добро за имунолошкиот систем на бебињата, но уште еднаш истакнал дека нема баш никакви докази дека содржи антитела на коронавирус кои би можеле да им помогнат на возрасните.

Вирусот не е пронајден во мајчино млеко, жените со коронавирус можат слободно да дојат

Ивана Ефремовски — Mon, 06 Apr 2020 19:56:03 +0000

Досега вирусот не е најден во примероци на амнионска течност или мајчино млеко. Жените со COVID-19 можат да дојат ако сакаат, напиша министерот Венко Филипче на Фејсбук. Тие треба: -Да практикуваат респираторна хигиена за време на доењето така што ќе носат маска таму каде ги има на располагање; -Да ги мијат рацете пред и после допирање на бебето; -Рутински да ги чистат и дезинфицираат површините што ги допреле. Блискиот контакт и рано започнатото ексклузивно доење му овозможува на бебето да напредува.

Во праисторијата бебињата пиеле млеко од овца и крава

Дарко Андоновски — Fri, 31 Jan 2020 08:18:21 +0000

Археологијата посветува многу време и напор за да утврди што јаделе нашите предци. А, во таа смисла, најмалку се знае за новороденчињата, на пример – што кога нивните мајки престанувале да дојат? Науката знае многу малку за тоа што бебињата и малите деца јаделе во длабоката древност, меѓу другото, и поради тоа што детските гробови, каде што на дното обично се наоѓаат остатоци од храна, се поретки. Тим германски археолози неодамна пронајдоа две детски гробници во близина на Берлин и Аугсбург, во кои е најден прибор што веројатно се користел за чување храна за децата закопани таму. Гробовите се од европското бронзено и железо доба, што се протега од 1200 до 450 година пред нашата ера. Анализата на садовите најдени на дното покажа дека тие содржат кравјо и овчо млеко. Наодите посочуваат дека животинското млеко е првата храна што мајката им ја давала на децата кога престанувало доењето.

Причината поради која оваа жена си го продава мајчиното млеко, ќе ви го скрши срцето (ВИДЕО)

Ивана Ефремовски — Tue, 06 Feb 2018 19:13:14 +0000

Видео снимено во Детскиот парк во Шенжен ја шокира јавноста. Тоа се рашири со брзина на светлината, прегледано е преку 2,4 милиони пати и има над 5.000 коментари. На шокантното видео се гледа како една млада мајка на улица го продава своето млеко за да собере пари за лекување на нејзината ќерка. Мајката и таткото објаснуваат дека мораат да соберат најмалку околу 12.000 евра за да платат за третманот на своето болно детенце. – Ова е единствениот начин брзо да се соберат пари бидејќи една од близначките ќерки е во болница. Докторот ни кажа дека таа ќе биде излечена и да припремиме најмалку 100.000 јуани, рече несреќната жена.