Мајк Џејмс – Kurir.mk

ЕВРОЛИГА: Монако победи во Белград, Валенсија останува со перфектен учинок

Бошко Тасиќ — Thu, 19 Oct 2023 04:03:53 +0000

Монако оствари важна победа над Црвена Звезда и тоа во Белград (76:82), а најголем виновник за евролигашкиот успех на францускиот прволигаш е расположениот Мајк Џејмс. Американецот диктираше темпо против српскиот противник и го заврши дуелот со дабл-дабл, односно 18 поени и 11 асистенции. Домаќините имаа подобар почеток, но подоцна Монако успеа да го надмудри противникот за успешно гостување против Црвена Звезда и прва победа во Евролигата сезонава на неговиот тим. Гидраитис со 20 поени беше најефикасен во редовите на „црвено-белите“, додека Недовиќ го заврши натпреварот со 15 поени. Валенсија триумфираше против Макаби со 75:66 и останува една од трите екипи со перфектен учинок, односно три победи во досегашниот дел на сезоната. Инглис со 11 поени бил најефикасен во шпанскиот состав, додека Колсон реализирал 20 во дресот на Макаби. Виртуз Болоња исто така ја искористи предноста на домашен терен и ја совлада Алба со 87:76, што е веќе втора победа во низа за италијанскиот тим во Евролигата.

Мајк Џејмс заминува од Монако

Бошко Тасиќ — Sat, 12 Aug 2023 06:09:08 +0000

Американскиот плејмејкер Мајк Џејмс е на излезните врати на францускиот тим Монако. Клубот од кнежевството веќе ја започна процедурата за да се прекине договорот со Џејмс, кој ќе стане слободен агент пред Мундобаскетот. За него постои интерес од Балканот. Прв и најсериозен кандидат за потпис со Џејмс е Олимпијакос, но грчкиот тим сака добро да ги разгледа можностите на пазарот. Заинтересирани за услугите на Американецот се и од Партизан.

Мајкџ Џејмс сепак заминува од Монако

Бошко Тасиќ — Mon, 07 Aug 2023 03:50:35 +0000

Американскиот кошаркар Мајк Џејмс, би можел да добие отказ во Монако. Џејмс е исклучително квалитетен играч, проблем претставува неговото однесување, минатата сезона неколку пати влезе во расправија со тренерот Саша Обрадовиќ. Грчките медиуми пишуваат дека откако во Мако дојде Кемба Вокер, во клубот сериозно размислуваат да се разделат со Џејмс. Според овие извори, сериозен интерес за Џејмс покажал Олимпијакос. Црвено-белите бараат плејмејкер кој ќе го надомести заминувањето на Костас Слукас.

Мајк Џејмс и следната сезона останува во Монако

Бошко Тасиќ — Thu, 27 Jul 2023 04:26:08 +0000

Американскиот кошаркар Мајк Џејмс ги разреши сите дилеми околу својата иднина откако реши да остане во Монако и во наредната сезона. Одличниот бек имаше клаузула во договорот што му овозможуваше да се пресели во НБА, доби и неколку понуди од најсилната лига во светот, но на крајот реши да остане во таборот на „кнезовите“ и со овој тим да се обиде да стигне до трофејот во Евролигата. За потсетување, Монако летово го ангажираше повеќекратниот олстар-играч Кемба Вокер, кој заедно со Мајк Џејмс ќе формира извонреден бековски тандем што дефинитивно ќе биде кошмар за противниците, како во француското првенство, така и во елитното европско натпреварување. Мајк Џејмс минатата сезона постигнуваше во просек од 15,9 поени, 4,4 асистенции и 3,7 скокови по натпревар. Монако во меѓувреме ги прекина преговорите со Никола Миротиќ, откажувајќи се од намерата да го доведе екс-кошаркарот на Барселона во своите редови

Монако го суспендира Мајк Џејмс

Бошко Тасиќ — Wed, 15 Mar 2023 05:53:45 +0000

Кошаркарскиот евролигаш Монако го суспендираше најдобриот кошаркар Мајк Џејмс, поради прекршување на дисциплината. Конкретни детали околу недисциплината засега нема во јавноста, но тој нема да тренира со тимот до следна одлука. Американскиот бек поради повреда го пропушти последниот меч со Басконија, а нема да биде во составот ниту за натпреварот со Виртус Болоња в четврток. Мајк Џејмс сезонава во Евролигата има просек од 16,8 поени, 4,7 асистенции и 3,5 скокови по натпревар.

Минатата сезона играше со Дурент, Харден и Ирвинг, сега потпиша за Монако

Бошко Тасиќ — Sat, 18 Sep 2021 06:58:23 +0000

Францускиот прволигаш Монако во престојнава сезона ќе игра во Евролигата, па за таа цел клубот се одлучи да направи сосема нов тим, тим со кој ќе може да се престави во најдобро светло во Европа, но и воедно да може да ги нападне титулите во домашните натпреварувања. Монако дојде до 13 засилување ова лето и истото е најголема, вистинска „бомба“ ако се земе предвид дека минатата кампања ја заврши играјќи во Бруклин Нетс заедно со Кевин Дурент, Џејмс Харден, Кајри Ирвинг и компанија. Се работи за плејмејкерот Мајк Џејмс кој важи за одличне стрелец и дефинитивно ќе донесе квалитет во таборот на тимот предводен од Митровиќ. На Американецот добро му е позната европската кошарка затоа што има играно низ различни клубови на стариот континент, последна беше ЦСКА Москва каде бележеше во просек по 19.3 поени по натпревар пред да „пукне тиквата“ и се врати во татковината.

Славен кошаркар во изолација поради коронавирусот

Ивана Ефремовски — Tue, 17 Mar 2020 19:00:22 +0000

Мајк Џејмс, еден од најдобрите кошаркари на московска ЦСКА, се наоѓа во изолација поради коронавирусот. – Мајк Џејмс е во карантин и под постојан надзор на нашите лекари, потврди Андреј Ватутин, претседател на „армејците“. Американскиот плејмејкер беше на вечера со колегите од Локомотив од Кубан по нивниот меч против естонски Калев во регионалната ВТБ лига, чиј асистент тренер е заразен со Ковид-19. (МИА)