Мајк Рајан – Kurir.mk

Рајан: Вакцините не значат крај на пандемијата

Ивана Ефремовски — Fri, 04 Dec 2020 18:15:37 +0000

Вакцините се најважниот дел во борбата против Ковид-19, но тоа не е крај на пандемијата, изјави денеска експертот за вонредни ситуации на Светската здравствена организација, Мајк Рајан. -Гледаме дека пристигнуваат и податоци дека заштитата (што ја обезбедува вакцината) можеби нема да биде долготрајна и оти се можни појави на повторно заразување, рече Рајан. „Вакцините не се еднакви на нула ковид“, рече Рајан. (МИА)

Рајан: Вакцината против Ковид-19 нема да стигне на време за вториот бран на пандемијата

Ивона Петрова — Thu, 19 Nov 2020 06:21:40 +0000

Високиот претставник на Светската здравствена организација, Мајк Рајан, предупреди дека вакцините нема да пристигнат на време за да се победи вториот бран на пандемијата со Ковид-19. Рајан наглкаси дека вакцините не треба да се гледаат како волшебно решение и дека државите што се борат со повторното ширење на вирусот, повторно ќе мораат сами да ја водат таа битка. – Мислам дека ќе поминат најмалку четири до шест месеци пред да имаме значително ниво на вакцинација каде било, изјави тој. И покрај ветувачките најави за развој на потенцијални вакцини, Рајан вели дека тие се уште не постојат. – Многу земји минуваат низ овој бран и ќе поминат низ тој бран без вакцини, додаде Рајан.

Рајан: Владите во Европа се соочени со многу тешка ситуација со Ковид-19

Магдалена Андонова — Mon, 02 Nov 2020 20:37:12 +0000

Владите во Европа се соочуваат со многу тешка ситуација во контролата на зголемениот број случаи на Ковид-19, додека нивните граѓани се уморни од обновените ограничувања во секојдневниот живот, изјави денеска главниот експерт на Светската здравствена организација (СЗО) за итни случаи Мајк Рајан. На редовниот брифинг во Женева, тој рече дека е „јасно што луѓето се фрустрирани и имаат целосно право да бидат фрустрирани и уморни“. – Владите, особено во Европа, се соочуваат со многу, многу тешка ситуација. Треба да го потиснеме овој вирус, да ја совладаме епидемијата. Нивните можности се ограничени, рече Рајан. (МИА)

СЗО: Вакцината против коронавирус не ја очекувајте пред следната година!

Ивана Ефремовски — Thu, 23 Jul 2020 18:47:36 +0000

Извршниот директор на Светската здравствена организација (СЗО) за вондредни програми, Мајк Рајан, изјави дека истражувачите напредуваат во развојот на вакцина против коронавирусот, од кои неколку се во доцните фази на тестирање, но истакна дека нивната прва употреба не се очекува пред почетокот на следната години. Рајан рече дека СЗО работи напорно за да обезбеди еднаква дистрибуција на вакцината, но истакна дека во меѓувреме, клучно е да се спречи ширењето на коронавирусот. -Ние напредуваме добро. Неколку вакцини се веќе во третата фаза на тестирање. Реално е да се очекува првата да се користи во првиот дел од следната година“, рече Рајан. Сепак, никој досега не успеа во однос на безбедноста или можноста да генерира имунолошки одговор. Тој додаде дека СЗО работи на проширување на пристапот до потенцијалната вакцина и да помогне во зголемувањето на производниот капацитет. -Мораме да бидеме фер затоа што тоа е глобално добро. Вакцините за оваа пандемија не се за богатите, не се за сиромашните – тие се за сите, рече Рајан.