мајк тајсон – Kurir.mk

Тајсон против Томас ја именуваше најтешка борба во кариерата

Катерина Бојаџиева — Sun, 16 Apr 2023 11:27:24 +0000

Поранешниот неприкосновен светски шампион во бокс во тешка категорија, Мајк Тајсон (50-6 победи-порази) за свој најтежок противник во кариерата го смета поранешниот шампион на ВБЦ и ИБО, Пинклон Томас (43-7). - Мислам дека Пинклон Томас беше мојот најтежок противник. Никогаш не би рекол дека ми беше најтежок противник, но пред две години гледав снимка од нашата борба, мојот пријател ме советуваше да ја гледам. Го совладав, но добив 17 силни удари во глава, изјави Тајсон. „Челичниот“ Мајк го победи Томас со технички нокаут во шестата рунда. Борбата се случи на 30 мај 1987 година во Лас Вегас, САД.

Мајк Тајсон го прошири бизнисот со марихуана, влезе и во Европа (ФОТО)

Ивана Ефремовски — Sat, 08 Apr 2023 18:02:00 +0000

Легендарниот американски боксер, Мајк Тајсон, покажува дека добро се снаоѓа во бизнисот. „Челичниот Мајк“ сериозно почна со бизнисот со марихуана во Калифорнија, а сега го шири својот бизнис и во Европа. Неодамна Тајсон отвори кафуле во Амстердам, град во кој е легализирана марихуаната. „Овде љубителите на марихуана ќе имаат можност да пробаат дел од моите производи од канабис. Тоа веќе го направив во Калифорнија, а се надевам дека и Европејците ќе бидат задоволни од моите производи“, порачува Тајсон.

Ново обвинување за Мајк Тајсон, повторно му се заканува затвор

Ивона Петрова — Tue, 24 Jan 2023 21:11:06 +0000

Жена го обвини поранешниот боксерски шампион во тешка категорија, Мајк Тајсон дека ја силувал на почетокот на ’91-тите години. Тужбата ја поднела овој месец во Њујорк и бара отштета од пет милиони долари. Истакнала дека Тајсон ја силувал во лимузина откако го сретнала во ноќен клуб во Њујорк, додавајќи дека од тогаш претпрела физички, психички и емоционални повреди. Во изјавата жената не го наведува точниот датум на нападот, туку само вели дека се случил на почетокот на деведесетите години, отприлика во исто време кога Дезајр Вашингтон рече дека Тајсон ја силувал во Индијанополис. Тајсон на 10 февруари 1992 година беше осуден за силување и отслужи три години затворска казна. Во исказот жената наведува дека влегла во лимузината на Тајсон и тој веднаш почнал да ја допира и се обидувал да ја бакне. -Неколку пати му кажав не и го замолив да престане, но тој продолжи да ме напаѓа. Потоа ми ги соблече пантолоните и насилно ме силуваше, изјавила жената која сака да ја задржи својата анонимност. Адвокатот кој ја застапува истанал дека неговата канцеларија не ја поднела тужбата само поради нејзините зборови, туку дека ги истражила наводите и утврдила дека се „многу веројатни“.

Мајк Тајсон откри зошто се движел во инвалидска количка: Сериозните проблеми со оваа болест допрва доаѓаат! (ФОТО)

Дарко Андоновски — Mon, 29 Aug 2022 10:21:29 +0000

Поранешниот неприкосновен боксерски шампион во тешка категорија, Мајк Тајсон (50-6) неодамна беше забележан во инвалидска количка на аеродромот во Мајами. Претходно Тајсон одеше со бастун во раката. Според Тајсон, тој се бори со ишијас – болки во лумбосакралниот регион. – Кога ишијасот се влошува, не можам ни да зборувам. Фала му на Бога, ова е мојот единствен здравствен проблем, изјави Тајсон за „Sportkeeda“. Најчесто спортистите ја доживуваат оваа болка поради напнатоста на мускулите за време на вежбањето. Многу борци признаа дека страдаат од ишијас.

„Наскоро ќе умрам“: Фановите на Мајк Тајсон загрижени поради ОВИЕ фотографии и ОВАА изјава на боксерот

Ивана Ефремовски — Wed, 17 Aug 2022 14:02:25 +0000

Обожавателите на Мајк Тајсон се загрижени откако се појавија фотографии на кои легендарниот боксер позира со фанови на аеродром во Мајами, а седи во инвалидска количка. Имено, Тајсон веќе некој период има проблеми со ишијас, а претходно откри дека токму поради болките во грбот престанал да се занимава со бокс. Не се само фотографиите причина за загриженост кај фановите, туку и оваа негова изјава. „Често во последно време се погледнувам во огледало и гледам некои дамки на своето лице кои претходно не сум ги видел. Си велам дека крајот е близу, дека наскоро ќе умрам“, изјави Тајсон.

Мајк Тајсон: Потрошив 500 милиони долари, немав контрола – ова е мојот совет до богатите родители

Ивана Ефремовски — Tue, 05 Jul 2022 17:20:52 +0000

Боксерската легенда Мајк Тајсон, кој своевремено беше најмлад светски првак во тешка категорија, призна дека кога ја завршил кариерата, речиси и да немал пари, иако за 15-те години боксување, заработи околу половина милијарда долари. „Кога ќе заработите толку многу пари, тие ви траат подолго време, не ги потрошив сите пари наеднаш. Ми требаа 15-16 години за да банкротирам“ – вели Тајсон. Челичниот Мајк раскажа дека трошел без контрола, а познато е дека голем дел од парите му ги зеде поранешната сопруга со која се разведе. „Знаев да кажам: Еј девојко, ти се допаѓа автомобилов? Важи, дојди кај мене за викенд и ќе ги го купам. Трошев пари за глупости. А, последната заработка од борба ја потрошив за рехабилитација, тоа беа околу 1 милион долари. На сметката имав уште 2 милиони од продажба на куќа во Феникс“ – изјави Тајсон. Сега тој дава совет до богатите родители. „Децата треба повеќе да одат на молитви и да работат напорно. Не сакам на моите деца да им давам многу пари, бидејќи тоа ќе ги расипе. Така нема да им помогнам, само ќе ги уништам како луѓе“ – завршува 55-годишниот Тајсон.

Бесниот Мајк Тајсон претепа човек во авион (ВИДЕО)

Ристе Здравков — Thu, 21 Apr 2022 15:52:56 +0000

Легендарниот боксер Мајк Тајсон (55) направи тежок инцидент во авион. Тајсон бил изнервиран од еден од патниците кој со однесување ги преминал сите граници, па славниот боксер решил да реагира. Ајрон Мајк се сврте кон момчето што го малтретираше, а потоа му зададе неколку удари, пишува TMZ. Тајсон бил многу добро расположен пред летот. Се фотографирал со момците, но тие потоа почнале да се исмејуваат со познатиот шампион. Ова особено важело за типот кој седел зад Мајк и ги преминал сите граници. Шампионот решил потоа да реагира. Тој се свртел и почнал да го тепа момчето, а потоа истиот ги покажал траги од удари во главата.

A man was HARASSING Mike Tyson on a Jet Blue flight, and Mike had to put hands on him to stop the harassment. pic.twitter.com/NDjrfntrxn
— Tariq Nasheed 🇺🇸 (@tariqnasheed) April 21, 2022

Малави го бара Тајсон за промотор на локалната индустрија на канабис

Тале Кристо — Wed, 24 Nov 2021 16:45:35 +0000

Африканската држава Малави, во која одгледувањето и трговијата со канабис е легално, официјално побара од боксерската легенда Мајк Тајсон да биде промотор на нивната локална индустрија. Министерството за земјоделство соопшти дека „Малави има потреба од партнер во сложената индустрија на канабис“ и оти еден од најдобрите боксери на сите времиња би бил идеален за таа работна позиција. Американското списание „Форбс“ неодамна објави дека Тајсон е вклучен во индустријата со канабис и регистрирал фирма за продажба на производи врз база на канабис во Соединетите Американски Држави. На почетокот на 2020 година Малави се приклучи на листата африкански држави во кои користењето канабис во медицински цели е дозволено. На африканскиот континент канабисот понекогаш се нарекува и „малависко злато“ бидејќи неговото одгледување со години беше илегално.

Тајсон на суд – земал 25 милиони долари па одбил борба со Холифилд

Магдалена Андонова — Wed, 30 Jun 2021 10:17:07 +0000

Промоторската компанија „Трилер“ го тужи поранешниот неприкосновен шампион во бокс во тешка категорија Мајк Тајсон, објави „IBT“. Во соопштението се вели дека Тајсон доби 25 милиони долари за ревијален меч против Ивандер Холифилд, кој пропадна во април поради одбивањето на борбата од страна на „Железниот Мајк“. Рајан Кавано, извршен директор на компанијата, рече дека ќе го тужи боксерот, така што Тајсон повеќе не може да учествува во демонстративни борби без „Трилер“. Педесет и петгодишниот боксер се повлече од професионалната кариера во 2005 година. Во ноември 2020 година, Тајсон одржа егзибициски дуел со Рој Џонс јуниор, кој заврши нерешено. (МИА)

Мајк Тајсон ќе се врати во рингот во септември

Ивона Петрова — Thu, 10 Jun 2021 06:06:03 +0000

Тренерот на Мајк Тајсон, Рафаел Кордеиро зборуваше за времето на можно враќање на боксерот во рингот. – Продолжуваме со тренинзи. Тој е спортист и секогаш вежба, работи на нозе во фитнес центар. Мислам дека ќе имаме нешто во септември. Не знам кои ќе бидат ривали, бидејќи неговата компанија „Legends Only League“ работи на тоа. Таа преговара за договор со ТВ – само тие можат да го објават распоредот, а ние тренираме. Ќе се бориме во септември, рече Кордеиро. Да потсетиме, во ноември 2020 година, Тајсон имаше дуел со Рој Џонс јуниор.