мајка и ќерка – Kurir.mk

ФОТО: Мајка се обидела да ја шверцува ќерка си во багажник, фатена на Меџитлија

Ивона Петрова — Thu, 10 Aug 2023 09:15:10 +0000

Царински службеници на граничниот премин Меџитлија спречија обид за нелегално пренесување на непријавено лице во државава, откако мајка од Јужноафриканска Република се обидела да ја пренесе својата ќерка во багажник на изнајмено возило со македонски регистарски таблички. -Имено во понеделникот, на 7 август, на влез во државава, на граничниот премин со Грција во Битола, се пријави државјанка на Јужноафриканска Република со иницијали Ц.Л.Р. (57), како возач на изнајмениот автомобил. На прашање на царинскиот службеник дали има да пријави нешто за царинска контрола, лицето одговори нема ништо да пријави. Царинскиот службеник се посомнева во изјавата и реши да изврши физичка контрола на возилото, при што во багажниот простор на возилото пронајде непријавено лице. Со проверка на патната исправа се утврди дека се работи за државјанка на Јужноафриканска Република со иницијали Ц.Д.Ј. (23), информираат од Царинската управа. За случајот е известена полициската станица на ГП Меџитлија и случајот е предаден во нивна надлежност за натамошно постапување.

Мајка и ќерка заиграа заедно, донесоа победа за својот тим

Дарко Андоновски — Tue, 09 Nov 2021 12:33:48 +0000

На натпревар од првенството на Шпанија меѓу тимовите на Ла Калзада од Хихон и Морверде домашните забележаа победа од 31:17, но од теренот остана запишан еден друг интересен момент. Во победничкиот состав имаше мајка и ќерка кои запишаа несекојдневен момент. Заедно играа Мариса Фарија (38 години) која е репрезентативка на Парагвај и нејзината ќерка, 16-годишната Јерути. „Многу бев среќна кога Јерути ми кажа дека е повикана за да настапи во првата екипа. Во текот на натпреварот не ни сфатив дека е испратена да се загрее и потоа се појави на теренот. Кога ја видов во игра таа се насмевна. Во исто време ми дојде да заплачам и ми се појавија солзи, но морав да ги задржам емоциите“, вели Мариса Фарија. Нејзината ќерка се најде на теренот во 55. минута и постигна гол од линијата од седум метри.

ФОТО: Дефинитивен крај – Луна и Анабела го прекинаа секој контакт, социјалните мрежи вријат

Ивона Петрова — Tue, 21 Jul 2020 07:26:59 +0000

Иако во еден момент изгледаше дека ќе ја спуштат топката, Луна Џогани и нејзината мајка Анабела Атијас очигледно се во лоши односи. Откако ги завршиле сите обврски по учеството во реалното шоу „Задруга“, мајката и ќерката заминаа на различни страни: Анабела во Хрватска со семејството, а Луна со момчето Марко Миљковиќ на мирен одмор на планина. Она што како бомба одекна во медиумите е веста дека мајката и ќерката повеќе не се „следат“ на Инстаграм. Луна сепак ги следи остнатите членови на семејството, нејзината сестра Нина, очувот Андреј и таткото Гаги. Анабела, пак ги следи некои од групите за поддршка посветени на Луна, но не и ќерката. Дали е ова дефинитивен крај на нивниот однос кој во последните месеци беше многу турбулентен, останува да видиме.