мајка тереза – Kurir.mk

Жена тешко повредена на Комплекс клиники „Мајка Тереза“

Тале Кристо — Tue, 31 Oct 2023 15:09:51 +0000

На 30.10.2023 во 18.00 часот во СВР Скопје било пријавено дека во Комплексот клиники „Мајка Тереза“, П.Д. од Скопје, при извршување работни задачи во комплексот се здобила со тешка телесна повреда. Увид бил извршен и бил известен трудов инспектор.

20 години од беатификацијата на Мајка Тереза

Ивона Петрова — Thu, 19 Oct 2023 07:49:34 +0000

На 19 октомври во 2003 година, Папата Јован Павле Втори со свечената процесија што се одржала на плоштадот „Свети Петар“ во Рим, ја беатифицирал односно ја прогласил за блажена Мајка Тереза, што бил последниот чин пред нејзиното прогласување за светица. По беатификацијата на Мајка Тереза, таа ја добила титулата Блажена Мајка Тереза, која ја носела сè до нејзиното прогласување за светица откако црквата официјално утврдила дела има изведено и второ чудо. На 17 декември 2015 година, Ватикан потврдил дела папата Франциск го признал второто нејзино чудо со лечењето на човек од Бразил со повеќе тумори на мозокот. Папата ја канонизирал Мајка Тереза на 4 септември 2016 на плоштадот „Свети Петар“ во Ватикан пред десетици илјади луѓе, меѓу кои 15 службени делегации 1.500 бездомни лица од цела Италија. Свеченоста се пренесувала во живо на ватиканската телевизија и на интернет.

113 години од раѓањето на Мајка Тереза

Ивона Петрова — Sat, 26 Aug 2023 08:55:12 +0000

Денеска се одбележуваат 113 години од раѓањето на Мајка Тереза (вистинското име и е Агнеса Гонџа Бојаџиу). Таа е родена на 26 август 1910 година на тогашната улица “Поп Кочина” број 14, која што се наоѓала на сегашниот плоштад Македонија. Гонџа е најмалото дете во семејството, имала постара сестра Ага и постар брат Лазар. Гонџа потекнува од добростоечко семејство и во него владеело правилото да се помогне на секој на кој му е потребна помош. Конечната одлука да го напушти Скопје ја донела затоа што на 12 годишна возраст добила повик од Бога. По 6 години, таа конечно, го напушта родниот град. Заминува за Даблин, Ирска од железничката станица во Скопје. Заедно со мајката Драна и сестрата Ага заминуваат за Загреб, од каде, после две недели, Гонџа заминува за Ирска. Ова е последната нејзина средба со своите мајка и сестра. Во 1979 година ја добила Нобеловата награда за мир за извонредно широката дејност во помагањето на бедните, болните и унесреќените во целиот свет. Почина во Калкута, Индија, на 5 септември 1997 година по неколку годишна борба со болест на срцето и белите дробови Две години по нејзината смрт, Папата Јован Павле II, ја започнува диоцезиската фаза од процесот за беатификација и канонизација. По беатификацијата на Мајка Тереза, која на 19 октомври 2003 ја извршил папата Јован Павле Втори, таа ја добила титулата Блажена Мајка Тереза. Оваа титула ја носела сè до нејзиното прогласување за светица откако црквата официјално утврдила дела има изведено и второ чудо. На 17 декември 2015 година Ватикан потврдил дела папата Франциск го признал второто нејзино чудо со лекување на човек од Бразил со повеќе тумори на мозокот. Папата ја канонизирал Мајка Тереза на 4 септември 2016 на плоштадот „Свети Петар“ во Ватикан пред десетици илјади луѓе, меѓу кои 15 службени делегации 1.500 бездомни лица од цела Италија.

Книги за Мајка Тереза во Националната Библиотеката на Рига

Катерина Бојаџиева — Fri, 11 Nov 2022 10:56:08 +0000

Министерот за надворешни работи на Северна Македонија, Бујар Османи, денеска оствари повеќе работни средби во рамки на билатералната посета на официјална Рига. Османи се сретна со претседавачот на Комитетот за надворешни односи во латвискиoт парламент (Сајмот), Рихардс Колс. На средба беше изразено задоволство од блиските билатерални односи и тесната соработка меѓу двете држави како во билатерален така и во мултилатерален план. Османи меѓу другото го информираше соговорникот и за текот на евроинтегративниот процес на земјава, потенцирајќи дека во овие сензитивни времиња, неопходно е зајакнување на европската перспектива во земјите од Западниот Балкан, како клучен двигател на европската реформска агенда. -Северна Македонија како земја која негува мултиетничка демократија и e промотор на култура на дијалог, останува посветена за промоција на решавање на отворените прашања исклучиво преку дијалог и меѓусебно разбирање, истакна Османи, реафирмирајќи ја потребата од формирање на Парламентарна група за соработка со Северна Македонија во латвискиот парламент, за што доби поддршка од латвискиот соговорник. Колс ја реафирмира латвиската поддршка за евроинтегративниот пат на Северна Македонија и изрази очекување за ревитализација на парламентарната соработка во наредниот период. Брифираше за состојбите во Балтикот, по руската инвазија во Украина, и повика на солидарност и максимална поддршка за Украина, изразувајќи признание за напорите на нашата земја на овој план. Во рамки на својот престој во Латвија, Османи оствари посета на Националната Библиотека во Рига, при што му беа врачени книги од латвиската книжевност, додека Османи подари книги од македонската книжевност, со цел промоција на македонскиот јазик пред латвиските читатели како и книги за Мајка Тереза.

Шест години од прогласување на Мајка Тереза за светица

Ивона Петрова — Sun, 04 Sep 2022 09:35:27 +0000

На 4 септември 2016 година, Мајка Тереза беше прогласена за Света Тереза од Калкута, од страна на папата Франциск. Поглаварот на Римокатоличката црква пред шест години на церемонија која се одржа на плоштадот „Св. Петар“ ја прогласи Мајка Тереза за Светица. Пред повеќе од десетици илјади верници на плоштадот Свети Петар во Ватикан, кардиналот Анџело Амато – префект на Конгрегацијата за прогласување за светци, прочита кратка биографија за делата на Мајка Тереза, а потоа побара од папата да ја канонизира во името на Црквата. Папата Францис одговори: “Да ја носиме нејзината насмевка во нашите срца и да им ја даваме на оние кои ги среќаваме за време на нашето патување, особено на оние кои страдаат. Ја прогласуваме Блажената Тереза од Калкута да биде светица и ја запишуваме меѓу светците, и таа треба да биде почитувана како таква од страна на целата Црква.” На канонизацијата на Блажена Мајка Тереза присуствуваше македонска државна и црковна делегација, предводена од претседателот Ѓорге Иванов. Посебно место на свеченоста имаа Република Македонија, заедно со Република Албанија и Република Индија, како земји на нејзиното раѓање, потекло и мисија.

112 години од раѓањето на Мајка Тереза

Ивона Петрова — Fri, 26 Aug 2022 06:31:46 +0000

Денеска се одбележуваат 112 години од раѓањето на Мајка Тереза (вистинското име и е Агнеса Гонџа Бојаџиу). Таа е родена на 26 август 1910 година на тогашната улица “Поп Кочина” број 14, која што се наоѓала на сегашниот плоштад Македонија. Гонџа е најмалото дете во семејството, имала постара сестра Ага и постар брат Лазар. Гонџа потекнува од добростоечко семејство и во него владеело правилото да се помогне на секој на кој му е потребна помош. Конечната одлука да го напушти Скопје ја донела затоа што на 12 годишна возраст добила повик од Бога. По 6 години, таа конечно, го напушта родниот град. Заминува за Даблин, Ирска од железничката станица во Скопје. Заедно со мајката Драна и сестрата Ага заминуваат за Загреб, од каде, после две недели, Гонџа заминува за Ирска. Ова е последната нејзина средба со своите мајка и сестра. Во 1979 година ја добила Нобеловата награда за мир за извонредно широката дејност во помагањето на бедните, болните и унесреќените во целиот свет. Почина во Калкута, Индија, на 5 септември 1997 година по неколку годишна борба со болест на срцето и белите дробови Две години по нејзината смрт, Папата Јован Павле II, ја започнува диоцезиската фаза од процесот за беатификација и канонизација. По беатификацијата на Мајка Тереза, која на 19 октомври 2003 ја извршил папата Јован Павле Втори, таа ја добила титулата Блажена Мајка Тереза. Оваа титула ја носела сè до нејзиното прогласување за светица откако црквата официјално утврдила дела има изведено и второ чудо. На 17 декември 2015 година Ватикан потврдил дела папата Франциск го признал второто нејзино чудо со лекување на човек од Бразил со повеќе тумори на мозокот. Папата ја канонизирал Мајка Тереза на 4 септември 2016 на плоштадот „Свети Петар“ во Ватикан пред десетици илјади луѓе, меѓу кои 15 службени делегации 1.500 бездомни лица од цела Италија.

Второ издание на културно-научната манифестација „Светлината на Гонџе“

Ивона Петрова — Fri, 26 Aug 2022 05:26:39 +0000

Второто издание на традиционалната културно-научна манифестација „Светлината на Гонџе“ ќе се одржи денеска во организација на Институтот за духовно и културно наследство на Албанците – Скопје. Манифестацијата, како што соопшти Институтот, се совпаѓа со 112-годишнината од раѓањето и 25-годишнината од смртта на Мајка Тереза. Свеченото отворање на манифестацијата ќе се одржи на централниот плоштад во Скопје, при што ќе биде промовирано истоименото списание.

Индија забрани организацијата Мајка Тереза да се финансира од странство

Тале Кристо — Tue, 28 Dec 2021 11:06:59 +0000

Индиската Влада одби да ја обнови лиценцата за странско финансирање за добротворна организација основана од Мајка Тереза, јави денеска Радио Слободна Европа. Мисионерите на милосрдието имаат илјадници калуѓерки кои ги надгледуваат проектите како што се напуштени детски домови, училишта, клиники и хосписи. На Божик индиското Министерство за внатрешни работи соопшти дека не ја обновило регистрацијата поради „неповолни податоци“, пишува Би-Би-Си. Тврдокорните Хиндуси долго време ја обвинуваат добротворната организација дека ги користи своите програми за да ги насочи луѓето да преминат во христијанство. Хуманитарната организација ги негираше овие наводи. Во вчерашното соопштение, таа потврди дека нејзината апликација за обновување е одбиена и дека нема да управува со сметките за странско финансирање „додека не се реши проблемот“. Претходно, главниот министер на Западен Бенгал, Мамата Банерџи, привлече критики откако објави на Твитер дека владата ги замрзнала банкарските сметки на добротворната организација. Но, и владата и државата оттогаш негираа дека сметките се замрзнати. Добротворната организација со седиште во Калкута е основана во 1950 година од Мајка Тереза, римокатоличка калуѓерка која се преселила во Индија од нејзината родна Македонија. Тоа е една од најпознатите католички добротворни организации во светот. Мајка Тереза ја доби Нобеловата награда за мир во 1979 година за нејзината хуманитарна работа, а папата Франциск ја прогласи за светица во 2016 година, 19 години по нејзината смрт. Владата на премиерот Нарендра Моди се обиде да го намали странското финансирање за добротворни организации и други невладини организации со седиште во Индија. Минатата година, ограничувањата доведоа до замрзнување на банкарските сметки на Гринпис и Амнести интернешенел.

Доделени Посланијата за хуманост и статуетки со ликот на Мајка Тереза

Катерина Бојаџиева — Thu, 16 Dec 2021 09:05:51 +0000

Граѓанското здружение „Скопјанката Мајка Тереза“ синоќа во Спомен–куќата на Мајка Тереза свечено ќе ги додели годинашниве Посланија за хуманост и статуетки со ликот на Мајка Тереза. Овогодишни добитници на признанијата се ГОБ „8 Септември“ – Скопје, Универзитетската клиника за физикална медицина и рехабилитација, Вакциналниот ковид – пункт на Поликлиниката „Букурешт”, Здружение на медицински сестри, техничари, акушерки и стоматолошки сестри „За нас”; ПЗУ Ординација по семејна и општа медицина во Општина Гази Баба и Здружението за поддршка, интеграција и ресоцијализација на лица во социјален ризик „ЦСИ ЛИНК“. Катерина Дамевска лекарка во ПЗУ Ординација по семејна и општа медицина во Општина Гази Баба по повод признанието нагласи дека во текот на својата десетгодишна кариера се соочила со бројни предизвици, но ниту таа, ниту нејзините колеги ширум светот не можеле да претпостават со каков непријател ќе треба да водат битка кога се појави коронавирусот. -Минативе две години беа најтешките во мојата кариера, но со голема гордост можам да кажам дека во нив го почувствував и најголемиот успех. 600 позитивни пациенти – 600 излекувани лица. Ниту еден одбиен повик, ниту еден вратен пациент. Безброј прегледи и совети. Го разбирав стравот кој го имаат и знаев дека моја должност е да го победиме сето тоа заедно, вели Дамевска. По силната и неизвесна битка со коронавирусот, во светски рамки, додава таа, уште не можеме да го видиме светлото на крајот од тунелот, за да можеме да кажеме дека победивме, но тоа се наѕира во здравствените картони на моите пациенти. – Предизвикот беше голем, но нашите заеднички победи поголеми и повредни. Тие ќе ни бидат доказ дека ништо не е невозможно во посветената битка за здравјето, вели Дамевска. Свеченоста ќе се одржи според ковид-протоколите, а на неа ќе настапат познатите македонски музички уметници Драган Мијалковски и Серафина Фантаузо.

Потресна објава на Шерон Стоун: Помолете се за мајка ми (ФОТО)

Магдалена Андонова — Tue, 23 Nov 2021 17:49:33 +0000

Шерон Стоун на Инстаграм објави дека моментално минува низ тежок период бидејќи е исплашена за животот на својата мајка. Имено, како што напишала, нејзината мајка доживеала втор мозочен удар. Помолете се за Дороти Мари Стоун, мајка ми, која доживеа уште еден мозочен удар, напиша познатата актерка на Инстаграм. И Шерон пред точно дваесет години доживеа тежок мозочен удар, по што девет дена беше во болница.

View this post on Instagram

A post shared by Sharon Stone (@sharonstone)