мајкл бубле – Kurir.mk

ФОТО: Луисана Лопилато и Мајкл Бубле го очекуваат четвртото дете

Ивона Петрова — Wed, 23 Feb 2022 09:47:32 +0000

Канадскиот пејач и актер, Мајкл Бубле (46) и неговата сопруга Аргетинката Луисана Лопилато (34) го очекуваат четвртото дете. Среќната вест парот ја откри во новиот спот за песната „I'll Never Not Love You“. Спотот, наводно е продолжение на неговиот прв спот за песната „Haven't Met You Yet“ во кој заедно се појавуваат. - 'Haven't Met You Yet' беше прекрасен почеток на вистинска романса. Десет години подоцна приказната продолжува со извонредно продолжение за „I'll Never Not Love You“ , напиша пејачот на Твитер., Луисана на Инстаграм пак објави фоторафија на која трите деца и го бакнуваат стомакот, со натпис „Упс, го направивме тоа повторно“. Мајкл и Луисана се во брак од 2011 година и веќе ги имаат синовите Ноа (8) и Елиас (6), како и тригодишната ќерка.

View this post on Instagram

A post shared by Luisana Lopilato (@luisanalopilato)

Животот им приреди голем удар, но судбината ги награди со три дечиња: Славниот пар ужива на заслужен одмор (ФОТО)

Ивана Ефремовски — Tue, 02 Jul 2019 19:34:33 +0000

Луисана Лопилато и Мајкл Бубле се релаксираа во Италија по крајот на неговата европска турнеја. Аргентинската актерка, позната кај нас по серијата „Млади бунтовници“, уживаше со 43-годишниот пејач и трите деца во Фиренца. На фотографиите, парот го разгледува шармантниот град со 5-годишниот Ноа, 3-годишниот Елијас и 11-месечната Вида. Славната двојка извесно време беше повлечена од јавниот живот додека нивниот син Ноа се бореше со рак на црниот дроб. За среќа, малото момче успеа да ги остави здравствените проблеми зад себе.

ФОТО: Миа Колучи со солзи во очите откако сопругот доби ѕвезда во Холивуд

Ивона Петрова — Thu, 22 Nov 2018 21:42:42 +0000

Мајкл Бубле доби своја ѕвезда во Холивуд. 43-годишниот канадски пејач беше почестен со 2.650-тата по ред ѕвезда на Патеката на славните. На церемонијата, Бубле ја доби поддршката од сопругата Луисана Лопилато, кај нас позната по улогата на Миа Колучи во серијата „Млади бунтовници“. Во својот говор, познатиот музичар зборуваше за семејството и со своите зборови ја трогна Луисана, која не можеше да си ги задржи солзите. „Колку подолго живеам, толку повеќе сфаќам дека љубовта не е бесплатна. Љубовта има голема цена. Колку повеќе сакаш, толку повеќе се повредуваш. Ѝ благодарам на мојата сопруга, не постои нешто што можам да го кажам кое може да опише што чувствувам за неа и низ што поминавме. Таа е мојот херој и мојата карпа“ – вели Бубле во својот говор. „Моите деца кои ми дадоа цел во животот и ми ги направија ваквите денови уште послатки, бидејќи сега можам да разберам колку убави се добрите моменти“ – додава тој.

ФОТО: Луисана Лопилато стана мајка по трет пат

Ивона Петрова — Fri, 27 Jul 2018 13:27:11 +0000

Актерката Луисана Лопилато, кај нас позната по улогата на Миа Колучи во серијата „Млади бунтовници“, стана мајка по трет пат. По двата сина, Луисана и нејзиниот сопруг Мајкл Бубле, станаа горди родители на девојче. Аргентинската актерка се породила вчера, а веќе објави фотографија од бебето на Инстаграм со емотивна порака. -Како да објаснам дека нашите срца ќе експлодираат од љубов. Денот нема доволно часови за да мислам на тоа. Му благодарам на Господ за овој подарок и среќа. Затоа што гледајќи во нејзините очи е како да гледаш во рајот, се вели во дел од пораката објавена од познатата актерка.