мајкл даглас – Kurir.mk

Мајкл Даглас ja доби почеснaта „Златна палма“ во Кан

Ивана Ефремовски — Wed, 17 May 2023 07:19:52 +0000

Американскиот глумец Мајкл Даглас ја доби почесната „Златна палма“ на отворањето на 76. издание на Филмскиот фестивал во Кан. Претставувајќи го Даглас, неговата колешка, глумицата Ума Турман го опиша како „еден и единствен - и како продуцент, и како легендарна филмска ѕвезда“. -Ова ми значи многу, бидејќи има толку многу фестивали ширум светот, но има само еден Кан!, рече 78-годишниот глумец, оценувајќи ја наградата како - неверојатна чест. Коментирајќи го фактот дека е „постар од фестивалот“, Даглас се осврна на својата кариера и кариерата на неговите соработници во филмската индустрија. Тој на настанот пристигна со својата сопруга Кетрин Зета-Џонс. За време на свеченото отворање на Фестивалот, Кјара Мастројани рече: - Смислата на овој Фестивал беше и останува да ја евоцира нашата слобода... Да ја изразиме силата и кревкоста на нашето постоење. Таа како водителка го поздрави жирито, предводено од Рубен Остлунд. Настанот го отвори филмот „Жан ду Бери“ (Jeanne du Barry) - драма сместена во 18. век, на француската режисерка Мајвен, за кралот Луј Петнаесетти кој се вљубил во проститутката Мари-Жан Бека. Џони Деп ги глуми монархот, а Мајвен - Бека. Фестивалот на француската ривиера, ќе трае до 27 мај, и вклучува мноштво први прикажувања, вклучувајќи ги новиот „Индијана Џонс“ филм денеска, што ќе биде петтиот дел од серијалот и последен во којшто ќе глуми Харисон Форд како славниот археолог. В сабота ќе биде прикажан најновиот филм на Мартин Скорсезе - „Убијците на цветната месечина“ (Killers of the Flower Moon) со Леонардо ди Каприо и Роберт де Ниро во главните улоги. Истиот ден посетителите ќе можат да ги погледнат Натали Портман и Џулијан Мур во филмот на Тод Хејнс - „Мај, декември“. Тоа се само дел од 21 филм коишто се натпреваруваат за „Златна палма“. Меѓу режисерите има седум жени - најмногу досега, а во списокот номинирани се уште неколку досегашни лауреати - двократниот победник од Велика Британија, Кен Лоуч, како Јапонецот Хироказу Коре-едо и Германецот Вим Вендерс... На чело на жирито е минатогодишниот добитник, Швеѓанецот Рубен Остлунд („Триаголник на тагата“), а членови се и холивудските ѕвезди Бри Ларсон и Пол Дејно. Околу илјада полицајци и чувари работат на фестивалот поради страв од политички мотивираните протести во Франција. (МИА)

Почна Канскиот филмски фестивал: Златна палма за Мајкл Даглас, овации за Џони Деп (ВИДЕО)

Ивона Петрова — Wed, 17 May 2023 06:19:45 +0000

Во присуство на голем број филмски ѕвезди свечено беше отворен овогодинешниот 76. Кански филмски фестивал, меѓу кои најголемо внимание привлекоа Џони Деп, Хелен Мирен, Мајкл Даглас, Кетрин Зета Џонс, Ума Турман, Кетрин Денев и многу други. Појавувањето на Деп на првиот ден од фестивалот беше главна вест пред премиерата на неговиот филм „Мадам ди Бари“, во кој тој го игра кралот Луј XV. Тој беше пречекан со овации и транспаренти на кои пишуваше „Да живее Џони“. Во центарот на вниманието беше и Мајкл Даглас, кој доби почесна Златна палма за животно дело за време на свеченото отворање. Тој дојде во Кан со сопругата Кетрин Зета-Џонс и нивната ќерка Керис. За Златната палма се натпреваруваат вкупно 21 филм, а меѓу режисерите во конкуренција се и седум жени, што е рекорд за овој филмски фестивал. Со деветчленото жири на фестивалот претседава Рубен Остлунд, кој минатата година ја освои својата втора Златна палма за филмот „Триаголник на тагата“.

Среќа во семејството на Мајкл Даглас, актерот не може да сокрие колку е горд (ФОТО)

Ивана Ефремовски — Thu, 24 Dec 2020 19:30:05 +0000

Мајкл Даглас сподели ретка фотографија од својот син Камерон и неговото мало семејство. 76-годишниот актер се огласи на Инстаграм во средата, откако синот Камерон (42) и неговата партнерка Вивиен Тајбс, го пречекаа своето новороденче Рајдер претходно оваа недела.

View this post on Instagram

A post shared by Michael Douglas (@michaelkirkdouglas)

Споделувајќи симпатична семејна фотографија на која се појавува и тригодишната ќерка на парот, Луа, Даглас напиша: „Честитки за Камерон и Вивиен! Добредојде на свет, Рајдер Т. Даглас!“ Објавата ја заврши со хаштагот Горд дедо. Сопругата на Даглас, Кетрин Зета-Џонс (51) исто така им честиташе на Камерон и Вивиен. „Се роди нов Даглас. Добредојде во светот, Рајдер Т. Даглас,“ напиша таа на фотографијата што ја сподели на Инстастори. Камерон имаше доста проблематичен живот со зависност од дрога во раните тинејџерски и дваесетти години.

Холивудската легенда Кирк Даглас почина на 103 години

Ивона Петрова — Thu, 06 Feb 2020 06:29:23 +0000

Американскиот актер и продуцент Кирк Даглас почина синоќа на 103 годишна возраст, соопшти неговиот син Мајкл Даглас. -Со огромна тага, јас и моите браќа, ви соопштуваме дека Кирк Даглас денеска нè напушти на возраст од 103 години. За светот тој беше легенда, актер од златната дома на филмовите, кој доживеа златна возраст, хуманитарец чија посветеност на правдата и каузите во кои веруваше поставија стандард кон кој сите целевме. Но, за мене и за моите браќа Џоел и Питер, тој беше едноставно Тато, за Катрин прекрасен свекор, за неговите внуци и правнук сакан дедо, а за неговата сопруга Ен прекрасен сопруг. Животот на Кирк беше добро проживеан и тој остава филмско наследство што ќе остане и за генерациите кои доаѓаат и минато како прочуен филантроп кој работеше за да помогне на јавноста и да донесе мир на планетата. Дозволете ми да завршам со зборовите што му ги кажав на неговиот последен роденден и кои секогаш ќе останат вистина. Тато, те сакам многу и сум горд што сум твој син, напиша Мајкл на социјалните мрежи. Кирк Даглас е роден 9 декември 1916 година. Играл во 95 играни филмови, а продуцирал повеќе од 30. Тој е добитник на почесен „Оскар“ за животно дело.

ФОТО: Легендарниот Кирк Даглас го прослави 103 роденден

Ивона Петрова — Mon, 09 Dec 2019 10:51:39 +0000

Легендата на светската кинематографија, актерот Кирк Даглас наполни 103 години. По повод овој јубилеј во семејниот дом на Дагласови била одржана роденденска забава. Каква била атмсферата преку социјалните мрежи покажа неговиот внук, Камерон Даглас кој на Инстаграм објави неколку фотографии. На една од објавените фотографии се гледа роденденската торта на Кирк, додека на последната е собрано речиси целото семејство и блиските пријатели. Мајкл Даглас и неговата сопруга Кетрин Зета Џонс не присуствувале на роденденот, бидејќи во моментов се наоѓаат во Индија.

Потресна исповед на Кетрин, семејството уништено откако Мајкл Даглас беше обвинет за сексуално вознемирување

Ивана Ефремовски — Tue, 27 Nov 2018 11:05:23 +0000

„Моите деца и јас буквално сме уништени по обвиненијата за сексуално вознемирување. Јас дури и не знам од каде доаѓа жената што го обвинува мојот сопруг. Имав сериозен разговор со него. Во тој разговор ги вклучив и децата“, рече Кетрин Зита-Џонс (49). Убавата актерка откри дека по обвинувањата ги повикала сопругот, ќерката Керис Зита (15) и синот Дилан (18) во семејната куќа каде што воделе сериозен разговор за моралните аспекти. „Мајкл ми рече дека нема ништо тука и дека времето ќе го покаже своето. И го покажа. Немаше докази кои можеа да ја потврдат таа приказна“ – открива Кетрин. Имено, нејзиниот сопруг, актерот Мајкл Даглас (74), беше обвинет од неговата поранешна вработена дека сексуално ја вознемирувал пред 32 години. Таа тврдеше дека Даглас мастурбирал пред неа и користел непримерни сексуални зборови додека водел приватни разговори по телефон. Таа, исто така, го обвини дека ја „оцрнил” во филмската индустрија, поради што никогаш не можела да постигне кариера. Актерот дозна од адвокатот дека едно американско списание сакало да направи приказна за тоа, па тој самиот им се јавил и им дал интервју. „Не знам од каде доаѓа ова. Таа вели дека никогаш не сум ја допрел ниту злоупотребил, а потоа го тврди ова. Зборувам за тоа сега, бидејќи моите деца се преплашени и мислат дека ќе бидам етикетиран како сексуален предатор“, рече Даглас, тврдејќи дека обвинувањата биле „лажни“ и „чиста измислица“.

Мајкл Даглас стравува дека и неговите деца ќе имаат проблеми со зависности

Ивана Ефремовски — Fri, 23 Nov 2018 09:53:03 +0000

Холивудската ѕвезда Мајкл Даглас стравува дека неговите деца со глумицата Кетрин Зета Џонс, можат да имаат проблеми со зависности поради генетска предодреност. Имено, 74-годишниот актер во минатото бил на рехабилитација за зависност од алкохол и дрога, а во 2012 година призна дека бил зависен и од секс. Неговиот полубрат Ерик во 2004. почина од предозирање со дрога, па сега тој стравува и за неговиот син Дилан (17) и ќерка му Карис (15), да не тргнат по истиот пат. -Дознавајќи повеќе за генетиката, сфаќаш дека треба да бидеш повнимателен околу тоа… 3ависноста ја има „од двете страни“ во моето семејство, па морам да обрнам поголемо внимание на помладите. Водам отворен разговор за тоа, изјави глумецот за „Дејли Експрес“. Неговиот постар син Камерон, од претходниот брак, мина 7,5 години в затвор поради криминални дејства поврзани со дрогата.

ФОТО: Мајкл Даглас доби ѕвезда на холивудската Патеката на славните

Ивона Петрова — Wed, 07 Nov 2018 07:58:15 +0000

Американскиот актер Мајкл Даглас за своите 50 години на холивудската сцена, доби своја ѕвезда на Патеката на славните, и тоа до онаа на неговиот легендарен татко Кирк. Даглас (74) е најпознат по улогата во филмот „Волстрит“ (1987), за која доби и „Оскар“, а играше и во околу 60 други филмови. На свеченоста тој се појави во придружба на неговиот 101-годишен татко, сопругата Кетрин Зета Џонес и колешката од „Кинески синдром“, Џејн Фонда. – Имав среќа да бидам дел и од класичниот и од современиот Холивуд, изјави Мајкл на настанот. Тој е и продуцент-оскаровец, а статуетката ја доби за филмот „Лет над кукавичјото гнездо“ во 1975 година.

Нивната приказна злато вреди: Две децении љубов, 25 години разлика и низа животни удари

Ивана Ефремовски — Mon, 02 Apr 2018 11:36:53 +0000

Нивната љубов трае уште од дамнешната 1998 година. Станува збор за актерскиот пар Кетрин Зита Џонс и Мајкл Даглас, помеѓу кои има дури 25 години разлика. Парот денес има две деца, 14-годишна ќерка и 17-годишен син, а тие успешно ги пребродиле бројните кризи и животни удари во текот на годините. Семејството неодамна одморало во Доминиканската Република, а 48-годишната актерка споделила неколку бајковити фотографии од одморот, покажувајќи ѝ на јавноста колку е среќна во друштво на сопругот и децата.

Cross country skiing this morning. So beautiful.

A post shared by Catherine Zeta-Jones (@catherinezetajones) on Mar 12, 2018 at 6:10pm PDT

За потсетување, Зета-Џонс и Даглас се запознале на филмски фестивал во Франција во 1998 година, а се венчале на 18-ти ноември 2000 година во хотелот Плаза во Њујорк, откако бил финализиран разводот на Мајкл од неговата тогашна сопруга. За парот сите овие години не се пишувале огромни скандали, но тие беа во центарот на вниманието кога Даглас открил дека има рак на грлото во 2010 година и за кој тој открил дека го добил поради орален секс. Не само што со тоа било нарушено неговото здравје, туку и Кетрин во тој период страдала од депресија, за што честопати и отворено зборувала во јавноста, но парот сепак останал заедно и покрај проблемите.

Family❤

A post shared by Catherine Zeta-Jones (@catherinezetajones) on Mar 25, 2018 at 9:51am PDT

Освен тоа, на актерката пред неколку години ѝ било дијагностицирано и биполарно растројство. Еден период се зборуваше дека парот живее во одвоени домови, но доколку имало вистина во тоа, кризата е зад нив што е уште еден доказ дека вистинската љубов секогаш победува.

ФОТО: Таа е најзгодната баба на светот, Кетрин Зита Џонс доби внука

Ивана Ефремовски — Wed, 10 Jan 2018 16:20:01 +0000

Камерон, големиот син на Мајкл Даглас и Кетрин Зита Џонс, ги направи дедо и баба. Партнерката на Камерон, Вивијан Тибс, родила девојче. Сепак, името на детето и други детали не биле соопштени. Камерон има 39 години и е актер. Тој имал проблеми со законот за дроги и бил во затвор речиси седум години. Камерон раскажувал дека со нетрпение го очекува раѓањето на нивната ќерка и се надева оти таа ќе стане подобра и ќе и ‘обезбеди добар живот. Мајкл Даглас има уште две деца – момче и девојка, од Кетрин Зита-Џонс. Дилан има 17 години, а Карис е 14 години. Актерот, 73, изјави дека е многу возбуден поради прекрасните вести. Откако светските медиуми ја објавија оваа вест, излегоа и вести за тоа дека Кетрин со сигурност е една од најубавите баби на светот. Таа има 48 години, а изгледа неодоливо.