Олимпискиот шампион закрепнува по мозочниот удар

Ивона Петрова — Mon, 10 Sep 2018 05:55:13 +0000

Четирикратниот олимписки шампион Мајкл Џонсон закрепнува по претрпен послаб мозочен удар. Легендарниот американски атлетичар, кој беше светски рекордер на 200 и 400 метри, преку својот Твитер профил соопшти дека минатата недeла имал „исхемичен мозочен удар“. - Добрата вест е што повторно сум дома со семејството, дека немам никакви срцеви проблеми и дека сум на вистински пат кон целосно заздравување, нагласи Џонсон. Тој во текот на кариерата освои осум олимписки злата, а во Атланта во 1996 година стана првиот атлетичар кој ги освоил златните медали на 200 и 400 метри на исти Олимписки игри. Тој се повлече четири години подоцна, откако ја одбрани титулата на 400 метри на Олимписките игри во Сиднеј. МИА

Легендарниот спортист доби мозочен удар

Ивана Ефремовски — Sun, 09 Sep 2018 07:20:47 +0000

Поранешниот светски рекордер на 200 и 400 метри и олимписки шампион, Мајкл Џонсон објави дека имал мини-мозочен удар, но дека очекува да има целосно опоравување. -Минатата недела изненадувачки добив таканаречен транзиентен исхемички напад или мини-мозочен удар. Добрата вест е што сум дома со моето семејство и лекарите ми предвидуваат целосно опоравување, напиша 50-годишниот Американец на Твитер. Џонсон стана првиот човек кој ги освоил титулите на 200 и 400 метри на Олимпијадата во Атланта во 1996 година, а четири години подоцна во Сиднеј ја освои и титулата на 400 метри. Неговиот светски рекорд од 19.32 на 200 метри беше актуелен 12 години пред Јусеин Болт да го намали на 19.30, а потоа и на 19.19 на СП во во 2009 година. Рекордот на 400 метри од 43.18 беше актуелен 17 години, кога Јужноафриканецот Вејд ван Никерк го намали на 43.03 на Олимпијадата во Рио во 2016 година.

мајкл џонсон – Kurir.mk

Олимпискиот шампион закрепнува по мозочниот удар

Легендарниот спортист доби мозочен удар