Карик: Биди силен шефе

Даниел Василев — Sat, 05 May 2018 20:12:36 +0000

Капитенот на Манчестер Јунајтед, Мајкл Карик, преку социјалната мрежа Твитер реагираше на на информацијата дека Алекс Фергусон бил итно опериран поради имал мозочен удар. Двајцата долго време соработуваа заедно. – Многу сум потресен поради информацијата дека Сер Алекс не се чувствувал добро и е во болница. Сите мои мисли и молитви се со него и неговата фамилија. Биди силен шефе, напиша Карик на Твитер.

Карик и официјално објави дека ја завршува својата кариера

Ивона Петрова — Mon, 12 Mar 2018 16:38:53 +0000

Халфот на Манчестер Јунајтед, Мајкл Карик официјално објави дека ќе ја прекине кариерата по крајот на оваа сезона. Причините за тоа се проблемите со срцето, поради кои 36-годишниот фудбалер се подложи на операција. Од таа причина, искусниот играч од средниот ред има само четири натпревари оваа сезона. Уште во јануари менаџерот Жозе Мурињо откри дека ова ќе биде последна сезона на Карик, кој од летото ќе стане најверојатно дел од штабот на Португалецот. Откако се приклучи на Манчестер Јунајтед од Тотенхем во 2006 година, Мајкл Карик одигра 463 натпревари за „црвените ѓаволи“ и постигна 24 голови. - Доаѓа време кога твоето тело ти вели да престанеш да играш фудбал. За мене тој момент речиси дојде. Откако се појавија моите проблеми со срцето, размислував два или три дена дали треба да продолжам понатаму. Се вратив доволно подготвен и сакав да ја завршам кариерата така како што јас сакам. Треба да се одржувам во форма и да бидам подготвен. Се надевам дека ќе добијам уште време на теренот до крајот на сезоната. Се уште се забавувам за време на тренинзите. Се обидувам да помагам многу повеќе, бидејќи разбирам каде се наоѓам, изјави Карик на специјалната прес-конференција, на која ја објави својата одлука.

Мајкл Карик – Kurir.mk

Карик: Биди силен шефе

Карик и официјално објави дека ја завршува својата кариера