мајмун – Kurir.mk

ВИДЕО: Мајмун снимен на покрив од куќа во Белград

Ристе Здравков — Mon, 18 Sep 2023 06:14:20 +0000

Српските портали објавија видео на кое се гледа мајмун на покривот на куќа во, како што велат, белградската населба Карабурма. Видеото вчера првпат го објави Инстаграм страната мој-бео-град. Не е јасно како мајмунот завршил на слобода. Тоа е мајмун од родот макаки. Постојат дваесет и три видови макаки кои живеат низ Азија, Северна Африка и Гибралтар.

View this post on Instagram

A post shared by MOJ BEOGRAD (@moj_beo_grad_)

На снимката се слуша гласот на една личност која вели дека на мајмунот му дала чоколадо и јаболка, кои животното ги земало и потоа повторно побегнало. Засега не е познато што се случило со животното откако било снимено.

Полиција дошла во зоолошка откако мајмун случајно бирал 911

Ристе Здравков — Tue, 23 Aug 2022 18:54:50 +0000

Мајмун капучин по име Рути ѝ покажа на калифорниската полиција што всушност значи изреката „мајмунска работа“ кога случајно протиснал на бројот 911, јавува Си-ен-ен. Канцеларијата на шерифот на округот Сан Луис Обиспо примила повик што ненадејно бил прекинат. Диспечерите не добиле одговор кога се обиделе да го вратат повикот, па испратиле полицајци да испитаат. Кога полицајците пристигнале во Зоолошката градина Zoo to You, каде што бил упатен повикот, дознале дека никој од вработените не се јавил. „Тогаш сите сфатиле… тоа мора да е мајмунот по име Рут“, се наведува во објавата на Фејсбук. Од персоналот објасниле дека Рут најверојатно го зел мобилниот телефон во зоолошката градина од количката за голф. „Ни беше кажано дека мајмуните капучини се многу љубопитни и ќе зграпчат сè и сешто и само ќе почнат да притискаат копчиња“, вели еден од полицајците. „Ова нека послужи како поука за сите дека мајмуните не се животни за да се чуваат како домашни миленици“, заклучија од зоолошката градина.

Натажен човек се изненади од гестот на мајмун

Ристе Здравков — Fri, 05 Aug 2022 19:31:12 +0000

Кучето се смета за најдобар пријател на човекот, но најдовме доказ дека и други животни можат да ги почувствуваат нашите емоции. Во виралното видео кое е прегледано повеќе од три милиони пати, мајмун покажува емпатија кон видно растревожен човек. Човек со маска на лицето седи покрај мајмун. Во еден момент почнува да плаче, иако околностите се непознати. Мајмунот потоа го тапка по грбот и му сигнализира да се наведне над нозе за да продолжи да го теши. Човекот го послуша. „Сè што ми треба е мајмун“, коментира еден корисник на „Тик-ток“. „Мајмун има повеќе човечност во него од некои луѓе“, додаде друг.

452- Ağlayan arkadaşını dizine yatırıp teselli eden maymun pic.twitter.com/gezl0NKX8g
— 59.748 farklı hayvan (@59748hayvan) July 30, 2022

УШТЕ ЕДНА ЖИВОТНОСПАСУВАЧКА ДРАМА ВО ЗОО СКОПЈЕ – мајка си го фрлила малото мајмунче во езерото, тоа почнало да се дави (ФОТО)

Дарко Андоновски — Tue, 10 May 2022 12:40:07 +0000

Животоспасувачка драма имало во скопската Зоолошка градина, каде што минатата недела вработените буквално враќале во живот едно од бебињата мајмуни, белорак гибон. Седуммесечено гибонче, отфрлено од мајката, се давело во езерото во зоолошката. Вработените го реанимирале 40 минути за да го спасат. Сега неговата грижа е доверена на зоо-негувателката Зера Бекировска, која, кога не е на работа, мајмунчето го чува дома. Оваа негувателка се грижеше, додека беа бебиња, и за павијанот Лука и неговото братче Дино, миленици на многу деца. Нив ги одгледаа вработените во зоолошката, откако мајката ги отфрли. Целата сторија прочитајте ја на „Нова Македонија“

ЗАСТРАШУВАЧКО ВИДЕО: Мајмун нападна 3 годишно девојче, ја грабнал за облеката и ја влечел

Ивона Петрова — Fri, 22 Apr 2022 18:42:25 +0000

Во селото Чонгкинг во југозападна Кина се случил страшен инцидент кој е забележан на камера. Тригодишно девојче кое си играло на улица пред својот дом било нападнато од мајмун, кој го грабнал девојчето за облеката и го влечел низ улицата. Во тој момент мајката била внатре. На објавената снимка се гледа како девојчето држи тротинет во моментот кога мајмунот и приоѓа зад грб, ја фаќа и почнува да ја влече. За среќа, нападот го забележал случаен минувач кој успеал да го спаси малото девојче. Како што јавуваат медиумите, девојчето имало лузна на главата од мајмунот. Однесена била во болница каде и е пружена помош и е вакцинирана. Ова е прв напад на дете, а локалните официјални лица велат дека истиот мајмун најверојатно е поврзан со бројни напади во таа област. Полицијата не успеала да го фати мајмунот кој дошол од блиската планина.

V Girl, three, is rescued from a MONKEY after it pulls her off her scooter and tries to drag her away in China ======https://t.co/0FwHzobPcW pic.twitter.com/bummLJo8k9
— Επικαιρότητα - V - News (@triantafyllidi2) April 21, 2022

Во скопската зоолошка градина се роди ново бебенце – редок вид белорак гибон, за неговата сестра неодамна пишуваше целиот свет (ФОТО)

Дарко Андоновски — Tue, 28 Dec 2021 19:02:11 +0000

Зоолошката градина во Скопје објави дека во нивното животинско царство се родило уште едно бебенце, станува збор за редок вид белорак гибон. -Во Зоо Скопје, на мама Бетка и тато Џорџ им се роди уште едно бебенце од видот белорак гибон 😍 Полот се уште не го знаеме бидејќи не сакаме да ја вознемируваме мама, а бебето има и постара сестричка-Софи, која се роди пред околу две години и за која пишуваа сите светски медиуми, токму поради фактот што гибоните се еден од најзагрозените видови и носењето подмладок на свет е реткост и во природата и во зоолошките градини. Белораките гибони во природата се загрозени на повеќе начини: најприсутна закана е губитокот на нивните живеалишта, односно масовната сеча на дрва, изградба на патишта, земјоделски активности, туризам, шумски пожари, неконтролирано уништување на шумите, изградба на нови села и насади на маслодајни палми... Се надеваме дека светот нема да дозволи повеќе овој вид да биде загрозен 🙏 Да ни е живо и здраво новото бебенце гибон ❤️, стои во нивниот пост на Фејсбук.

ФОТО:Пронајден нов вид мајмун во Мјанмар

Магдалена Андонова — Wed, 11 Nov 2020 10:32:19 +0000

Нов вид мајмун, кој е претставен само со неколку стотици единки, е откриен во Мјанмар. Мајмунчето, обично, е долго меѓу 50 и 60 сантиметри, објавија денеска истражувачите кои стојат зад ова уникатно откритие. Приматите, по долго истражување, беа идентификувани од страна на научници од Германскиот центар за примати и невладината организација „Фауна & флора интернејшнал“. Именувани се како „Попа лангур“ (popa langur), по планината Попи, свето место во средишните делови на Мјанмар. Популацијата ја сочинуваат околу 200 до 250 мајмуни. – Само што ги откривме и веќе можеме да кажеме дека Попа лангур е пред истребување, вели еден од истражувачите Френк Момберг. „Фауна & флора интернејшнл“, во соработка со колеги од други здруженија, ќе спроведат дополнителни теренски испитувања и ќе се преземат мерки за спас на овој вид лангур од истребување, како што рече приматологот Нгве Луин од невладината организација, со седиште во Мјанмар. (МИА)

Мајмун украл телефон и си правел „селфи“

Ристе Здравков — Fri, 18 Sep 2020 19:39:44 +0000

Во Малезија, мајмун украл телефон и неколку пати си направил селфи. Закриѕ Роѕи (20), момчето сопственик на телефонот „се пофали“ со тоа на Tik-tok и ги објави сликите. По два дена, животното го вратило телефонот. Мајмунот го украл телефонот со знакче со јаболко од собата на момчето и во еден миг, се чини дека се обидел да го изеде.

Something yang korang takkan jumpa setiap abad. Semalam pagi tido bangun bangun tengahari phone hilang. Cari cari satu rumah geledah sana sini semua takde then last last jumpa casing phone je tinggal bawah katil tapi phonenya takde. Sambung bawah. pic.twitter.com/0x54giujnY
— z (@Zackrydz) September 13, 2020

ФОТО: Мајмун украл телефон и си правел „селфи“

Ивона Петрова — Fri, 18 Sep 2020 08:46:21 +0000

Во Малезија, мајмун украл телефон и неколкупати си направил самослик… Закриѕ Роѕи (20), момчето сопственик на телефонот „се пофали“ со тоа на Тик-ток и ги објави сликите. По два дена, животното го вратило телефонот. Мајмунот го украл со знакче со јаболко од собата на момчето и во еден миг, се чини дека се обидел да го изеде.

Мајмун алкохоличар убил човек и повредил 250 жени и деца (ВИДЕО)

Ивана Ефремовски — Fri, 19 Jun 2020 11:11:24 +0000

Мајмунот Калуа бил миленик на окултистист кој направил зависен од алкохол и му давал жестоки пијалоци.

Неверојатен случај на убиство ја шокира индиската држава Утар Прадеш, кога во градот Мирзапур, мајмун уби еден човек во напад на бес и повреди дури 250. Мајмунот Калуа бил миленик на окултист кој го направил зависник од алкохол и му давал жестоки пијалоци. Кога починал, Калуа престанал да пие алкохол и почнал да ги напаѓа минувачите на улиците во напад на зависничка криза. Најмногу ги напаѓал жените и децата, а десетици деца ќе треба да се подложат на пластична операција затоа што мајмунот им ги раскинал лицата со неговите канџи. Мајмунот убиец, во меѓувреме, бил фатен и сместен во зоолошката градина Канпур, каде ќе го помине остатокот од животот во заробеништво. Зоолозите го испитувале Калуа и откриле дека, покрај тоа што бил алкохоличар, одбивал да јаде зеленчук. Научниците веруваат дека окултистистот го хранел со мајмунско месо, што може да биде уште една причина зошто мајмунот имал толкав бес и напаѓал луѓе со толкава жестина. Забележале и дека мајмунот има тенденција да ги напаѓа женските чувари во Зоолошката градина и дека напаѓа други мајмуни ако се најде во ист кафез со нив.