мајмуни – Kurir.mk

Мерки против мајмуните пред Самитот на Г20 во Индија

Тале Кристо — Wed, 30 Aug 2023 16:02:21 +0000

Во пресрет на Самитот на лидерите на Г20 што ќе се одржи во Индија од 9 до 10 септември, во главниот град Њу Делхи се преземени одредени мерки за да се држат мајмуните подалеку од посетителите и местата што ќе се користат за време на Самитот. Според извештајот на Би-Би-Си, локалните власти направиле планови да ги спречат мајмуните да им наштетат на посетителите и локациите за време на Самитот на Г20. Една од мерките, како што наведуваат, е да се направат мајмуни од картон во природна големина со цел да се исплашат. Надлежните рекоа дека картоните ќе бидат закачени на места каде често се гледаат мајмуни, како и во хотели каде ќе престојуваат делегатите кои ќе присуствуваат на Самитот. Официјалните лица рекоа дека меѓу 30 и 40 обучени луѓе кои можат да ги имитираат звуците на ленгурите, исто така ќе бидат распоредени за да ги исплашат мајмуните.

ФОТО: Зоо Скопје доби нови жители

Ивона Петрова — Mon, 06 Feb 2023 07:57:07 +0000

Нови жители во ЗОО Скопје кои деновиве се прилагодуваат на надворешната средина. Во месец ноември осум жолто градни капуцинери ( машка група), како донација од ЗОО Мунстер Германија дојдоа во нашата Зоолошка градина. Сите се на возраст од 5 до 12 години и се сместени во живеалиштето кое претходно го користеа мајмуните од видот Мангабе. Овие мајмуни се многу атрактивен јужноамерикански вид и се надеваме дека посетителите редовнo ќе им се радуваат и ќе се забавуваат со нив.

Мајмуни нападнаа и повредија 42 лица во Јапонија

Магдалена Андонова — Mon, 25 Jul 2022 20:29:03 +0000

Локалните власти во јапонскиот град Јамагучи ќе користат пиштоли за смирување во борбата против мајмуните макаки кои повредија 42 лица во последните недели. Јапонските макаки се доста присутни во големи делови од земјата, а во некои области тие се штетници бидејќи јадат земјоделски култури и понекогаш влегуваат во домовите. Нападот на мајмуни во Јамагучи е невообичаен поради повредените луѓе – мајмуните гребеле и каснале возрасни и деца. „Целиот град Јамагучи е опкружен со планини и не е невообичаено да се видат мајмуни. Но, ретко е да се видат толку многу напади во краток временски период“, рече градскиот службеник од одделот за земјоделство, кој не сакаше да биде именуван, пишува „Гардијан“. Повредите досега беа главно полесни, но властите се свртуваат кон пиштоли за смирување откако стапиците што ги поставија не успеаја да фатат ниту еден од мајмуните. „Во почетокот беа нападнати само деца и жени. Неодамна цел беа и постари луѓе и возрасни мажи“, рече претставникот. Градот не е сигурен дали нападите биле дело на повеќе мајмуни или на една агресивна индивидуа. Во некои случаи, мајмуните влегувале во куќите лизгајќи се низ отворените мрежести врати или низ прозорците. Градските власти и полицијата патролираат во областа од првите напади околу 8 јули, но се уште не фатиле ниту еден мајмун. Во последните недели, приказната за агресивните мајмуни стана главна вест во Јапонија.(МИА)

(Видео) Познатиот Јутјубер го нападнале мајмуни: Едниот ‘чувал стража’ додека другиот претурал во торбата

Ристе Здравков — Fri, 04 Feb 2022 09:41:04 +0000

Патувањето во Јужна Африка за славниот американски Јутјубер и боксер, Логан Пол, било полно со адреналин, откако го нападнале и 'ограбиле' два мајмуни. Подготвувајќи содржина за своите Јутјуб канали, пред Логан одеднаш се појавиле два мајмуни кои направиле вистински хаос. Не знаејќи што да прави, Логан само се повлекол наназад, со погледот вперен во торбата во која била неговата камера. „Не камерата. Што да правам? Тој има камера“, вели Логан додека мајмунот претурал во торбата.

View this post on Instagram

A post shared by Logan Paul (@loganpaul)

Ниту тој ниту неговите пријатели не можеле да веруваат што ги снашло, но очигледно е дека не им било сеедно дали мајмуните ќе ги нападнат или не. На видеото кое го споделил на својот Инстаграм, и кое веќе собрало повеќе од еден милион прегледи, Логан се обидува да се доближи до торбата, но мајмунот кој 'чувал стража' јасно му дал до знаење дека не планира да му го врати она што го земал. Сепак, на животното повеќе од камерата му се допаднало црвено шише со енергетски напиток, а откако го зграбило шишето, побегнало. На самиот крај на видеото, Логан успева да ја земе својата торба.

УАПСЕНИ МАЈМУНИ–УБИЈЦИ: Поради oдмазда од зграда фрлиле 250 кучиња (ВИДЕО)

Тале Кристо — Tue, 21 Dec 2021 21:56:02 +0000

Во Индија се случила неверојатна војна на животни, па морале да интервенираат локалните власти, а сторителите на вистинскиот масакр биле фатени. Индиските медиуми кон средината на минатата недела објавија дека, најверојатно, откако глутница кучиња убила млад мајмун, започнала страшна одмазда. Поголема група мајмуни во индиската држава Махаршатра, поточно во градот Лавула, тргнале да фатат млади кучиња во градот и да ги убијат фрлајќи ги од згради и дрвја. Се проценува дека во текот на неколкунеделната одмазда на овој начин биле убиени околу 250 кученца, а властите досега фатиле двајца виновници. Според „Њусвик“, двајцата мајмуни со одлука на властите се префрлени во друга шума, исто така во областа Бид, за да се запре крвавиот пир поради кој мештаните тврдат дека во Лавула повеќе нема млади кучиња во непосредна близина. – Два мајмуни вклучени во убивањето кученца се фатени од „Одделот за шуми Нагпур“ и ќе бидат преместени на другиот крај – истакна за индиската агенција АНИ, надлежниот шумски службеник Сацин Канд. Драмата се одвивала на околу 480 километри од Мумбај, а полицијата и споменатите служби морале да реагираат кога социјалните мрежи биле преплавени со снимки од мајмуни кои држат кучиња на покриви и гранки, или кучиња кои бркаат мајмуни по улиците, додека жените и децата се засолниле. Бидејќи се случија мајмунски напади врз некои деца, а неколку мештани беа повредени при обидот да спасат млади кучиња, дојде до голема интервенција на надлежните служби. Засега доведе до „апсење“ на двајца криминалци кои ќе го продолжат животот далеку од местото на злосторството.

Девет мајмуни вакцинирани против коронавирусот во Калифорнија

Магдалена Андонова — Fri, 05 Mar 2021 09:34:29 +0000

Претставници на зоолошката градина во Сан Диего, во американската сојузна држава Калифорнија, потврдија дека девет мајмуни примиле експериментална вакцина против ковид-19 направена за животни по избувнувањето на епидемија меѓу горилите во таа градина, пренесува Би-Би-Си. Би-Би-Си наведува дека четири орангутани и пет бонобо влегле во историјата кога добиле две дози од вакцината направена од ветеринарната фармацевтска компанија „Зоетис“. Меѓу примателите на вакцината е и 28-годишната жена орангутан Карен, која во 1994 година беше првиот мајмун кој беше подложен на операција на отворено срце, а во градината се вели дека никој од мајмуните нема лоша реакција на вакцината и дека сите биле добри. Осум горили во оваа зоолошка градина станаа првите големи мајмуни во светот кои имале позитивен тест за „Ковид-19“ во јануари, а сега се опоравуваат, пренесува Би-Би-Си. Конзерватористите се загрижени за заканата од Ковид-19 кај големиот мајмун, особено горилите, чија популација е на црвената листа на критично загрозени видови на Меѓународната унија за зачувување на природата. Би-Би-Си објави дека горилата не биле вакцинирани сега, бидејќи ветеринарите процениле дека нивниот имунолошки систем веќе има развиено антитела за борба против вирусот.

Во Словачка, поради коронавирусот во зоолошка затворен делот со мајмуни

Дарко Андоновски — Mon, 09 Mar 2020 08:34:32 +0000

Зоолошката градина во Братислава синоќа го затвори за јавноста делот со примати, како превентивна мерка откако во петокот беше потврден првиот случај со коронавирус во Словачка. Според претставничката на зоолошката градина, Зузана Чалупова, во тој дел има два вида мајмуни – шимпанза и суматрански орангутани, кои се многу чувствителни на човечките болести. Во Словачка досега се потврдени три случаи на коронавирус, сите во едно семејство, во селото Костолиште близу Братислава. Во истовреме, четиричлено словачко семејство е ставено во карантин во нивната викенд-куќа во австриското село Кице, близу границата на двете држави.

Серија А се извини за антирасистичката кампања со слики од мајмуни

Ивона Петрова — Wed, 18 Dec 2019 07:08:59 +0000

Извршниот директор на италијанската Серија А, Луиџи Ди Сиеро, се извини за реакцијата што ја предизвика новата кампања против расизмот. Како дел од кампањата против навредите на расна основа во италијанскиот фудбал, беше покрената акција на која има три мајмуни насликани од уметникот Симоне Фугаџото, кој изјави дека сликите треба да покажат: „Сите ние сме една раса“. Клубовите ја критикуваа оваа идеја. – Се извинувам на сите што се навредија од работата на Симоне Фугаџото. И покрај фактот дека уметникот објасни дека пораката за неговите креации е против расизмот, овие дела сè уште беа контроверзни за многумина. Невозможно е да се оспори само решителната и постојана осуда од Серија А за сите форми на дискриминација и расизам што сакаме да ги отстраниме од нашата лига, изјави Сиеро за „Фудбал Италија“.

Мајмуни каменувале маж до смрт

Ивана Ефремовски — Wed, 24 Oct 2018 09:11:44 +0000

Маж во Индија починал откако го каменувала група мајмуни. Станува збор за 72-годишниот Џарампала Синг, кој собирал дрва од земјата. Во тој момент на него група мајмуни почнале да фрлаат тули кои ги носеле од урнатата зграда во близина, јавува „Скај њуз“, повикувајќи се на „Тајмс оф Индија“. Мажот кој го каменувала мајмуните починал во болницата од повреди на главата и градниот кош. Мештаните на Тикрија порано се жалеле на агресивните мајмуни кои во тие предели се заштитен вид. Семејството на починатиот маж случајот го пријавиле во полицијата, а неговиот брат за „Тајмс оф Индија“ рекол дека мајмуните врз Џарампала фрлиле повеќе од 20 тули. Бидејќи тулите биле фрлени од високо дрво, ударите биле смртоносни. -Овие битанги од мајмуни се вистинските виновници и мора да платат за тоа, рекол братот на починатиот маж. Сепак, во полицијата, во која случајот е пријавен, имаат друг проблем. -Како да покренеме случај против мајмуни? Ќе станеме предмет на потсмев,рекол полициски службеник. „Скај њуз“ јавува дека нападите на мајмуните на населението во Индија се почести во последно време, додека стручњаците додаваат дека најчесто за нападите се виновни макаки од видот rhesus (Macaca mulatta).