макаби тел авив – Kurir.mk

ЦСКА (М) не дозволи Макаби да ја доживее истата судбина како и рускиот тим

Бошко Тасиќ — Fri, 27 Oct 2023 04:06:53 +0000

Екипата на Макаби ТА и официјално своите натпревари од Евролига ќе ги игра во Белград, во салата „Пионир“, вака беше одлучено на состанокот на евролигаши, иако многумина се спротивставија и бараа израелскиот тим да биде исфрлен од натпреварувањето поради војната со Палестина. Поради војната во Украина, руските тимови беа суспендирани и исфрлени од елитното натпреварување, па се шпекулираше дека истата судбина ги чека и Макаби. Сепак, тоа не се случи. Според локалниот портал „Вала“, четири екипи гласале против негово исфрлување, што на крајот пресудно во споменатата средба. Шпанските и турските клубови сакаа да го суспендираат Макаби. Панатинаикос, Олимпијакос, Армани и ЦСКА од Москва го поддржаа клубот и затоа не се одржа официјално гласање, се наведува во текстот. На крајот се покажа дека „армејците“ кои беа исфрлени се меѓу оние кои му помогнаа на Макаби да остане во лигата.

Шпанците и Турците беа против учество на Макаби Тел Авив во Евролигата?

Бошко Тасиќ — Thu, 26 Oct 2023 03:47:51 +0000

Кошаркарскиот клуб Макаби од Тел Авив ќе ја продолжи сезоната како домаќин во Белград, во салата „Александар Николиќ“, поради воената состојба во Израел, а според информациите на израелските медиуми, шпанските и турските клубови, на неодамна средба во Евролигата, се спротивстави на понатамошното играње на гордоста на Израел во елитното натпреварување. Порталот „Вала“ од Израел, дознава дека претставниците на шпански и турски клубови на последниот состанок во Евролигата, на кој се решаваше судбината на Макаби, биле против тие да го продолжат натпреварувањето. Како причина го наведоа тоа што секој натпревар на Макаби повлекува вонредни безбедносни мерки кои секој клуб ќе мора да ги преземе во иднина поради зголеменото непријателство кон Израелците, што автоматски ги зголемува трошоците за организација на тие натпревари. На тој состанок присуствуваа Панатинаикос, Олимпијакос, Милано, како и ЦСКА која не се натпреварува поради руската инвазија врз Украина. Евролигата не го ни гласаше предлогот Макаби да го продолжи натпреварувањето во Белград. „Вала“ наведува дека сопствениците на Макаби, Давид и Дени Федерман дури и се заканиле дека ќе се повлечат од натпреварувањето доколку не им биде дозволено да го продолжат натпреварувањето, а потоа имало дискусија по која е одлучено Макаби своите натпревари да ги игра во Белград до понатамошно известување.

Засилено полициско обезбедување за кошаркарите на Макаби во Валенсија

Ивана Ефремовски — Wed, 18 Oct 2023 14:40:24 +0000

Повеќе од 700 полицајци ќе бидат распоредени вечерва на натпреварот од кошаркарската Евролига меѓу домаќинот Валенсија и Макаби Тел Авив, соопштија шпанските власти. „Бидејќи власти прогласија натпревар од висок ризик, присутноста на безбедносниот и полицискиот персонал ќе биде засилена, а учесниците ќе бидат подложени на детални безбедносни проверки“, објави попладнево шпанскиот клуб. „Воспоставивме глобална операција во која ќе работат повеќе од 700 припадници на националната полиција, униформирани и во цивилна облека. Исто така, би ги замолила навивачите да покажат малку трпение бидејќи овој пат пристапот со салата ќе биде повеќе контролиран“, изјави градоначалничката на Валенсија, Пилар Бернабе. Стравувањата од можни инциденти на вечерашниот дуел во Валенсија се во контекст на војната меѓу Израел и Хамас во кој на двете страни досега загинаа повеќе од 4.000 луѓе. (МИА)

Макаби ќе ја доживее истата судбина како на ЦСКА Москва во Евролигата

Бошко Тасиќ — Tue, 17 Oct 2023 04:56:50 +0000

Според истакнатиот литвански кошаркарски новинар Донатас Урбонас, главен уредник на веб-страницата „Баскет њуз“, неколку клубови учесници во Евролигата се противат на продолжување на учеството на Макаби поради војната во Израел. Комплетниот тим на Макаби се пресели на Кипар, но Евролигата донесе одлука „Гордоста на Израел“ се уште да не може да игра како домаќин, па натпреварот од третото коло помеѓу Макаби и Валенсија ќе се игра во Шпанија. Урбонас предупредува дека Макаби ќе ја има истата судбина како и руските клубови поради нивното учество во војната.

Макаби доведе засилување на плејмејкерската позиција

Бошко Тасиќ — Sat, 15 Oct 2022 04:46:36 +0000

Израелскиот гигант Макаби Тел Авив се засили со Џејлен Адамс кој од редовите на Хапоел Ерусалим се сели во „гордоста на Израел“. Играчот кој во минатото настапуваше и за Ери Бејхокс и Шампањ Шалонс Ремс, а сега 26-годишникот ќе заигра за Макаби. Договорени се личните услови меѓу двете страни, па останува само официјализација на трансферот. Минатата сезона Адамс во Хапоел одигра девет натпревари, запиша просек од 17,8 поени, 4,6 скока, 2,9 асиснтенции и 1,3 украдени топки.

Макаби Тел Авив се засили со Лоренцо Браун

Бошко Тасиќ — Wed, 29 Jun 2022 19:10:24 +0000

Американскиот кошаркар Лоренцо Браун потпиша двегодишен договор со Макаби ТА, соопштија од клубот. Браун (31) минатата сезона играше за Уникс од Казан, а на 24 натпревари во Евролигата имаше просек од 13,8 поени и 3,6 скока. - Возбуден сум што ќе му се приклучам на Макаби. Со нетрпение очекувам да играм пред прекрасни навивачи, изјави Браун по потпишувањето на договорот. Тој во наредниот период се очекува да добие шпанско државјанство за да настапува за оваа репрезентација на претстојното Европско првенство. Макаби веќе ги ангажираше Бонци Колсон, Алекс Поатрес, Остин Холинс, Џош Ниб, Дарун Хилиард и Гај Пнини.