македонија-данска – Kurir.mk

ЕП во Скопје, ден за победа: Македонските одбојкари подготвени ја пречекуваат Данска

Ивона Петрова — Wed, 30 Aug 2023 08:55:58 +0000

Македонската одбојкарска репрезентација денеска ја пречекува селекцијата на Данска во првото коло од групата Ц на Европското првенство во одбојка, на кое кодомаќин е Македонија. Натпреварот е со почеток во 20 часот во СЦ „Борис Трајковски“. За денешниот натпревар, македонските репрезентативци се подготвени и максимално мотивирани. Селекторот Јошко Миленковски вчера истакна дека одбојкарите ќе го дадат својот максимум на теренот и апелираше за голема поддршка од трибините. – Овие момци секој ден даваат сè од себе за да ја претстават државата во најдобро светло. Ова е најголем настан на нашa почва и можност да ја претставиме нашата држава и нашиот спорт, рече Миленковски. Своите очекувања ги изнесе и капитенот Никола Ѓорѓиев. – Групата е доста тешка, прв фаворит е Полска, а тука се Холандија и Чешка, па Данска и Црна Гора кои се на наше ниво. Утре за нас е голем ден, мора да влеземе малку позрело за разлика од претходните две европски првенства. Се надевам дека ќе бидеме мудри и ќе имаме трпение, заедно со цела Македонија ќе успееме да се радуваме на убава победа. Можам да ветам дека ќе дадеме се од себе и се надевам дека утре ќе успееме да ве израдуваме, порача Ѓорѓиев. За Македонија ќе следуваат дуелите и против Црна Гора (2 септември), Полска (3 септември), Холандија (5 септември) и Чешка (6 септември). Кодомаќини на европската одбојкарска елита се и Италија, Бугарија и Израел. Европското одбојкарско првенство ќе финишира на 16 септември за натпреварите за медали во Рим.

По двомечот со Македонија: Дански репрезентативец позитивен на коронавирус

Ивана Ефремовски — Tue, 16 Mar 2021 19:30:36 +0000

Данскиот ракометен репрезентативец Ханс Линдберг е позитивен на Ковид-19, објави денеска Ракометната федерација на Данска, пренесе СпортМедиа. Крилниот играч на Данска бил позитивен на тестирањето што е спроведено пред нивното напуштање на кампот на репрезентацијата. Сите други играчи се негативни. Ханс Линдберг (39) е ракометар на Берлин кој имаше кам-бек за репрезентацијата на двата натпревари со Македонија. Немаше забележителна минутажа, но играше и беше во контакт со македонските репрезентативци, пренесе порталот.

Завршува втората фаза на ЕП, Македонија игра со Данска

Ивона Петрова — Wed, 24 Jan 2018 08:44:25 +0000

На ракометното Европско првенство што се одржува во Хрватска, денес на програмата се натпреварите од последниот круг во двете групи од втората фаза. Македонија по двата пораза ги загуби шансите за полуфинале, но се уште има теоретски шанси за третото место во Групата 2 и учество во натпреварот за петтото место кое обезбедува директно учество на следниот Мундијал. За да се случи тоа, Македонија треба да ја победи Данска, Шпанија и Германија да не одиграат нерешено и Словенија д аја совлада Чешка. Средбата Македонија – Данска почнува во 18:15 часот. Претходно од 16 часот играат Словенија – Чешка, а во вечерниот термин од 20:30 се среќаваат Германија – Шпанија. Табела Група 2: Данска 6 бода, Шпанија 4, Германија 4, Чешка 4, Словенија 3, Македонија 3.