македонија-ерменија – Kurir.mk

Клучен дуел за Македонија на гостувањето кај Ерменија

Ивона Петрова — Thu, 11 Nov 2021 11:05:18 +0000

Македонија денес ќе се обиде да ја прекине низата порази на гостувањата кај Ерменија, овојпат во клучен дуел, во битката за второто место во квалификациската група за СП во Катар. Селекторот Милевски порача дека сега се работи за она што ќе биде резултат во иднина, градење на нова генерација. -Можеби има влијание тој недостаток за нашата работа од кога сум јас тука, тоа што го замисливме на почетокот тоа сега го немаме. Сме во фаза за создавање на тим, за следните три четири години. Не се откажуваме никако, и секоја најмала шанса за пласман на СП ќе се обидеме да ја искористиме, објасни Милевски. Барди кој се враќа во тимот, е оптимист но бара време за резултатите да бидат видливи. -Имаме нови играчи и нов селектор и треба да бидеме трпеливи, секој натпревар ни носи нешто добро. Мислам дека Македонија покажа многу, дека сака да игра за нешто добро, за нешто убаво не за да бидеме петти или четврти, тврди Барди. Македонија денес од 18 часот гостува кај Ерменија во претпоследното коло од квалификациите за СП.

Хамбарџумјан : Ние ќе се обидеме да направиме добар резултат

Бошко Тасиќ — Wed, 10 Nov 2021 19:24:06 +0000

Своето мислење пред натпреварот Ерменија - Македонија го изнесе играчот кој е добро познат на македонската јавност од настапите во скопски Вардар Хофханес Хамбарџумјан. „Јас целосно заздравев од повредата и спремен сум да направам сè за да помогнам на својот национален тим. Ние ќе се обидеме заедно да направиме добар резултат. Треба да одиграме добро за да ги задоволиме и домашните фанови. Како и секогаш, атмосферата во тимот е одлична и се спремаме да ги израдуваме фановите“, изјави Хамбарџумјан.

Македонија – Ерменија: Без победник и без постигнат гол

Ивана Ефремовски — Thu, 02 Sep 2021 20:54:12 +0000

Без победник и без постигнат гол (0:0) заврши вечерашниот дуел на македонската фудбалска репрезентација со Ерменија. Средбата од 4. коло Ј-група во мундијалските квалификации на Арена „Тодор Проески“ во Скопје помина без ниту една посериозна шанса за гол на двете страни. Македонците иако имаа поголем посед на топката, не успеаја да го загрозат голот на Ерменците. Од друга страна, гостите беа фокусирани на дефанзива и чекаа евентуална шанса од противнапад. На клупата на македонскиот национален тим дебитираше селекторот Благоја Милевски. Ерменија и по 4. коло останува лидер на табелата со 10 бода, Македонија падна едно место и сега е трета со седум бода. Германија по вечерашниот триумф (2:0) над Лихтенштајн е втора со девет бода, Романија по победата на Исланд (2:0) има шест. Исланд остана на три, Лихтенштајн е последен без овоен бод. (МИА)

Македонија ја пречекува Ерменија, деби на селекторот Милевски

Ивона Петрова — Thu, 02 Sep 2021 06:28:34 +0000

Со нов селектор, поинаков тим од ЕУРО, неколку дебитанти, Македонија вечерва ја пречекува Ерменија на арената „Тодор Проески“ во Скопје, почетокот е од 20-45 часот. – Оптимист сум, иако немавме доволно време да ги пренесеме сите наши замисли и идеи. Но, верувам во фудбалерите и во нивниот професионализам. Тие се добри карактери и се адаптираат на сите нови замисли. Периодот е специфичен, многу од фудбалерите сè уште го немаат правиот натпреварувачки ритам, или имаат мала минутажа во своите клубови, тоа може да биде наш проблем, но затоа се освежувањата во тимот. Знам дека ќе го дадат својот максимум и ќе потврдат дека со право се тука, изјави селекторот Благоја Милевски спроти натпреварот против Ерменија. На дебито на селекторот Милевски, УЕФА го одреди португалскиот судија Артур Диаз како главен, а на него ќе му помагаат Руи Таварес и Пабло Соарес. Во Скопје на Арената „Тодор Проески“ ќе има ВАР технологија, а во собата ќе бидат Жоао Пињеро и Луис Кампос, двајцата од Португалија. Диаз има 42 години, со знакот на ФИФА е од 2010 година. Натпреварот меѓу Македонија и Ерменија ќе можете да го гледате на Спортклуб 2 од 20-45 часот.

Гол на поранешниот играч на Вардар за победа на Ерменија над Македонија

Ивона Петрова — Thu, 19 Nov 2020 07:14:24 +0000

Македонската фудбалска репрезентација е поразена од Ерменија со 1:0 во последното коло од втората група Ц-дивизија во Лигата на Нации. Дуелот се одигра во Никозија на Кипар поради воената состојба во Ерменија, а го реши поранешниот вардарец, Ховханес Хамбарџумјан со голот во 55. минута. На другиот меч од 6.коло во оваа група Грузија и Естонија одиграа нерешено 0:0. Ерменците го освоија првото место во групата со 11 бода и изборија пласман во Б-дивизијата. Македонците се втори со 9 бода, Грузијците се трети со 7, Естонците последни со 3 бода.

Пандев: Играта се заборава, резултатот се памети

Ивона Петрова — Mon, 10 Sep 2018 05:54:23 +0000

Капитенот на македонската фудбалска репрезентација Горан Пандев изнуди пенал и постигна гол во триумфот над Ерменија по кои „црвено-жолтите“ ја продолжија серијата од девет натпревари без пораз. Македонија победи со 2:0 и се зацврсти на првото место во Групата 4 од Лигата на нации. - Тоа е најважно. Во минатото игравме добро и со силни репрезентации, а на крајот останувавме без бодови. Дојде време оваа селекција де реди победи. Имаме квалитет и искуство и во не многу убава игра за око, на крајот на ги освојуваме бодовите. А тие се најважни. Играта се заборава, резултатот останува, изјави Пандев. Вториот натпревар од втората рунда во оваа група се игра вечерва и во него Лихтенштајн е домаќин на Гибралтар.