македонија-естонија – Kurir.mk

ФОТО: Горан Пандев се огласи од Италија по победата над Естонија

Магдалена Андонова — Sun, 15 Nov 2020 17:16:45 +0000

Капитенот на македонската фудбалска селекција Горан Пандев го прескокна дуелот со Естонија во рамки на Лигата на нациите откако доби поштеда од селекторот Игор Ангеловски. Пандев преку тв пренос го следеше попладневниот меч на Националната арена Тодоро Проески и ги бодреше своите соиграчи кои и без негова помош на теренот славеа со 2-1. По крајот на средбата Пандев се огласи преку својот профил на Инстаграм каде што сподели фотка и напиша: „Браво дечки, секоја чест“. Извор: Спортклуб.мк

ВИДЕО: Падна и Естонија, Македонија ја чува 1-та позиција во групата

Магдалена Андонова — Sun, 15 Nov 2020 15:56:18 +0000

Македонската репрезентација успеа да ја совлада селекцијата на Естонија со 2:1 и да ја задржи првата позиција во групата пред последното коло. На оваа средба Македонија прва доаѓа до предност преку Иван Тричковски во 29 минута од натпреварот, по што со предност заминавме на полувреме (1:0). На почетокот од вториот меч, Естонија преку Сапинен и неговиот одличен момент и гол, доаѓа до изедначување на 1:1. Токму тој гол ја размрда селекцијата на Македонија која почна интензивно да се заканува кон голот на противниците и тоа вроди со плод во 68 минута. Елиф Елмас имаше свој момент на инспирација, кога со извонреден удар, со надворешно ефе, асистираше до Стојановски, на кого му остана полесниот дел да егзекутира во голот на гостите за 2:1 водство на Македонија. Тоа всушност беше и конечниот исход на оваа средба. По 5 кола, Македонија е на 1 позиција со 9 бодови, втора е Грузија со 6 и натпревар помалку, додека Ерменија е трета со 5 бодови, а Естонија последна со само два бода.

#Trichkovski 1:0
Macedonia 1:0 Estonia pic.twitter.com/FAQmrVXIDT — Поштенско сандаче (@NikolaManUtd) November 15, 2020

Estonia equal vs Macedonia (1:1) with fantastic Sappinen goal#MKDEST11 pic.twitter.com/iGOAscmUzz
— Поштенско сандаче (@NikolaManUtd) November 15, 2020

Macedonia 2:1 Estonia.
What an assistance from #Elmas!!! pic.twitter.com/9op8Z5APqC — Поштенско сандаче (@NikolaManUtd) November 15, 2020

Извор: Спортклуб.мк Фото: Спортклуб.мк

Македонија не дозволува Естонците многу да се радуваат: Евро-гол на Сапинен, но Стојановски возврати за 2-1 (ВИДЕО)

Магдалена Андонова — Sun, 15 Nov 2020 15:35:56 +0000

Естонија израмни на 1-1 против македонската репрезентација на дуелот од 5. коло во Лигата на нации. Сапинен во 52. минута постигна вистински евро-гол шутирајќи од левиот агол на шеснаесетникот во спротивниот агол од голот на Шишковски, и мајсторски погоди за 1-1, пишува Екипа.мк Сепак, максимално доминантната игра на селекцијата на Игор Ангеловски вроди со плод во 68. минута. Откако претходно имавме три 100% шанси на Тричковски, Стојановски и Николов, на крај во 68. минута по феноменалниот центаршут на Елмас, убаво со глава Влатко Стојановски погоди за враќање на предноста, сега од 2-1. Видеото може да го погледнете на Екипа.мк

Полувреме: Македонија води со 1:0

Магдалена Андонова — Sun, 15 Nov 2020 14:56:31 +0000

Полувреме на мечот Македонија – Естонија. Македонија води 1:0, а двете селекции напаѓаа во бранови. Во првите 10 минути Македонија со иницијатива, па потоа Естонија ја превзеде иницијативата, пишува Спортмедиа.мк Две шанси за Естонија, а потоа и водство на Македонија. Тричко погоди по асистенција на Спировски. Потоа Тричковски пропушти шанса за 2:0. Следуваше уште еднаш иницијатива на Естонија, и прилика, но лоб ударот отиде над голот. Во финишот Македонија одново ја превзеде иницијативата, меѓутоа немаше промена на резултатот. Извор: Спортмедиа.мк

Македонија против Естонија за победа и пласман во Б-Лигата на нации

Ивона Петрова — Sun, 15 Nov 2020 08:27:12 +0000

Македонија денеска ја пречекува Естонија со амбиција да ја продолжи победничката низа и со пласман во Б дивизијата во Лигата на нации да ја заокружи најуспешната година во својата историја. Македонската фудбалска репрезентација влегува во мечот од 15 часот на арената Тодор Проески во Скопје во улога на фаворит, но селекторот Игор Ангеловски се соочува со големи проблеми околу составот поради суспензии, повреди и замор кај дел од репрезентативците. Капитенот Горан Пандев е ослободен од обврските, Столе Димитриевски и Езџан Алиоски не се во комбинација поради суспензија, Енис Барди и Аријан Адеми се повредени, а Крсте Велкоски е позитивен на коронавирус. Дополнително Ангеловски го повика во тимот крилниот напаѓач на Шкендија Љупче Дориев, а добра вест е враќањето на левиот бек Кире Ристески, кој е негативен на последниот корона тест.

Ангеловски: Истрошени сме, ама одиме на победа и прво место во Лига на нации

Ивона Петрова — Sat, 14 Nov 2020 13:31:44 +0000

На официјалната прес-конференција спроти утрешниот натпревар од Лига на нации против Естонија, селекторот на македонската фудбалска репрезентација Игор Ангеловски најави игра на победа и напад на првото место во групата. -Истакнав и претходно дека главна цел е пласман на ЕП, ама моментално сме на прво место во групата и ќе дадеме се да бидеме први во Лигата на нации. Нормално е по голем пласман емоциите да се испразнети, ама кога играш нов меч за Македонија, сите ќе се потрудат максимално. Имаме доволно квалитет за победа, па да одиме на Кипар и таму да решаваме за првото место. -Втората можност пак да бидеме шампиони во ова натпреварување мора да не мотивира. Од утре настапуваме како репрезентација која настапува на ЕП и тоа мора со сите сили да го браниме. Секогаш има мотивации и сакаме да бидеме први во Лигата на нациите. Ќе се обидам да ја изнесам најдобрата тактичка определба според тимот на располагање. Доволно време сме заедно и добро знаеме што треба да направиме на теренот, истакна Ангеловски. Натпреварот се игра утре во Скопје со почеток во 15 часот.