македонија-грузија – Kurir.mk

ВЕЧЕР НА „ГРАДСКИ“: Фудбалерите бараат поддршка и полн стадион, Македонија денес ја пречекува Грузија

Ивона Петрова — Thu, 09 Jun 2022 05:36:30 +0000

Македонија денеска на Националната арена „Тодор Проески“ во Скопје ја пречекува Грузија во рамки на третото коло од Лигата на нации. Селекторот Благоја Милевски и голманот Столе Димитриевски побараа од навивачите масовна поддршка за денешниот натпревар кој е со почеток во 20:45 минути. – Посакуваме исполнет стадион кој ќе биде додатен стимул за нас како тим, да ја осетиме таа домашна публика. Поддршката ни е многу потребна. Победата (на Грузија) од 5:2 над Бугарија може и не мора да значи ништо. Очекувам поразличен меч од оној нашиот со Бугарија и оној нивниот, изјави Милевски на вчерашната официјална прес-конференција. Тој истакна дека македонските играчи ќе мораат да дадат максимум за да ја победат Грузија. – Ќе се потрудиме да бидеме подобри утре во однос на претходните два меча. Има разлика од оваа Грузија во однос на Грузија од нашите минати дуели. Имаат нов селектор, нова визија, нема ништо слично од она што беше и ова што не чека. Не се оптоваруваме многу од важноста на утрешниот меч. Да се даде максимумот и да се постигна успех, порача Милевски. Поддршка од навивачите побара и голманот Столе Димитриевски, истакнувајќи дека Грузија е сериозен противник. – Сакам полн стадион, сакам голема, најголема поддршка. Со публиката и со нашиот квалитет ќе биде полесно да славиме со победа. Јас секогаш сум пресреќен кога играм дома. Со полн стадион ќе ни биде полесно како што тоа било и во минатото, изјави Димитриевски. После Грузија во вториот натпревар дома ќе се сретнеме со Гибралтар, овој дуел е закажан за в недела од 18:00 часот. Билетите за двата натпревари се веќе пуштени во продажба и се по цена од 250 до 350 денари. Истите можете да ги купувате – ТУКА. Македонија после првите две кола во оваа Лига на Нации има четири бода, додека лидер на табелата е Грузија со шест бода, па затоа натпреварот в четврток е од голема важност.

90 минути до Европско: Македонија вечерва против Грузија за историја

Ивона Петрова — Thu, 12 Nov 2020 07:19:00 +0000

Македонија вечерва го игра најважниот натпревар од своето осамостојување во кој победа над Грузија во Тбилиси ќе и донесе дебитантски настап на едно Европско фудбалско првенство. Во македонскиот табор владее оптимизам и верба во историски триумф, и покрај проблемите со кои се соочува селекторот Игор Ангеловски околу составот. Поради позитивни тестови на Ковид 19, мечот на Динамо арената вечерва од 18 часот, ќе го пропуштат левиот бек Кире Ристески и напаѓачот Крсте Велкоски, а како гром од ведро небо во репрезентацијата одекна и информацијата дека поради проблеми со рбетот во составот ќе го нема и играчот од средниот ред Енис Барди. Настапот на неговиот соиграч од средината на теренот Аријан Адеми е неизвесен. -Имаме респект за противникот, но тоа важи само за почетокот, ние играме за да го добиеме финалето, во овие момчиња верував од претходно, дојдовме да победиме, ова не е натпревар како секој друг, ова е натпревар за нас, за нашата историја, за Македонија“, изјави на вчерашната прес конференција Ангеловски. Комплетна, сепак, нема да биде ниту Грузија, откако вчера и официјално беше потврдено дека Хвича Кварацхелија и Леван Шнегелија нема да бидат во составот на домаќините поради позтивни тестови на коронавирус. извор: Дриблинг.мк

Барди, Ристевски и Велкоски не отпатуваа за Грузија

Ивона Петрова — Wed, 11 Nov 2020 09:36:57 +0000

Поради позитивни тестови на коронавирус, Крсте Велкоски и Кире Ристевски нема да бидат дел од македонската фудбалска репрезентација која утре ќе го игра баражот за пласман на Европското првенство. За Тбилиси денес не отпатува ниту Енис Барди кој има повреда. – Енис Барди поради повреда нема да игра со Грузија. Тој има интервертербтален дискус со мускулен спазам (повреда на рбетот) и не отпатува за Грузија, објави ФФМ. Натпреварот е закажан за утре со почеток во 18 часот.

Пандев: Ние сме една голема фамилија, нѐ делат 90 минути од остварување на соништата (ВИДЕО)

Ивона Петрова — Wed, 11 Nov 2020 09:26:11 +0000

Без неколкумина стандардни играчи како Барди, Ристевски, Адеми, но со желба за нова страница во македонската фудбалска историја, капитенот на Македонија, Горан Пандев отворено говори за сегашните амбиции, за минатото и за тоа што не’ очекува утре. Горан Пандев утре во Тбилиси по 114 пат во кариерата ќе го носи националниот дрес на Македонија, за него најважниот натпревар, за Македонија повеќе од тоа, шансата да бидеме на ЕП не смее да се пропушти. -Ние сме една голема фамилија. Сигурен сум дека ќе дадеме максимум. Нѐ делат 90 минути од остварување на нашите соништа, вели капитенот Пандев. Неговото емотивно интервју погледнете го во продолжение.

ВИДЕО: Македонијо подготви се за поддршка – Сега е наше време, време за европско

Ивона Петрова — Tue, 10 Nov 2020 11:51:47 +0000

Македонската фудбалска репрезентација во четврток против селекцијата на Грузија ќе го игра историскиот натпревар за прв пласман на нашата селекција на Европско првенство. Фудбалската федерација на Македонија, објави видео за поддршка на македонските репрезентативци. -Веруваме дека зборуваме и во ваше име кога со цело срце и почит ги изговараме овие зборови: „Цел живот, Македонија! Ви благодариме, момци”, пишува ФФМ во објавата.

ВИДЕО: Подготовка на историскиот дрес на Пандев, Македонија се надева на Европско

Ивона Петрова — Mon, 09 Nov 2020 09:16:46 +0000

Македонската фудбалска репрезентација денеска ќе ги започне подготовките за средбата со Грузија, последен меч за пласман на ЕУРО кое се игра следната година. ФФМ објави видео на кое е прикажано како се подготвува дресот на капитенот Горан Панден за историскиот дуел на Македонија во четврток во Тбилиси.

Подготовка на историскиот дрес во кој ќе настапат нашите репрезентативци на натпреварот против Грузија 🔥👕🟡🔴#СегаЕНашеВреме #МакедонијаНаЕвропско #НапредМакедонија pic.twitter.com/9PBf3uEZLs
— FFM (@ffmmkd) November 8, 2020

Македонија без Пандев, Несторовски и Елмас за историскиот меч со Грузија?

Ивона Петрова — Fri, 23 Oct 2020 09:56:10 +0000

Де Лаурентис побара, властите во Италија размислуваат да го усвојат предлогот на првиот човек на Наполи – интернационалците да добијат забрана за излез од земјата, пишува Дриблинг.мк. Ситуацијата со Ковид-19 пандемијата на Апенините е критична, вчера беа потврдени нови 16 079 заболени со вирусот а активни случаи има 169 302. Поради ова властите во Италија размислуваат за ново затворање на државата, воведување на полициски час и карантин во одредени области. Се зависи од бројот на новозаразени. Сезоната во Серија А, засега не е ставена под знак прашалник, но можни се промени во распоредот и начинот на организација на самите натпревари. Ова значи дека Елиф Елмас, кој се уште е позитивен на Ковид-19 и не игра за Наполи, Илија Несторовски од Удинезе како и Горан Пандев од Џенова нема да можат да и помогнат на Македонија во битката со Грузија во финалето од Лигата на нации, за пласман на следното Европско првенство, стои во текстот. Целиот текст може да го прочитате на Дриблинг.

Реми на Македонија со Грузија

Ивона Петрова — Thu, 15 Oct 2020 06:18:05 +0000

Репрезентацијата на Македонија одигра нерешено 1:1 (0:0) со селекцијата на Грузија на арената „Тодор Проевски“ во Скопје, во рамки на четвртото коло од Лигатата на нации. Во првите 45 минути немаше поголеми возбудувања на теренот, а и двете репрезентации ниту еднаш не ја погодија рамката од противничкиот гол. Вториот дел започна поактивно, но Македонија остана со играч помалку во 67. минута откако по една гостинска контра, Столе Димитриевски истрча да ја расчисти опасноста, играше со рака и заработи црвен картон. Меѓу стативите застана Шишковски, а Несторовски излезе од игра, со што беше ослабнат нападот. Водството за гостите стигна по нецели десет минути, откако Кварацхелија со силен удар ја затресе мрежата на „жолто-црвените“. Сепак нашите фудбалери не се предаваа, а во судиското надополнување Македонија доби пенал откако Зајков беше фаулиран во шеснаесетникот. Одговорноста ја презеде крилото на Лидс, Алиоски кој успешно реализираше за конечни 1:1. Македонија по овој меч остана на првото место на табелата во групата 2 заедно со Грузија на две кола до крајот. На 12 ноември двете репрезентации повторно ќе се сретнат во најважниот натпревар за македонскиот фудбал, откако ќе играат финале за пласман на Европското првенство 2021 година.

Македонија вечерва ја пречекува Грузија

Магдалена Андонова — Wed, 14 Oct 2020 08:03:06 +0000

Македонија и Грузија вечерва на арената „Тодор Проески“ го играат мечот ог Групата 2, средба од Ц-Лигата на нации. Ова е средба од 4. коло, и двете селекции немаат пораз, Македонија има една победа и две нерешени, Грузија влегува со ист скор но послаба гол разлика, македонскиот национален тим со 6-5, гостите со 4-3. Игор Ангеловски не може да смета на речиси половина тим, Елмас од претходно поради позитивен тест на Ковид-19, Барди поради жолти каротни, Адеми, Спировски, Бејтулаи се повредени. Слична ситуација и во Грузија, селекторот Владимир Вајс ги нема стандардните Кахкава, Кашиа, Чаквелатдѕе,Абурџанија и Кохолава… Сепак и двајцата селектори сметаат дека е ова важен натпревар, ова е борба за првото место во групата. -Без разлика што не го остваривме планираното во Естонија, но не да заборавиме дека нашата главна цел ја стигнавме, Македонија е на чекор на ЕП. Имаме натпревар со противник со кој ќе се сретнеме во финалето, без разлика на сите отсуства, сите кои ќе истрчаат на теренот, должни се да го дадат максимумот. Прв пат играме во седум дена три натпревари, првиот натпревар беше многу важен од секако аспект. Ако селекции од Италија, Шпанија ротираат, што останува за селекции како што сме ние. Селекторот на Грузија исто има проблеми со повреди и отсуства, но на нас селекторите е да го искористиме тоа што го имаме. Не верувам дека и тие не сакаат да бидат на првото место во групата. Не очекувам противникот да калкулира со составот, изјави Ангеловски. За селекторот на Грузија, Владимир Вајс, ова е натпревар кој ќе решава з апрвата позиција во групата. -Средбата е важна, кој ќе победи ќе биде прв, кој ќе загуби ќе биде втор. Ние ќе играме без неколку стандардни играчи, ние ќе се обидеме со најдобрите единаесет да дојдеме до добар резултат, ке зависи нашата игра и од формацијата на Македонија, но ние ќе играме офанзивно, изјави Вајс. Средбата меѓу Македонија и Грузија започнува од 20-45 часот, УЕФА делегираше судија од Полска, Бартош Франковски ќе ја дели правдата на арената „Тодор Проески“. Извор: Дриблинг