македонија у 17 – Kurir.mk

У17: Македонските фудбалски кадети ги почнаа подготовките за евроквалификациите

Дарко Андоновски — Fri, 01 Oct 2021 13:22:01 +0000

Македонската фудбалска репрезентација до 17 години денеска стартуваше со подготовките за квалификацискиот турнир идната недела во Република Ирска за пласман во елитната фаза за Европското првенство. Македонските кадети квалификациите ги отвораат против Полска на 7 октомври, по што следува дуелот против домаќинот Ирска, а во завршното коло на 13 октомври противник на „црвено-жолтите“ ќе биде Андора. – Претходните контролни турнири и пријателски натпревари ни помогнаа многу да ја подобриме нашата игра и да ја зголемиме самодовербата. Во Република Ирска не очекуваат тешки натпревари, играме против квалитетни репрезентации. Веруваме во нашите можности, можеме да се носиме со сите селекции во групата. Првиот дуел со Полска ќе биде клучен за нас, знаеме како да одиграме против нив, имаме извојувано победа на последната меѓусебна пресметка. Поседуваме квалитет и потенцијал, тоа сакаме да го докажеме на овие натпревари, изјави попладнево селекторот Тони Јакимовски. Според информациите од македонскиот табор, напаѓачот Алекс Митров не добил дозвола за настап во квалификациите од матичниот клуб Јанг Бојс и на негово место е повикан Леин Таири од германски Шалке 04. Јакимовски за претстојните три квалификациски дуели повика 21 фудбалер: Голмани: Самоил Талевски (Академија Пандев), Давид Стојановиќ (Македонија Ѓ.П.), Диел Доку (Њу Старс); Одбрана: Симеон Здравковски (Вардар), Даниел Марковски (Хелсенборг, Шведска), Андреј Аризанковски (Победа), Марко Стојилевски (Вардар), Анес Малиќи (Шкендија), Хадис Таири (Њу Старс), Матеј Јаневски (Работнички); Среден ред: Амир Нухија (Шкендија), Мартин Ѓорѓијевски (Академија Пандев), Адриан Зенделовски (Малме, Шведска), Мухамед Елмас (Работнички), Кире Стојанов (Академија Пандев), Зона Назифи (Шкендија), Омерфарук Сулејман (Шкупи), Азис Јамини (Ренова), Стефан Тодоровски (Њу Старс); Напад: Никола Манојлов (Работнички), Леин Таири (Шалке, Германија).

Савевски го објави списокот на ракометарки за кадетскиот ЕХФ шампионат

Бошко Тасиќ — Sat, 10 Jul 2021 08:13:05 +0000

Координаторот на женски ракометни селекции, Љубомир Савевски, го објавува списокот на повикани ракометарки за собир и подготовки на женската кадетска ракометна репрезентација за претстојниот припремен период за EХФ У17 шампионатот во Литванија. На овој список се најдоа 25 ракометарки и сите доаѓаат од домашните екипи. Најмногу има од редовите на ЖРК Вардар (девет), како и од Металург, Стружанка, Феникс. Женската кадетска репрезентација ќе настапи на EХФ У17 Championship 2021 во Клаипеда, Литванија (7-15 август 2021 година) и е дел од група А заедно со репрезентациите на Шпанија, Литванија, Финска, Косово и Велика Британија.

У17: Македонската репрезентација запиша втора победа против БиХ

Дарко Андоновски — Fri, 14 Feb 2020 14:24:59 +0000

Македонската репрезентација до 17 години ја запиша втората победа против Босна и Херцеговина на контролниот натпревар одигран на гостински терен. Нашата селекција предводена од Драги Канатларовски славеше со 3:1 на воведниот дуел во БиХ. На денешниот натпревар одигран на стадионот „Бабовац“, македонската репрезентација поведе веќе во 3. минута, кога по проигрување на Елези, Георг Стојановски биеше прецизно за водство од 1:0. Во 48. минута Александар Кахвиќ го израмни резутатот, а по голема грешка, односно недоразбирање меѓу нашиот голман Василев и одбраната, фудбалерот на БиХ, Кахвиќ го постигна вториот свој гол за предност на домаќините од 2:1. Бесарт Гуџуфи беше фудбалерот за пресврт на Македонија до 17 години. Во 79. минута по додавање на Поповски, Гуџуфи го постигна погодокот за израмнување на 2:2, а пет минути подоцна повторно беше прецизен откако го искористи центаршутот на Софијаноски за победа на македонската репрезентација од 3:2.