македонска фѕдбалска репрезентација – Kurir.mk

Петров: Не сум политичар, на дуелот со Македонија влегуваме спортски и на победа

Бошко Тасиќ — Wed, 01 Jun 2022 15:07:36 +0000

Бугарија и Македонија утре го играат мечот од првото коло во Лигата на нации, селекторот на бугарската репрезентација не гледа политика, не е политичар, на средбата и пристапува фудбалски и спортски, и сака победа. Јасен Петров порача дека ниту е политичар, утре ќе се игра фудбал, а сака победа на Бугарија. „Фудбалот е најважната игра, ги радува луѓето и на фудбалот гледаме само како игра. Јас не сум политичар, ниту имам намера да делам политика, Бугарија и Македонија утре играат фудбалски натпревар. Велат, Македонија е фаворит, добро, но и ние имаме наши адути, кои ќе ги покажеме на натпреварот. Сите мечеви ни се еднакво важни, не ги делиме на помалку или повеќе важни, Македонија заслужува респект, но ние сакаме да победиме“ – рече селекторот Петров.

Милевски: Оваа селекција нема еден лидер,туку има повеќе лидери

Бошко Тасиќ — Sun, 14 Nov 2021 21:32:29 +0000

На прес-конференцијата по мечот, селекторот Благоја Милевски се заблагодари и на неговиот претходни, Игор Ангеловски. „Благодарност до сите, до претходникот кој го почна овој циклус, па до сите фудбалери кои беа дел од овие квалификации. Честитки до момците за сѐ што покажаа во овие мечеви во целиот циклус и тие покажаа и пружија многу повеќе од тоа јас што го очекував откако седнав на клупата, зашто немавме многу време за подготовки“, вели Милевски. „За денешниот меч бевме подготвени на секое сценарио. Со исклучок на некои мали падови мислам дека одигравме одлично. Исланд е сериозна селекција и бевме свесни дека во текот на целиот меч треба да бидеме фокусирани. И кога го примивме голот не се сомневав дека ќе победиме. Работевме на тој психолошки план за да не ни се случи реприза од Рејкјавик, такви моменти веќе нема да ни се случуваат. Се уште не сме стигнати до нивото кое го посакувам. Имаме потенцијал за уште повеќе од ова. Од меч во меч се гледа дека функционираме како тим. Оваа селекција нема еден лидер, туку има повеќе лидери и моја интенција е да се чувствуваат така на теренот, како лидери“.

Како може Македонија на СП во Катар?

Бошко Тасиќ — Sat, 13 Nov 2021 06:34:01 +0000

Македонија ги игра најдобрите мундијалски квалификации во историјата со рекорден број на освоени бодови, рекорден број на голови на гости, како и на освојување прва победа над велесила како Германија. Во квалификациите за ЕП најдобриот пласман е третото место од минатата година. Класичниот бараж за Светско во кој се добиваше само еден противник повеќе не важи, а новиот потсеќа на финишот за пласман на Европското до кое стигнавме преку Косово и Грузија. Исто ќе биде и сега со плејоф, во кој за да испишеме нова историја ќе треба да совладаме два противника, кои ќе бидат многу потешки. Во бараж битките за Светско ќе играат сите 10 второпласирани репрезентации од квалификациите, плус најдобрите две селекции од Лига на нации. Тоа се оние две кои ќе бидат освојувачи во своите групи, а не се наоѓаат меѓу првите две преку редовните квалификации. Тие 12 репрезентации ќе бидат поделени на носители и неносители. Шесте најдобри ќе бидат носители, а преостанатите четири и двете од Лига на нации неносители. Потоа ќе бидат поделени во три мини турнири со по четири селекции кои ќе играат полуфинале и финале. Трите земји кои ќе ги освојат финалињата одат на Светско. Вака стојат засега работите во останатите групи: Од тие причини не е исклучено во бараж да одат селекции како Италија, Шпанија, Португалија Холандија, а и Хрватска која не е ниту прва во група. Од директните дуели уште едно коло до крај имаат: ГРУПА А Португалија – Србија (14 ноември) ГРУПА Б Шпанија – Шведска (14 ноември) ГРУПА Х Хрватска – Русија (14 ноември) А со директи дуели и две кола до крај се: ГРУПА Г Норвешка – Летонија (13 ноември) Црна Гора – Холандија (13 ноември) Холандија – Норвешка (16 ноември) ГРУПА Ц Италија – Швајцарија (12 ноември) Северна Ирска – Италија (15 ноември) Швајцарија – Бугарија (15 ноември)