македонска фудбалска федерација – Kurir.mk

Македонската фудбалска репрезентација загуби од Саудиска Арабија

Катерина Бојаџиева — Sat, 22 Oct 2022 17:00:09 +0000

Македонската фудбалска репрезентација вечерва загуби на гостувањето во Абу Даби кај Саудиска Арабија со 1:0. Стрелец на единствениот гол беше Салех Ал Шери. Селекторот на „црвено-жолтите“ на овој натпревар шанса да настапат им даде на играчите од домашното првенство. Македонската репрезентација голот го прими во 85.минута, а во последните моменти беше драстично оштетена со недосудени два пенала во иста акција. Најпрво Стојановски беше фаулиран во шеснаесетникот на домаќините, а потоа еден играч на Саудиска Арабија по ударот на Трапановски, со рака од гол-линијата ја врати топката во поле.

ФФМ домаќин на евроквалификациите до 17 години

Дарко Андоновски — Fri, 21 Oct 2022 14:38:51 +0000

Македонската машка фудбалска репрезентација до 17 години идната недела на домашен терен во Скопје ќе ги одигра квалификациите за пласман на Европското првенство 2023 во Унгарија. Македонските фудбалери се во група со Франција, Исланд и Луксембург, а своите натпревари на квалификацискиот турнир од 25 до 31 октомври ќе ги играат на тренинг центарот „Петар Милошевски“. Селекторот Вујадин Станојковиќ за квалификациите повика 22 фудбалери: Голмани: Славе Вргов (Академија Пандев), Натаниел Димовски (Пелистер), Амар Хаџибулиќ (Работнички); Одбрана: Анес Мелиќи (Шкендија), Андреј Велков (Академија Пандев), Огнен Дејановски (Македонија Ѓ.П.), Никола Стојковски (Шкендија), Андреј Љубевски (Работнички), Фљакрон Мемиши (Шкендија); Среден ред: Мартин Јовановиќ (Македонија Ѓ.П.), Нуман Ајетовиќ (Вардар), Мухамед Елмас (Работнички), Алдин Али (Винтертур, Швајцарија), Даниел Коцев (Работнички), Дарко Сековски (Вардар), Никола Манојлов (Работнички), Максимилиан Димитриевски (Борусија Минхенгладбах, Германија), Димитар Данев (Работнички); Напад: Алтин Алији (Македонија Ѓ.П.), Аган Алиу (Шкупи), Стефан Младеновски (Црвена Звезда), Салим Арифи (Победа).

Македонија забележа мал пад на ФИФА листата

Бошко Тасиќ — Thu, 23 Jun 2022 15:48:44 +0000

Напорниот јунски циклус во Лигата на нации го завршивме со две победи, едно реми и еден пораз, а тоа направи Македонија да забележи мал пад на ФИФА листата. Четирите средби ги заокруживме со две победи над Гибралтар, реми со Бугарија и пораз од Грузија, па токму последниот резултат најверојатно не чини и пад на светското рангирање. „Рисовите“ назадуваа две позиции и паднаа од 62-то на 64-то место, а според калкулациите на ФИФА, загубени со речиси шест ранкинг поени. Сега следи период на пауза ова лето, а квалификациите во Лигата на нации ги продолжуваме во месец септември, кога ќе добиеме нова шанса за подобрување на ФИФА ранкингот.

Нека биде Светско: Македонија вечерва против Португалија за историја

Ивона Петрова — Tue, 29 Mar 2022 05:16:25 +0000

Македонската фудбалска репрезентација денеска против селекцијата на Португалија со почеток во 20:45 на стадионот „Драгао“ ќе го одигра одлучувачкиот натпревар за пласман на Светско првенство. Стадионот во Порто ќе биде исполнет до последното столче, а поддршка нашите репрезентативци ќе имаат од околу 1.500 навивачи на трибините. Иако Португалија е фаворит на хартија, противникот не’ почитува. Македонија покажа дека може да направи клучни пресврти во своја користи и да го добие тоа што го сака. Македонскиот селектор Благоја Милевски очекува поинаков меч од тој со Италија во четвртокот во Палермо, поради поинаквите индивидуални карактеристики на Португалија, па посочи дека бившиот европски првак не е само – Кристијано Роналдо. -Португалија не е само Роналдо! Роналдо е најдобриот играч на светот, ама тој сам не игра. Играат уште десетмина други Португалци. Ние ќе мора да се сконцентрираме на тимот, а не на поединците. Секоја чест за успеите на останатите спортови кои играле на големи смотри, но кога зборуваме за фудбал, зборуваме за друга димензија. Фудбалот на глобално ниво е над сите и патот до успех во светски рамки е тежок. Португалија е фаворит, иако ние на гости ги победивме и Германија и Италија. Би сакал повторно Аце (Трајковски – н.з.) да даде пак таков гол како во Палермо и да испишеме нова историја, вели Милевски. Капитенот на националниот тим Стефан Ристовски е, на некој начин, дома за време на престојот во Португалија ако се знае дека остави силна трага во португалскиот фудбал со настапите за Спортинг Лисабон. -Сигурно дека ова е еден од најважните натпревари во историјата на нашиот фудбал. Можеби светот не веруваше дека вечерва ќе бидеме тука, но ќе кажам дека не е случајно нашето присуство тука. Оваа наша соблекувална има нешто што другите немаат. Горд сум и подготвен за ова финале. Не можев да замислам дека ќе дојде натпревар во кој против Португалија ќе се бори за еден мундијалски билет. Но, фудбалот е таков и нуди вакви предизвици, вели Ристовски. Со среќа момци и нека биде Светско.

Миовски: Треба да бидеме поконкретни и подобри во нападот

Бошко Тасиќ — Mon, 08 Nov 2021 18:46:50 +0000

Нашиот репрезентативец Бојан Миовски смета дека нашата репрезентација има шанси за второто место во квалификациската група „Ј“ кое носи место во плејофот од квалификациите и дека треба само треба да бидеме поконкретни, но и подобри во нападот. „Имаме теоретски шанси за второто место и ќе дадеме се од себе да оствариме победа на двата последни меча. Повредите се дел од фудбалот. Недостасуваат неколкумина, но тие што се тука убеден сум дека ќе ја оправдаме довербата на селекторот. Ја анализираме Ерменија, треба да бидеме поконкретни и подобри во нападот“ рече Миовски.

Познати четвртфиналните пресметки во Македонскиот фудбалски куп

Дарко Андоновски — Tue, 02 Nov 2021 13:34:09 +0000

Фудбалската федерација на Македонија (ФФМ), денеска со жрепка ги одреди дуелите во рамки на четвртфиналето од националниот куп во кој бранителот на трофејот Силекс ќе игра на домашен терен против штипска Брегалница. Пелистер во Битола ќе биде домаќин на Вардар, Струга ќе му гостува на актуелниот шампион Шкендија, додека Македонија ЃП ќе го пречека актуелниот лидер во Првата лига Шкупи. Натпреварите се на програмата на 24 ноември со почеток од 13:30 часот.