македонска фудбалска лига – Kurir.mk

Одложени натпреварите во ПМФЛ поради обилните снежни врнежи

Дарко Андоновски — Sun, 14 Feb 2021 09:56:17 +0000

Одложени се денешните пет натпревари од 19-то коло во Првата македонска фудбалска лига (ПМФЛ) поради обилните врнежи од снег на територијата на целата држава, соопшти претпладнево Фудбалската федерација на Македонија (ФФМ). Дуелите Борец – Шкупи, Ренова – Беласица, Вардар – Пелистер, Силекс – Шкендија и Струга Трим – Македонија ЃП, што беа закажани за попладнево од 14 часот, ќе се одиграат идната недела во истиот термин. Вториот дел од сезоната во ПМФЛ започна вчера со мечот во кој Работнички триумфираше како гостин над Академија Пандев во Струмица со 1:0.

Шкендија и Шкупи без проблеми до нови бодови во ПМФЛ

Дарко Андоновски — Wed, 02 Dec 2020 15:10:05 +0000

Двете водечки екипи во Првата македонска фудбалска лига, попладнево остварија лесни победи во натпреварите од 14. коло. Резултати: Академија Пандев – Ренова 0:1 Борец – Струга Трим Лум 2:1 Работнички – Пелистер 1:0 Шкендија – Македонија ЃП 5:0 Шкупи – Беласица 3:1 Силекс – Вардар 1:0. Табела: Шкендија 30 бода, Шкупи 28, Македонија ЃП 26, Борец 22, Силекс 20, Струга Трим Лум 20, Вардар 19, Работнички 17, Ренова 14, Пелистер 12, Академија Пандев 10, Беласица 9.

Вардар го победи Борец и се проби во горниот дел на табелата во ПМФЛ

Дарко Андоновски — Sat, 21 Nov 2020 14:30:37 +0000

Во првиот натпревар од 12. коло од Првата македонска фудбалска лига, Вардар попладнево во Велес го совлада Борец со 2:0. Стрелци на головите беа Јован Попзлатанов и Матеј Цветаноски во последните десетина минути, откако домаќините не реализираа неколку убави шанси. Со оваа победа, Вардар стигна до 16 бода и се најде во првата половина на табелата. Другите натпревари од ова коло се играат утре. Двојките се: Академија Пандев – Пелистер Работнички – Македонија ЃП Шкендија – Шкупи Силекс – Беласица Струга Трим Лум – Ренова. Табела: Шкендија 25 бода, Шкупи 23, Македонија ЃП 22, Борец 19, Струга Трим Лум 16, Вардар 16, Силекс 14, Работнички 13, Пелистер 12, Ренова 8, Академија Пандев 7, Беласица 5.

Одложени натпреварите од Првата и Вторите лиги во македонскиот фудбалски шампионат

Дарко Андоновски — Fri, 30 Oct 2020 14:10:45 +0000

Комисијата за натпреварување во рамки на Фудбалската федерација на Македонија информира дека поради измени на Протоколот за спроведување мерки за заштита од „Ковид 19“ и стапување на сила на Општиот Протокол за организирање на натпревари, натпреварите од 11. коло на Прва МФЛ и 10. коло на Втора МФЛ – Исток и Запад кои требаше да се одиграат на 31.10.2020. (сабота) и 01.11.2020. (недела), се одложуваат. Средбите што беа предвидени да се играат утре и в недела се пренасочуваат за одигрување на 07.11.2020. (сабота) – 11. коло од Прва МФЛ и 10. коло, Втора МФЛ – Исток и Запад на 08.11.2020 (недела), објавено е на веб-страницата на ФФМ.

Преодниот рок во македонскиот фудбал од 15 јуни до 31 август

Дарко Андоновски — Wed, 10 Jun 2020 13:13:47 +0000

Фудбалската федерација на Македонија објави дека согласно Одлуката на У. О. за прекин на натпреварувачката сезона 2019/2020 во сите категории, вклучително и Прва МФЛ, летниот преоден рок почнува на 15 јуни и ќе трае до 31 август 2020 година. Во моментов нема одлука кога ќе почне новата сезона, но ако се подобри ситуацијата со коронавирусот, прволигашите можно е новото првенство да го стартуваат во август.