македонска химна – Kurir.mk

Мицкоски смета дека македонската химна треба да се интонира во сите училишта во државата

Ивона Петрова — Fri, 20 Oct 2023 11:48:23 +0000

Секој граѓанин треба да покаже почит кон еден од основните симболи на државата во која е роден, му овозможила да се образува, да формира семејство и во неа живее, изјави денеска претседателот на ВМРО - ДПМНЕ, Христијан Мицкоски. Одговарајќи на прашање дали во сите општини каде градоначалниците се од ВМРО- ДПМНЕ ќе се инторнира македонската химна, тој рече дека ова прашање не би го партизирал и смета дека тоа треба да биде пракса не само во општините, каде што градоначалниците се од редовите на ВМРО - ДПМНЕ. -Мислам дека ова треба да биде политика, којашто ќе биде централизирана. Министерството за образование оваа политика ќе ја спроведе и мислам дека на целата територија на државата треба да има ваков начин на покажување почит кон државата, во којашто сите ние живееме и твориме, вели Мицкоски. Тој апелира до министерот за образование ова да биде државна политика и да се реализира во сите општини, без разлика од која политичка партија и да се градоначалниците. -Имаме држави, нашиот стратешки партнер САД, каде што има многу нации, сите стојат пред интонирање на американската химна и се горди кога ја слушаат американската химна и сите го почитуваат американското знаме. Така што оние кои не ги почитува националните атрибути на државата, во којашто живее, тогаш навистина има сериозен системски пропуст, вели Мицкоски по посетата на Општина Гази Баба.

Почитта и љубовта кон татковината се градат од најмала возраст: Со интонирање на македонската химна ќе започнува наставата во основните училиштa во Аеродром

Ивона Петрова — Mon, 02 Oct 2023 14:42:04 +0000

Наставата во основните училиштa во Аеродром отсега секој понеделник ќе започнува со интонирање на македонската химна, објави градоначалникот на Општина Аеродром, Тимчо Муцунски. Посочува дека химната ќе се интонира затоа што почитта и љубовта кон татковината се градат од најмала возраст. -Станува збор за иницијатива преку која изразуваме искрена почит кон татковината и со која имаме цел да го подигнеме националното чувство и љубовта на дечињата кон Македонија, но и ќе ги охрабриме да учат за македонската култура и традиција, објави Муцунски.

Пред 31 година беа усвоени знамето и химната на Македонија

Ивона Петрова — Fri, 11 Aug 2023 05:40:25 +0000

На 11 август во 1992 година во Собранието на Република Македонија биле усвоени знамето црвено со златно-жолто сонце, со осум основни и осум споредни сончеви зраци кое беше во сила до 5 октомври 1995 година, кога е сменето во црвено со златно-жолто сонце, со осум сончеви зраци. На денешен ден во законодавниот дом била усвоена и химната „Денес над Македонија“ на Република Македонија. Автор на текстот на македонската химна е Владо Малески, а музиката е на Тодор Скаловски. Песната е напишана во 1941 година. По завршувањето на Втората светска војна е усвоена како химна на Социјалистичка Република Македонија во рамките на поранешна Југославија, а во 1992 година со закон е прогласена и за химна на независна Република Македонија.

ФОТО: 31 година од промоцијата на македонските државни почести и првиот војнички почесен рапорт на македонски јазик

Ивона Петрова — Fri, 17 Mar 2023 08:51:42 +0000

На 17 март 1992 година за првпат биле промовирани македонските државни почести. Ова се случило при доаѓањето на делегацијата на Република Словенија, на чело со претседателот Милан Кучан, при пречекот на аеродромот „Скопје“. Првпат при пречек на висок гостин била интонирана македонската државна химна „Денес над Македонија се раѓа“, првпат била построена почесната единица на Македонската армија со македонско државно знаме и првпат командантот на почесната единица полковник Стефан Лазаревски на македонски јазик му рапортирал на еден претседател кој допатувал во официјална посета на Републиката. -Делегацијата од Република Словенија пристигна на 17 март 1992 година и беше пречекана со највисоки почести. Датумот останува забележан како датум кога првпат при пречек на странска делегација се интонира химната „Денес над Македонија се раѓа“, првпат при пречек на странски државник се постројува почесната единица на АРМ, се вее македонското знаме, а јас бев првиот македонски офицер, командант на почесна единица, кој на македонски јазик му рапортираше на претседател на странска држава, вели Лазаревски, објавено во Нова Македонија. Војниците од почесната единица на сивомаслинестите униформи првпат имале поставено македонски државни симболи.

НА ДЕНЕШЕН ДЕН: Усвоени знамето и химната на Македонија

Ивона Петрова — Thu, 11 Aug 2022 09:49:19 +0000

Ковачевски го пречека Петков со половина македонска химна – го немаше делот за Делчев, Груев, Сандански (ВИДЕО)

Тале Кристо — Tue, 18 Jan 2022 11:17:05 +0000

Бугарскиот премиер Кирил Петков денеска е во официјална посета на Република Македонија. На премиерот на Бугарија Кирил Петков му беше приреден свечен пречек пред владата на Република Македонија. Тој беше дочекан од неговиот домаќин Димитар Ковачевски. Но, кога дојде редот за изведување на македонската химна, воениот оркестар го изведе само првиот дел но не и делот што е проблематичен за Бугарија каде се споменува Гоце Делчев, Даме Груев, Сандански и Крушевската република. Во продолжение од петтата минута слушнете го делот со химната:

ИСТОРИЈА: Македонската химна прв пат се слушна на ЕП (ВИДЕО)

Ивона Петрова — Mon, 14 Jun 2021 09:38:04 +0000

Доколку евентуално има некој кој вчера не го гледаше натпреварот на Македонија и Австрија, еве можност да види, а останатите да се потсетат како изгледаше интонирањето на македонската химна на Европското фудбалско првенство. Македонија прв пат во својата историја настапува на ова континентално натпреварување и за прв пат на истото се интонирање македонската химна. Големиот број навивачи на трибините, како и фудбалерите во еден глас ја пееја македонската химна.

Ковачки: Неинтонирањето на македонската химна и промената на името на униформата е поразително и газење на достоинството на македонецот

Тале Кристо — Wed, 27 May 2020 07:47:51 +0000

Полковникот во АРМ, Драган Ковачки, вечерва во Алфа телевизија, во одговор на прашањето какво е чувството како припадник на АРМ да се оди на дефиле без името на Република Македонија или да не се интонира македонската химна, Ковачки рече дека истото е поразително, газење на достоинството на македонецот. Поразително е да не интонира химната на Република Македонија, газење на достоинството на македонецот, ние сите имаме дадено заклетва дека ќе ја браниме Република Македонија, дека ќе го браниме суверенитетот и интегритетот, нејзината чест и достоинство, дали го одбранивме како воени лица , мислам дека не, тоа е моето скромно мислење, вели Ковачки. Во врска со негирањето на Гоце Делчев, Ковачки истакна дека Делчев е во крвта на сите Македонци, она што е Ататурк за Турците, Васил Левски за Бугарите, Скендербег за Албанците, тоа е Гоце Делчев за Македонците, некоректни се изјавите на политичарите за Делчев, нејасно е зошто се прифатило да се преговара за истото. Ние не можеме тие работи да ги прифатиме дека се дел од некаква заедничка историја, не можеме да се откажеме од Гоце Делчев, порача Полковникот Драган Ковачки.

ВИДЕО: Македонската химна во изведба на маестро Дурловски во Канада

Тале Кристо — Sun, 02 Feb 2020 15:50:04 +0000

Македонскиот оперски пејач од светски глас Игор Дурловски синоќа присуствуваше на 49. „Гоцева – комитска вечер“ во Торонто, каде што еден од лидерите на граѓанската иницијатива „За заедничка Македонија“, покрај поздравниот говор како почесен гостин од Македонија, ја изведе и македонската химна: „Гоцева вечер“, организирана од „Обединети Македонци“ од Канада, се одржа во македонската православна црква „Свети Климент Охридски“ во чест на роденденот (4 февруари 1872 година) на апостолот на македонската револуционерна борба Гоце Делчев.

По забраната од страна на власта да се пее и учи македонската химна- денес училишните дворови беа преплавени со расфрлани летоци со македонската химна

Дарко Андоновски — Fri, 13 Sep 2019 11:56:40 +0000

Расфрлани летоци по основните училишта со македонските химни Македонската јавност, особено родителите на децата кои посетуваат основно училиште овие денови се гневни на власта која ги злоупотребува децата за политички цели. Имено откако во јавноста се појавија информации дека власта се откажала од македонската химна во учебниците јавноста се крена на нозе. Македонскиот пејач Панчо од ДНК на својот Фејсбук профил објави дека откажувањето на химната на својата татковина е исто како на првачињата да им забраниш да ја учат азбуката. – Јас за моите деца сум сигурен дека ќе ги научам и воспитам да ги почитуваат сите луѓе без оглед на етничка припадност, но сум уште посигурен дека гордо ќе ја пеат и научат химната на Македонија од почеток до крај, а за вашите не знам. Секој со своето. На дното му нема крај, пишува Панчо. На крајот од објавата во постскриптум замолува статусот да не се користи за политички цели бидејќи, како што вели, химната е на сите жители на Македонија, без оглед за која политичка партија се определени.

Претседателот на ВМРО-ДПМНЕ ОК Карпош, Тони Јаревски на својот Фејсбук профил прашува дали „Некој мислеше дека на Тамара навистина толку и бил капацитетот, згрешила или пак не ја научила химната на Македонија?! Дека ненамерно немаше химна при посетата на Ципрас?!“

Неговиот статус и приложените фотографии, ги пренесуваме во продолжение;

Доколку некој се уште е на тој став се лаже самиот себеси. Уште еден чин од процесот на демонтажа на Македонија, македонскиот јазик, идентитет и код е со актуелната наставна програма за нашите деца во 6-то одделение.

Старата програма (слика 1) предвидуваше учење и пеење на химната на Македонија.

Во новата програма (слика 2) химната е отстранета и наместо химната, Власта смета дека поважно за ќерка ми (да, и моето дете е 6то одд) е да ја научи и пее Dzelem, Dzelem и албанската Shtatori. Како врв на ова малоумие е и официјалното објаснување од Бирото за образование дека морало да се исфрли химната од учебниците бидејќи програмата била пишувана после уставните измени?!? По острата реакција на јавноста денеска во неколку основни училишта во Скопје беа расфрлени летоци со македонската химна, алудирајќи на властите да не ја забрануваат химната во училиштата, особено на првачињата кои за прв пат ќе се сретнат со неа.