македонска историја – Kurir.mk

Пандов: Заев без кичма и морал ја распородава македонската историја

Магдалена Андонова — Mon, 22 Mar 2021 21:24:34 +0000

На радио Лидер во емисијата ,,Филибастер” гостуваше Александар Пандов претседател на патриотскиот институт на ВМРО ДПМНЕ кој истакна дека Зоран Заев со штетниот договор со Грција ја брише истроријата на Македонија но дека сега уште поопасно е што се тргува со Бугарија и се турка стратегијата на Бугарија дека Македонците и Бугарите се еден народ поделен во две држави. - Зоран Заев со договорот со Грција ни е избришана историјата , ние немаме никакво право на антика Античка Македонија да спомнеме но она што е уште поопасно е дека од 6 тиот век се тргува со Бугарија дека безмалку ние сме еден народ се оди на нивната стратегија на нивното мото така да речам еден народ поделен во две држави истакна Пандов. Пандов потенцираше дека изјавите на премиерот Заев оделе во тој правец да се прикаже дека Македонија со Бугарија има заедничка историја и дека имаат ист јазик. Пандов кажа дека ваквите штетни договори по Македонија ќе бидат поништени и дека не се прифатени од страна на ВМРО ДПМНЕ. - Зоран Заев дури повеќе даваше изјави токму во овој правец дека ние сме еден народ дека имаме ист јазик дека имаме иста заедничка историја и слично. Сето тоа он и на сила нешто сега ако успее во нареден период да протурка треба да му биде јасно не и на него на било кој останат дека со доаѓањето на ВМРО ДПМНЕ на власт дека сето тоа ќе биде поништено и дека тоа нема да биде прифатено како такво заврши Пандов.

Државниот врв се откажа од Гоце Делчев, Заев почна да ги исполнува бугарските барања за историјата и идентитетот?

Дарко Андоновски — Fri, 05 Feb 2021 10:03:44 +0000

Дали власта веќе се откажа од Гоце Делчев во спорот со Бугарија? Дали можеби акциониот план кој толку го кријат од јавноста започнува токму со исполнување на бугарскиот услов за Гоце Делчев? Вчера на 149-годишнината од раѓањето на Гоце Делчев, премиерот Зоран Заев не се појави во дворот на црквата „Св. Спас“ да оддаде почит пред гробот на најголемиот македонски херој. Но, не само премиерот, туку немаше никој од високото раководство на владата. Покрај премиер, генерален секретар, вицепремиери и министри, единствено се појави Заменик-министерот за локална самоуправа, Зоран Димитровски, и тоа сам да положи цвеќе на гробот на Делчев. Не се појави ниту претседателот Стево Пендаровски, кој неверојатно не најде време ни барем да напише два-три зборови на денот на раѓање на Гоце Делчев. Звучи неверојатно, но е вистина. Никој од високото раководство на државата не одвои време да го одбележи денот на раѓање на човекот врз кој се темели македонската борба за државност и самостојност и човекот кој беше главниот организатор на Македонската револуционерна организација. Гоце Делчев е и човекот на кого се повикуваа македонските партизани во Втората светска војна кога го кренаа Народното ослободително востание, затоа што одредот кој го изврши нападот врз бугарскиот полициски участок во Прилеп на 11 октомври 1941 година се викаше токму Гоце Делчев. Можеби затоа и не се појави никој од високото раководство на СДСМ, од каде наместо некој од петте потпретседатели, заменикот претседател Шекеринска, а ниту генералниот секретар Николовски, испратија претседателка на општинска организација Карпош. Тотално игнорирање на ликот и делото на Делчев, како да станува збор за некоја неважна личност од историјата, а не најголемата. Личноста на која се темели македонскиот идентитет и македонската држава. Тука со право се поставува прашањето, дали власта се откажа од Делчев и спорот со Бугарија е причината поради која не оддадоа соодветна почит кон него? Знаеме кое е барањето на Бугарија, да се признае дека Гоце Делчев и целиот илинденски период и припаѓаат на Бугарија, но не само тоа, туку се до 1944 година, што значи и откажување од Народното ослободително востание кое се повика на него. Се уште никој не знае што содржи фамозниот акционен план кој владата се обврза да го соопшти. Го кријат како најголема тајна, а не нешто што е од суштинско значење за државата и за кое јавноста има право да знае. Дали можеби првата точка за исполнување е токму Гоце Делчев и затоа го кријат, а и затоа повеќе не го почитуваат неговото лик и дело? Тоа се логични прашања кои власта мора да ги одговори, затоа што тоа прашање значи македонски идентитет кој не смееме да го загубиме.

Заев треба да се извини за лудостa што ниеден политичар никаде и никогаш не ja направил

Магдалена Андонова — Sun, 06 Dec 2020 14:58:04 +0000

Премиерот Зоран Заев вели дека жали што историчарите немале храброст за исчекор во историската комисија, по неуспехот за изнаоѓање на решенија на последната средба на Македонско- Бугарската комисија. Но, Заев не треба да жали што историчарите немаат храброст, Заев треба да се извини за сопствената лудост, за сопствената понизност, за она што ниеден политичар никогаш и никаде не помислил дапреговара. За идентитетот. Заев може да жали единствено за крајот на сопствената политичка кариера. Во стилот на Горан Стефановски од Диво месо македонскиот народ солзи нема да го исплаче колку што е тој за жалење, за се она што и го прави на Македонија. „А ти ако сакаш да разградуваш, марш надвор и не враќај се! Изрод еден! Сè на своја рака... со првиот ветер како муви без глава... мислите сè што лета се јаде. Европа ве бара! Ѝ се прди на Европа за вас! Не знаете да се чувате... живеете на вересија.... ќе загинете по некои дупки... ќе ве изедат пајажини... Името ќе ви се затре, коренот ќе ви се запусти, трага нема да остане од вас! Солзи немам да ве исплачам колку сте за тажење“ -Димитрија, „Диво Месо“, Горан Стефановски „Бугарија не е фашистичка земја, таа е наш пријател“, порача премиерот Зоран Заев во интервјуто за бугарската БГНЕС, во која одговара на повеќе прашања поврзани со актуелните историски спорови, заедничкото минато, но и европската иднина на двете земји. „Ние, двете земји, мора да бидеме доволно паметни да ја искористиме оваа заедничка историја за да изградиме мостови на пријателство. Затоа велиме дека Гоце Делчев е револуционер и за Бугарите и за Македонците, кој се борел за слободата на Македонија, за Одринско и за сите. И ова е апсолутна реалност“, вели Заев. Ќе се менуваат и македонските учебници. „Бугарските колеги се обидуваат да го наметнат бугарскиот етнонационален и исклучив наратив како единствен кој треба да се изучува во учебниците во Македонија. Поголем дел од бугарскиот тим во Комисијата нема чувство дека станува збор за образовен систем на друга држава и дека не може една држава да ѝ диктира на друга држава што ќе се изучува во училиштата во Македонија“, велат од македонскиот тим.

Заев: Се преговара за придавката „македонски“ – Да нема македонска историја, туку историја на Северна Македонија

Магдалена Андонова — Sat, 05 Dec 2020 10:11:55 +0000

Премиерот Зоран Заев во своето гостување за Радио 77 призна дека со Бугарија се преговара за придавката македонски и дека бугарската страна инсистира таа да не се користи како во примерот, македонска историја, туку дека секаде треба да пишува историја на Република Северна Македонија. - Во меѓународна комуникација не може да се каже македонската Влада, туку може да се каже Владата на Северна Македонија. Употребата на македонското, македонската, Mакедонецот, македонските или слично не е спорно, но проблем е и кога зборувате за македонските учебници, зборувате за македонската историја, кога зборувате за Македонски Брод. Значи они инсистираат да стои историјата на Република Северна Македонија и секаде да стои така, рече Заев. Заев додаде дека таквата употреба кај нас политички веќе е решена и дека историчарите од бугарската страна треба да ги добијат насоките од нашето Министерство за надворешни работи.

Македонската жица изгубена, црвените линии се кинат: Како Заев се откажува од македонските историја и јазик?

Ивана Ефремовски — Sun, 29 Nov 2020 11:13:07 +0000

Македонската жица ја искина, црвените линии ги избриша, од премиер стана трговец. Трговец со сé што е македонско, со сé што е најголемо богатство на македонскиот народ. „Како Господ Ве молам…НЕ ГИБАЈТЕ МИ ЈА ЖИЦАТА МАКЕДОНСКА ОТИ ИЗГУБЕН ВО ВРЕМЕТО, БИ ГО БАРАЛ СЕМЕТО ОДЕЈЌИ ПО ЖИЦA“. Се сеќавате на оваа негова изјава која ќе ја помниме како една од најголемите лаги и манипулации од негова страна? Очигледно откако Заев го смени уставното име на Република Македонија, сам си ја скина жицата и сега тој е изгубен во времето и го бара семето одејќи по жица. Го правеше народот слеп и глув додека се пазареше со македонското уставно име. Го промени без око да му трепне. Сега Заев има доблест, замислете, да го убедува македонскиот народ дека не тргува со македонскиот јазик и со македонската историја. Дома насмеан, умерен во изјавите криејќи ја вистината за тоа што става на маса кога се пазари во Бугарија. Во бугарско интервју-разобличен. Без трошка срам плука по македонската историја и прави “пиши-бриши“ како ќе му текне, како да ја наследил од своите предци и како да е само негова. Гневот кај народот се разбуди. Последното негово интервју за БГНЕС беше голем удар за македонските граѓани. Само еден во низата удари зададени од овој политичар. Ја “сподели“ со Бугарија и македонската историја и македонскиот јазик. -Ние немаме споделена историја, ние немаме вкрстена историја, ние имаме заедничка историја. И таа е заедничка. И од таа историја, од неа се создале и македонскиот јазик и бугарскиот јазик. И Бугарија тоа го признава. Прашањето е како да бидеме мудри да ги решиме низ историските комисии, ама и ние политичарите да помогнеме тие историски заеднички моменти, да ги цитирам онака како што ги испишала историјата и да ги искористиме да ни бидат нишка за поврзување, вели Заев. Се откажа и од Гоце Делчев, па го прогласи за револуционер кој се борел и за Бугарија. На прашањето дека македонската држава е подготвена да ги отвори тие страници и народот во Македонија да разбере што се случувало, Заев со одговор: -Ние веќе, мислам дека има преку 20-тина табли во државата сменето каде што стои „бугарски фашистички окупатор“. Тоа не е така! Бугарија не е фашизам. Бугарија е нашиот пријател. Имало некогаш, некоја администрација, во тој момент на почетокот. После тоа Бугарија се крева заедно со антифашизмот, се бори за слободата, за демократијата и апсолутно е дел од антифашистичкиот фронт. Бугарски и македонски војски ослободуваат територии, еве знаеме, Крива Паланка, Куманово целиот регион, Скопје и во целиот овој дел, вели Зае во бугарското интервју. И на сето ова, Заев убедува дека уште течат преговори и дека надеж има. Па со што уште ќе се пазари премиерот кој се откажува од се македонско, да им се додоворува на “добрите соседи“, како и што го крстија договорот?!