македонска кадетска ракометна репрезентација – Kurir.mk

Кадетите поразени од Данска на СП

Бошко Тасиќ — Tue, 08 Aug 2023 04:10:20 +0000

Данската ракометна репрезентација како апсолутни фаворити ја победи напата селекција и запишаа победа од 37:30. Македонските ракометари не потфрлија во офанзивен план и успеаја да постигнат дури 30 гола, но сепак немаа решение за супер-брзата игра на Данците, стил кој е препознатлив за скандинавците. Данска уште во раната фаза јасно стави до знаење дека планира да ја оправда фаворитската улога и на полувреме замина со 18:12, предност која успеа да ја чува во вторите 30 минути и покрај тоа што Македонија во неколку наврати дојде до минус три. На крајот, конечниот резултат гласи 37:30, па сега македонските кадети се насочат кон следниот ривал и борбата за третото место во групата, селекцијата на Австрија.

Познати се противниците на кадетите во главната фаза од СП

Бошко Тасиќ — Mon, 07 Aug 2023 04:06:00 +0000

Македонските кадетски репрезентативци се враќаат на обврските на Светското првенство во Хрватска. Момците на Раде Стојановиќ не пренесуваат ниту еден бод во главната групна фаза, а ќе играат со две силни европски селекции. Главна групна фаза: 7 август - 17:30 - Македонија - Данска 8 август - 17-30 - Македонија - Австрија Најдобрите две селекции од оваа новоформирана група (Македонија, Норвешка, Австрија и Данска) ќе се пласираат во елиминационата фаза.

На крајот четврти на „Шпаркасе“ турнирот во Германија

Бошко Тасиќ — Fri, 30 Dec 2022 21:00:15 +0000

Македонската кадетска ракометна репрезентација заврши како четврта на „Шпаркасе“ турнирот во Германија. Дуелот за третото место нашите млади репрезенетативци го загубија против Египет со конечни 25:21, додека пак првото место го освои домаќинот Германија. „Панцирите“ во финалето беа подобри од Исланд со 28:26. Во нашиот табор Калајџиоски со пет гола беше најјефикасен, додека Белистојановски додаде гол помалку.

Кадетите ќе играат на силен меѓународен ракометен турнир во Германија

Бошко Тасиќ — Tue, 27 Dec 2022 06:01:41 +0000

Машката кадетска репрезентација на Македонија заминува за Германија, каде што ќе биде дел од силниот турнир „Шпаркасе Куп“. За Германија патуваат 16 ракометари, но Македонија нема да биде во најсилниот состав. Од 23 ракометари на кои првично се сметаше, најпрво отпадна десното крило Александар Петковски, кој е на подготовките со сениорите за Светското првенство. Поради повреда отпаднаа од комбинација Самоил Ристевски, Тодор Узунчев, Михаил Тотиќ и Кристијан Стаменковиќ, а нема да патуваат ниту Андреј Глигоров и Јован Даневски. Тоа значи дека повеќе шанса ќе добијат левиот бек Стефан Милков од Тиквеш, потоа Дамјан Митев од Мулти Есенс, кој игра одлично во Првата лига, потоа Петар Стојановски од Голден Арт 2. Македонија на 27 декември игра со Австрија, на 28 декември ќе се соочи со Германија и Холандија, додека на 29 декември ќе има уште два меча за пласман со ривали од другата група во која се Исланд, Египет, Швајцарија и домаќинот – клубот Сарланд. Состав на Македонија: Брестовац, Галевски, Митев, Субашевски, Стојановски П. Стојановски М., Стојановски А., Николоски, Милков, Шулески, Калајџиески, Димковски, Узунчев Д., Белистојаноски, Карасманакис, Михајловиќ.