македонска кошаркарска федерација – Kurir.mk

Прволигашите ќе бараат пет странци, на потег е Федерацијата

Бошко Тасиќ — Fri, 09 Jun 2023 06:09:27 +0000

Како една од точките на состанокот меѓу челниците на КФСМ и Здружението на прволигаши кој се очекува да се одржи идната недела, треба да биде и точката во врска со бројот на странски кошаркари во тимовите. Претставниците на прволигашите веќе одржаа интерен состанок и дојдоа до заеднички заклучок дека е потребно зголемување на квотата, како во ростерот, така и на теренот. До оваа сезона, максималниот број странски кошаркари во составот беше четири со тоа што во основниот дел од сезоната, во исто време на терен можеа да биде само тројца, а во плејоф сите четворица. Прволигашите се на став дека оваа бројка треба да се зголеми со пет странци во ростерот и максимум на терен до четворица. Предлогот ќе биде доставен до челниците на Федерацијата, а потоа Управниот одбор, евентуално да го одобри.

Македонија доби тешка група за кадетското ЕП во Скопје

Бошко Тасиќ — Wed, 15 Feb 2023 05:58:42 +0000

Кошаркарската федерација на Македонија ќе биде домаќин на Европското првенство во кадетска категорија од А-дивизијата во месец август. Во пресрет на турнирот, ФИБА ги извлече групите за натпреварувањето. Македонија немаше среќа во извлекувањето, бидејќи налета на актуелниот европски првак Литванија,Франција и Белгија.

Групи за Европското првенство до 16 години:

Група А: Словенија, Италија, Турција Црна Гора Група Б: Франција, Литванија, Македонија, Белгија Група Ц: Шпанија, Израел ,Германија Финска Група Д: Србија, Грција, Летонија Полска Натпреварите ќе се играат во Скопје во терминот од петти до 13 август.

Македонија домаќин на шампионатот на најдобрите европски средношколци

Бошко Тасиќ — Wed, 15 Feb 2023 05:54:54 +0000

Кошаркарската Федерација на Македонија и нашиот главен град ќе биде домаќин на уште еден голем настан во почетокот на летниот период од оваа календарска 2023 година. Во периодот од 5 јуни до 11 јуни, во Скопје ќе се одржи Европско кошаркарско првенство за кошаркари од средни училишта. Нашиот главен град ќе биде домаќин на нешто помалку од илјада кошаркари од средните училишта во Европа кои ќе се надигруваат за престижниот трофеј што ќе го додели претседателот на Европската федерација за училишен спорт, Жељко Танасковиќ. Поранешниот српски одбојкар и претседателот на КФСМ, Перо Антиќ ја потврдија соработката по низа работни состаноци одржани викендот што измина.

Изборот на најдобрите во мак-кошарката ќе се случи на 26 декември

Бошко Тасиќ — Fri, 16 Dec 2022 06:12:34 +0000

Македонската кошаркарска федерација ќе ги додели наградите за најдобрите во мак-кошарката непосредно пред крајот на тековната година. Свечената церамонија ќе се случи на 26 декември во хотелот „Double Tree by Hilton“ во Скопје, со почеток во 19:30 часот. Ќе бидат поделени признанија во 18 категории и тоа: -најдобар кошаркар -најдобра кошаркарка -најдобар млад кошаркар -најдобра млада кошаркарка -најдобра машка екипа (сениори) -најдобра женска екипа (сениорки) -најдобра машка екипа (младински лиги) -најдобра женска екипа (младински лиги) -најдобар тренер на машка екипа (сениори) -најдобар тренер на женска екипа (сениорки) -најдобар тренер на машка екипа (младински лиги) -најдобар тренер на женска екипа (младински лиги) -најдобар играч во 3x3 -најдобра екипа во 3x3 -најдобар кошаркарски судија -најдобар македонски тренер во странство -најдобар македонски играч во странство -најдобра младинска репрезентативна селекција

Македонската репрезентација напредуваше четири позиции на ФИБА ранг-листата за кошаркарки до 20 години

Бошко Тасиќ — Thu, 15 Dec 2022 06:16:55 +0000

Светската кошаркарска федерација – ФИБА ги сумираше резултатите во младинските категории. Први на „дневен ред“ беа натпреварувањата во женскиот сегмент. А по „пресекот“ направен по завршувањето на јуниорското Светско првенство, нашите женски селекции се најдоа на 37 позиција во оној европски ранкинг-систем кој се применува од оваа календарска година. За резултатите остварени во текот на 2022 година, Македонија во овој момент има 123.8 бодови, што е напредување за четири позиции во однос на последното рангирање, објави КФСМ.

Работнички го совлада МЗТ 2, Ангели го добија ФМП Академија

Бошко Тасиќ — Sat, 16 Apr 2022 18:24:15 +0000

Работнички со голем пресврт во завршницата успеа да слави со 72-73 на гостувањето против МЗТ Скопје 2 на стартот од плејаут натпреварувањето, триумф со кој „центарци“ им се реваншираа на „младите штркчиња“ за поразот во регуларниот дел од сезоната. МЗТ 2 има за што да жали ако се знае дека овој тим имаше целосна контрола над резултатот во второто полувреме. Домаќините поведоа со 72-67 на три и пол минути до крајот, но потоа не постигнаа ниту еден единствен поен до финишот на средбата, а Работнички со тројката на Балмазовиќ на седум секунди до крајот стигна до победата. Младите аеродромци имаа и последен напад, Лука Петровски тргна на влез и бараше прекршок, судиите покажаа играта да продолжи, за минимална победа на Работнички. Балмазовиќ со 28 и Какруки со 19 поени беа најдобри поединци во таборот на „центарци“, додека Петровски со 16 поени и седум скокови беше најзабележителен во таборот на МЗТ Скопје 2. КК Ангели славеше со убедливи 72-60 над Академија ФМП во битката на двата прволигаши од скопската населба Кисела Вода. Заминувањата на неколку првотимци од ФМП се почувствува во играта на овој тим, а Ангели знаеше како да го искористи тоа и да стигне до триумф. Каралиќ оствари дабл-дабл од 14 поени и 10 скокови за победничкиот тим, додека Славчо Темелковски дебитираше со 13 поени за Ангели, и тоа против својот довчерашен клуб. Во редовите на ФМП најефикасни беа Бакоч со 16 и Тодоровски со 14 поени.

Работнички ги преживеа Ангели, ТФТ убедливо во Куманово

Бошко Тасиќ — Sat, 16 Oct 2021 20:33:48 +0000

КК Ангели имаа одлични 15 минути под „Кале“ во Скопје, но не го задржаа големото водство, односно фаворитот Работнички славеше убедлива победа од 86:69 во третото коло од машкиот кошаркарски шампионат. Кај стрелците во Работнички 21 поен (шест асистенции) имаше Емерсон, додека на спротивната страна Мандерсон реализираше 22 поени (четири скокови). На останатите денешни дуели: МЗТ Скопје Уни Банка – Гостивар 67:92, Кожув – ФМП Академија Навико 69:76 и Куманово – ТФТ 68:85. Како и Работнички, така и ТФТ останува единствениот без пораз досега сезонава, во победата над Куманово најефикасен беше Хортон со 20 поени (10 скокови), а кај поразените истиот учинок го имаше и Глигоријевиќ со еден скок помалку. Во некомплетната рунда моментно на табелата водат ТФТ и Работнички со по шест бодови, Гостивар има пет, по четири Пелистер, МЗТ Скопје Уни Банка, ФМП Академија Навико и Куманово, по три МЗТ Скопје Аеродром, Феникс 2010, Еуро Никел, Кожув и Ангели.

Кошаркаркарската Федерација организатор на две европски првенства

Бошко Тасиќ — Sat, 02 Oct 2021 15:26:00 +0000

На седницата на генералното Собрание, кое се одржува денеска во Сараево, а на кое присуствуваат претседателот Перо Антиќ, и генералниот секретар на нашата федерација, Владимир Георгиевски, ФИБА одлучи да ја додели организацијата на КФСМ на уште две европски младински натпреварувања во наредната календарска година. По едно во машка, односно во женска конкуренција…Европското првенство од Дивизијата „А“ за кошаркари „Под 16“ години, кое е предвидено да се одржи во периодот од 12. до 20. август 2022 година. Кадетите се единствена младинска категорија во која македонската репрезентација е во „А“ дивизијата, откако се пласира на тоа натпреварување во 2018 година, на шампионатот во Сараево, а следната година го одбрани своето место со освојувањето на деветтата позиција во Удине.

КФСМ уште во 2020 година требаше да биде домаќин на овој шампионат. Тогаш не се одржа поради пандемијата од коронавирусот, а годинава затоа што Европската кошаркарска федерација одлучи, место турнири, да се играат незадолжителни „Челенџер“ турнири.

Освен кадетското ЕП во машка, КФСМ ја доби и организацијата на Европското првенство Б-дивизија во женска конкуренција, з акошаркарки „Под 20“ години, што треба да се одржи од 9. до 17. јули 2022 година.

МКФ со поддршка за барањето на МЗТ за намалување на бројот на странците

Дарко Андоновски — Fri, 20 Apr 2018 11:07:51 +0000

Македонската кошаркарска федерација изрази целосна поддршка за барањето на кошаркарскиот клуб МЗТ Скопје Аеродром за промена на член од Регистрацискиот правилник во кој се пропишува бројот на странци во тимовите. Од МКФ воедно ги охрабруваат сите клубови да застанат зад иницијативата на актуелниот шампион. Инаку членот 32.5 (5) од правилникот гласи дека клуб од машката прва лига има право на пријавување и настап најмногу шест странски играчи во составот на еден натпревар, но на терен во игра, да нема помалку од два домашни играчи. - Тригодишните заложби на актуелното раководство на Македонската кошаркарска федерација за унапредување на квалитетот на младинските категории и заздравување на развојот на нашата иднина ја увиде и еден од водечките клубови во македонската кошаркарска историја и се надеваме дека низ конструктивни и заеднички разговори помеѓу сите инволвирани фактори ќе дојдеме до квалитетно и брзо решение за поставување на квалитетна основа за успешност на идните генерации, се вели во соопштението на Федерацијата. Македонската кошаркарска федерација најавува дека ќе ја започне постапката согласно актите на федерацијата за промена на бараниот член во Регистрацискиот правилник.