македонска младинска репрезентација – Kurir.mk

Македонската репрезентација ги доби ривалите за место во Елитна фаза за ЕП за фудбалери до 19 години

Дарко Андоновски — Tue, 03 Dec 2019 12:17:03 +0000

Македонската фудбалска репрезентација до 19 години ќе игра во групата 5 со Чешка, Данска и Албанија во квалификациите за пласман во Елитна фаза за Европско првенство. Квалификацискиот турнир ќе се игра во Чешка од 7 до 10 октомври 2020 година. Селекторот Шкумбин Арслани смета дека неговите избраници имаат реални шанси да обезбедат место на едно од првите две места во групата. – Групата во која се наоѓаме не е најтешка, но ниту наивна. Противниците се доста сериозни и навистина треба добро да се подготвиме доколку сакаме да минеме во Елитна фаза квалификации. Имаме доста време за анализа и подготовка, а за мене е значајно ние да бидеме максимално подготвени и во полн состав. Данска е фаворит, Чешка игра на домашен терен, но за нас тоа не менува премногу. Ќе ја бараме својата шанса, а целта е да бидеме меѓу двете најдобри репрезентации кои ќе обезбедат место во следната фаза за Европско првенство, изјави Шкумбин Арслани за веб-страницата на ФФМ.

Неизвесен натпреварот на младата репрезентација со Фарски острови

Дарко Андоновски — Mon, 18 Nov 2019 20:03:39 +0000

Утре во 10 часот ќе се знае дали македонскиот национален тим за фудбалери до 21 година, ќе игра со Фарски острови. Проблем е замрзнатиот терен. Судиите и делегатот во 10 часот ќе извршат инспекција на теренот, и потоа на официјален состанок ќе информираат дали има услови да се игра мечот на младите селекции, или ќе мора да биде одложен. Македонските таленти имаа тренинг кој траеше 40-тина минути, и тоа на мал дел од теренот, кој бил најмалку замрзнат. Доколку состојбата не се подобри, големи се шансите да не се игра овој дуел од квалификациите за ЕП. И домашната селекција ја информираше УЕФА за состојбата во Торшавн.

Младинците одиграа 1:1 против Казахстан

Дарко Андоновски — Tue, 15 Oct 2019 15:31:38 +0000

Македонската репрезентација за фудбалери до 21 година, одигра 1:1 против Казахстан во натпревар од квалификациите за Европското првенсто 2021 година. Избраниците на селекторот Благоја Милевски по првото полувреме имаа водство, откако Милан Ристовски „украде“ топка и во соло-акција од контранапад погоди за 1:0. Во вториот дел, гостите од Казахстан се спасуваа во неколку ситуации и не примија втор гол, а во 75-та минута го израмнија резултатот. Сега „црвено-жолтите“ имаат седум бода од три натпревари, и го држат првото место. Во ноември, македонската селекција во дербито треба да гостува кај фаворитот Шпанија, а потоа ќе има нова пресметка и со аутсајдерот Фарски Острови.