македонска репрезентација – Kurir.mk

Македонската репрезентација во традиционално карате освои вкупно 30 медали 14 златни, 10 сребрени и 6 бронзени медали

Тале Кристо — Mon, 27 Feb 2023 07:02:27 +0000

Македонската репрезентација во традиционално карате на меѓународниот карате турнир во Крушевац, Србија, кој се одржа на 26 февруари 2023 година освои вкупно 30 медали 14 златни, 10 сребрени и 6 бронзени медали. Камелија Недев беше најуспешна со освоени 4 златни медали во кати, енбу, ката тим и џиу кумите тим и една бронзена во џиу кумите во категорија деца 10 години. Мила Младеновска во јуниорска конкуренција освои 3 златни медали во кого-кумите, фукуго и ката тим. Филип Недев освои 2 златни, 2 сребрени и една бронзена, Софија Јарчевска освои 2 златни и 3 бронзени медали, Матеј Мангаровски освои 3 златни и една бронзена и Георги Кокорманов освои 2 златни, 2 сребрени и 1 бронзена. Исто така и останатите македонски натпреварувачи беа доста успешни, Мариастела Топалоска, Марта Димковска, Изабела Пренковска, Максим Поп Трпев, Срна Вапски, Ива Спасеновска, Марија и Ана Ѓуриќ и Марко Илиевски освоија повеќе медали во поединечна и екипна конкуренција. На меѓународниот турнир во Крушевац учествуваа над 600 напреварувачи од 5 држави.

Македонската репрезентација во традиционално карате освои вкупно 54 медали на ИТКФ Светскиот шампионат

Тале Кристо — Tue, 15 Nov 2022 07:14:40 +0000

Македонската репрезентација во традиционално освои вкупно 54 медали – 19 златни, 14 сребрени и 21 бронзени медали на 21. ИТКФ светскиот шампионат за ветерани, сениори, младинци, јуниори и кадети како и на 1. ИТКФ Светски куп за деца „Хидетака Нишијама“ кој се одржа на викендот во Скопје. Златни медали освоија: Аљоша Недев – 1 место во фукуго и кати за сениори – (светски шампион) Јадранка Недев – 1 место во кати за сениорки – (светски шампион) Мила Саздова – 1 место во ката, кого кумите и фукуго за младинки – (светски шампион) Мила Младеновска – 1 место во ката и кого-кумите за кадетки – (светски шампион) Мила Саздова и Димитри Влахо – 1 место во енбу м/м за младинци- (светски шампион) Берта Милевска и Бојан Богдановиќ- 1 место во енбу м/м за сениори – (светски шампион) Марта Димковска – 1 место во кихон за деца 12-13г. Тиме Крстев – 1 место во кихон ипон за деца 6-7 г. Филип Недев – 1 место во ката и кихон ипон за деца 8-9 г. Лука Крстевски – 1 место во кихон за деца 8-9 г. Ива Димковска – 1 место во џиу ипон кумите за деца 10-11г. Бране Клепов – 1 место во кихин за деца 10-11г. Филип Пасков – 1 место во ката и кихон за деца 12-13 г. Сребрени медали освоија: Аљоша Недев – 2 место во кого кумите за сениори Берта Милевска – 2 место во кого-кумите сениорки Ристо Сакалиев – 2 место во ката за ветерани Антонија Белазелкоска – 2 место во ката младинки Димитри Влахо – 2 место во фукуго и кого-кумите за јуниори| Мила Младеновска – 2 место во фукуго кадетки Мила Младеновска и Димитри Влахо – 2 место во енбу м/ж за јуниори Марта Димковска – 2 место во кати и џиу ипон кумуте за деца 12-13г. Мариастела Топаловска – 2 место во кихон за деца 10-11г. 2 место во ката тим деца 8-9г. (Филип Недев, Лука Крстевски и Дамјан Трајковски) 2 место ката тим деца 6-8г. (Срна Вапски, Ива Спасеновска, Ана Ѓуриќ) Војдан Паламидовски – 2 место во ката за деца 6-7г. Бронзени медали освоија: Јадранка Недева – 3 место во фукуго сениорки Антонија Белазелкоска – 3 место во фукуго за младинки Јана Милевска – 3 место во фукуго и кого кумите за младинки Ристо Сакалиев – 3 место во кумите за ветерани Кочо Василевски – 3 место во кумите за ветерани Елена Бичева – 3 место во кумите и кого-кумите за сениорки Сашо Спасовски – 3 место во кумите за сениори Наум Јаковлев – 3 место во кумите јуниори Изабела Пренковска – 3 место во ката деца 12-13г. Мариастела Топалоска – 3 место во џиу ипон кумите за деца 12-13г. Бране Клепов – 3 место во џиу ипон кумите за деца 10-11г. Жика Манасов – 3 место во кихон ипон за деца 8-9 г. Георги Кокорманов – 3 место во кихон деца 6-7г. 3 место кумите тим сениорки (Мила Саздова, Берта Милевска, Јана Милевска и Елена Бичева) 3 место кумите тим младинки (Мила Саздова, Антонија Белазелкоска, Јана Милевска) 3 место ката тим деца 6-9г. (Ирина Крстевска, Неда Костадиновска, Софиа Топалоска) 3 место ката тим деца 6-7г. (Георги Кокорманов, Војдан Паламидовски, Максим Поп-Трпев) 3 место џ.ипон кумите тим деца 10-11г. (Камелија Недев, Ива Димковска, Марија Ѓуриќ, Софија Јарчевска) 3 место ката тим деца 10-11г. (Ива Димковска, Марија Ѓуриќ, Софија Јарчевска). ИТКФ светскиот шампионат и куп беше организиран од страна на Македонската традиционална карате федерација. Учествуваа 456 напреварувачи од 44 земји.

Македонската кошаркарска репрезентација 53-та на ФИБА ранг-листата

Тале Кристо — Mon, 26 Sep 2022 13:36:20 +0000

Македонската кошаркарска репрезентација се најде на 53. место во светскиот репрезентативен поредок. По завршувањето на Европскиот шампионат кој од 1. до 18. септември се одржа во четири различни земји, Светската кошаркарска федерација (ФИБА) го направи и најновото рангирање на сениорските национални тимови. – Без особени промени изгледа листата во европската кошаркарска зона. Со вкупно 195.3 освоени поени, Македонија е на 28. место во европската зона, односно едно место подолу во однос на претходното рангирање на ФИБА. Нашите противници во второто претквалификациско коло за Евробаскетот 2025, селекцијата на Данска е на 32.место на листата (179,7 поени), Словачка е 35, а Норвешка на позицијата број 39, објави КФСМ. Во изминатиот период, „црвено-жолтите“ имаа половичен ефект. Два порази во квалификациите за Светскиот Куп (против Шпанија и Украина), додека во текот на август дојдоа и двете победи во вториот круг од претквалификациите за Евробаскетот 2025, против Данска на гостински и Словачка, на домашен терен. Првопласираните три репрезентации на ФИБА-листата се: САД со 760,7 бодови, Шпанија со 758,9 и Австралија со 741,1 поен.

Македонската репрезентација во традиционално карате на европскиот карате куп Унгарија опен во Будимпешта

Магдалена Андонова — Sat, 21 May 2022 07:42:56 +0000

Македонската репрезентација во традиционално карате денеска и утре ќе учествува на европскиот карате куп Унгарија опен во Будимпешта. За македонската репрезентација ќе настапат: Дејан Недев, Камелија Недев, Марта Димковска, Изабела Пренковска, Филип Недев, Ана Шаневска и Максим Поп Трпев. Натпреварите ќе се одржат во дисциплините кати и кумите поединечно и екипно по ЈКА правила. Како што наведуваат од МТКФ, овој натпревар ќе биде тест за македонските каратисти пред официјалниот ИТКФ светски шампионат што ќе се одржи во октомври 2022 година. (МИА)

Македонската футсал репрезентација попладнево во Црна Гора го отвора квалификацискиот турнир

Магдалена Андонова — Tue, 02 Nov 2021 13:13:54 +0000

Македонската футсал репрезентација до 19 години попладнево од 17 часот против Црна Гора го отвора квалификацискиот турнир во Гибралтар за пласман на Европското првенство 2022. Пред избраниците на селекторот Зоран Лекиќ е императивот да не загубат против Црна Гора, која вчера го совлада домаќинот Гибралтар со 6-3 и со евентуална втора победа ќе го завери првото место во групата Б од прелиминарната фаза. Пласман во елитната рунда од евроквалификациите ќе обезбеди само првопласираната репрезентација, која квалификациите ќе ги продолжи во март идната година во група со Холандија, Италија и домаќинот Турција. Европското првенство во футсал до 19 години, второ по ред, ќе се одржи во септември 2022 година во шпанскиот град Хаен. (МИА)

Македонската кошаркарска репрезентација до 18 години ја совлада Грузија

Тале Кристо — Thu, 05 Aug 2021 07:16:45 +0000

Македонската јуниорска кошаркарска репрезентација синоќа ја победи Грузија со 69:66. Ова беше втор натпревар и прв триумф за „црвено-жолтите“ на ФИБА Челенџер турнирот во Скопје. Најефикасни во победничкиот тим беа Митревски и Наков со по 19 поени. Вечер од 21 часот македонските кошаркари се среќаваат со фаворитот Шпанија.

НЕОФИЦИЈАЛНО: МАКЕДОНИЈА ОДИ НА СВЕТСКО ПРВЕНСТВО – Чешка се откажа !

Магдалена Андонова — Tue, 12 Jan 2021 16:46:06 +0000

Иако нема официјална информација, македонската ракометна репрезентација сепак ќе учествува на Светското првенство и тоа на местото на Чешка, пишува Спортмедиа.мк Најновата информација дека оваа селекција нема друг избор, освен да се откаже поради Ковид-проблеми. Македонија во овој случај ќе биде во групата Г заедно со Египет, Шведска и Чиле.

По тројца тренери и ракометари на македонската репрезентација позитивни на коронавирусот

Магдалена Андонова — Mon, 02 Nov 2020 19:20:21 +0000

Во пресрет на квалификациските натпревари за обезбедување пласман на Европското првенство 2022, со репрезентациите на Финска и Швајцарија, согласно протоколот од ЕХФ и протоколот за спроведување на ракометните натпревари, Ракометна федерација на Македонија пред започнување на собирот спроведе тестирање на ракометарите и стручниот штаб на сениорската машка ракометна репрезентација за рана детекција на COVID – 19, при што позитивни тестови имаат тројца од стручниот штаб и тројца играчи, соопшти РФМ. Од тренерите позитивни на корона вирусот се: Александар Царчев – тренер на голмани, Никола Матлиески – помошник тренер и Радослав Стојановиќ – помошник тренер. Од играчите: Марио Танкоски, Мартин Велковски и Мартин Поповски. Контактите се изолирани, а ракометарите и стручниот штаб кои се позитивни немале контакт со останатите тестирани членови на репрезентацијата кои се негативни на повеќе последователни спроведени тестирања. (МИА)

Македонската репрезентација до 21 година одигра нерешено против Израел во квалификациите за ЕП

Магдалена Андонова — Tue, 13 Oct 2020 14:54:29 +0000

Македонската фудбалска репрезентација до 21 година одигра нерешено 1:1 против Израел, попладнево на домашен терен во натпревар од квалификациите за Европското првенство. Јани Атанасов со гол од слободен удар во петтата минута од судиското надополнување ја спаси од пораз македонската репрезентација. Претходно, во 22. минута, гостинската репрезентација дојде во водство преку Шај Елијас. Во 55. минута, Израел не искористи пенал, односно Ристе Јанков извонредно го одбрани ударот од 11. метри на Алмог. Избраниците на селекторот Благоја Милевски по осум натпревари во тековните квалификации остануваат на второто место на табелата со 14 бодови, два повеќе од денешниот противник. Шпанија е лидер со 19 бодови. (МИА)

Македонската фудбалска репрезентација освои бод на гостувањето кај Грузија

Ивана Ефремовски — Tue, 08 Sep 2020 18:26:34 +0000

Македонската фудбалска репрезентација се избори за нерешен резултат на гостински терен против Грузија играјќи нерешено 1:1. Бодот за „црвено-жолтите“ е со голема тежина ако се знае дека последните 30 минути Грузијците имаа фудбалер повеќе поради исклучувањето на Висар Муслиу. На дуелот којшто се играше во рамките на 2. коло Ц-дивизија Група-2 во Лигата на нации, домаќините поведоа од пенал во 13. минута преку Торнике Окриашвили. Конечните 1:1 ги постави Стефан Ристовски по асистенција на Пандев во 33. минута од првото полувреме. По две кола двете репрезентации имаат по четири бода, Ерменија има три, последна на табелата е Естонија без освоен бод. (МИА)