Македонска Таеквондо Федерација – Kurir.mk

ФОТО: Македонската Таеквондо Федерација организира врвна класа тренинг камп во Охрид

Дарко Андоновски — Fri, 31 Jul 2020 19:53:44 +0000

Македонската Таеквондо Федерација под водство на претседателот Д-р Борче Костовски организира десет дневен тренинг камп подготовки ОХРИД 2020 за репрезентативните национални тимови во сите возрасни селекции на кој земаа учество тренерите и најдобрите натпреварувачи(репрезентативци)од клубовите членки на МТФ: ТК Хваранг Фист Охрид, ТК Корио, ТК Бутел, ТК Кобра, ТК Тигри, ТК Борец, ТК Годел, ТК Илинден. МТФ ги покрива сите трошоци на вкупно 30 репрезентативци кои во минатите две натпреварувачки години остварија успешни резултати кои ни даваат за право да потврдиме дека станува збор за квалитеттни репрезентативни тимови кои ветуваат многу. Секако на овој камп беа присутну и нашиот европски шампион Дејан Георгиевски, европскиот медалист Филип Додевски, светскиот медалист Анамарија Георгиевски, сениорските балкански шампиони Коки Георгиевски и Марко Стевиќ, успешните Мила Релиќ, Дамјан Трајковски, Филип Стаменов, Филип Јосифовски, Марко Аврамовски, Фросина Рајковска, Дебора Брњарчевиќ и други. Кампот до сега тече одлично, спортистите се во Охрид од 28ми Јули до 7ми Август. Македонската Таеквондо Федерација подготвува сериозна тренинг програма за идните предизвици во овој олимписки спорт, програмата ѓи опфаќа секако сите старосни категории но е со фокус на сениорскиот тим кој сериозно се бори да донесе олимписки норми за оваа нација, гордоста да имате сериозни олимписки надежи е голема но уште поголема е одговорноста и затоа стручниот тим на МТФ сериозно и напорно како до сега ќе се посвети на врвните таеквондо резултати кои во минатото покажавме дека можеме да ги направиме реалност збогатувајкија македонската спортска ризница со многу важни медали од елитни светски натпревари, но секако нашата цел е да продолжиме до и околу самиот врв на овој олимписки спорт.

Македонската Таеквондо Федерација ги постави целите за идниот период

Катерина Бојаџиева — Thu, 24 Oct 2019 14:23:21 +0000

Македонската Таеквондо Федерација на 22.10.2019 година во просториите на Хотел Парк во Скопје одржа годишно Собрание на кое се донесоа неколку важни одлуки за развој на македонското олимписко таеквондо во следниот период. Најнапред претседателот ма МТФ Д-р Борче Костовски истакна дека патот по кој што се движи федерацијата е целосно исправен за тоа најголем доказ се врвните спортски резултати кои се случуваат веќе неколку години по ред и со тоа апсолутно докажуваме дека ништо не е случајност и затоа слободно можеме да истакнеме дека нашата федерација е пример во нашата држава. Оваа година имаме два медали од Европски Првенства, неколку медали од светски Г1 купови, до крајот на годината имаме шанси за уште врвни резултати. Исто така претседателот на МТФ истакна дека срдечно се заблагодарува на сите институции кои помагаат на МТФ особено ја потенцираше помошта на медиумите кои пред се ги забележуваат сите наши успеси и со тоа масовно се приклучуваат во поддршка на сето она што го правиме за Република Македонија, со тоа конечно олимпискиот спорт Таеквондо почнува да ја добива заслужената популарност. Беа донесени три клучни и врвни цели на МТФ за кои до крајот на годинава треба да се изработи целосна стратегија за исполнување на истите. Се потенцираше веќе постојната стратегија за освојување на норми ОИ Токио 2020, планот се реализира квалитетно до овој момент. Следни цели: Остварување на олимписки норми за ОИ Париз 2024. Остварување на врвни спортски резултати на СП, ЕП, и Г1 турнири. Развој на младинските категории во МТФ. МТФ донесе правилник за бодување за натпреварувачките 2019/2020 година и 2020/2021 година за домашни и меѓународни турнири, за истиот се отвори широка и долга дискусија од сите присутни и на тој начин се изнајде најдоброто решение. МТФ донесе шема со датуми и организатори за турнирски систем и државни првенства за 2020 година, истата ќе биде истакната за скоро. На собранието беше гостин Филип Додевски носител на два европски медали во 2019 година. Македонската Таеквондо Федерација продолжува со интензивна работа и посветеност да цели на врвни спортски постигнувања во нашиот убав олимписки спорт Таеквондо.

Костовски: Олимпиското таеквондо во Македонија продолжува да биде најбрзорастечки спорт согласно врвните резултати кои се остваруваат

Катерина Бојаџиева — Sat, 01 Jun 2019 12:00:00 +0000

Прв Охрид ОПЕН 2019 турнир кој е дел од официјалниот турнирски систем на МТФ. МТФ упати голема благодарност до техничкиот организатор ТК Хваранг Фист од Охрид на чело со тренерот Ацо Јосифовски за беспрекорната организација. На овој турнир учествуваат сите клубови официјални членки на МТФ. Во своето обраќање претседателот на МТФ Д-р Борче Костовски истакна дека олимпиското таеквондо во Македонија продолжува да биде најбрзорастечки спорт согласно динамиката и врвните резултати кои се остваруваат во континуитет.

Единаесет медали за Македонија на првиот ден од Балканското првенство во таеквондо

Катерина Бојаџиева — Sun, 16 Sep 2018 09:18:36 +0000

На првиот ден од Балканското првенство во таеквондо, кое се одржува во Букурешт, Романија, македонските репрезентативци освоија 11 медали - два златни во сениорска конкуренција, два сребрени во јуниорска и пет бронзи, еден сребрен во кадетска и еден бронза во пионерска, соопштија од Македонската Таеквондо Федерација (МТФ). - Ова е досега убедливо најуспешниот ден за македонското таеквондо на едно балканско првенство, тоа е сигурниот показател за големиот брз раст на нашето олимписко таеквондо, соопштија од МТФ. Медали на првиот ден на Балканското првенство освоија: -Златен медал за Марко Стевиќ со три победи втор пат балкански сениорски шампион -Златен медал за Коки Георгиевски со две победи (сениори) -Сребрен медал за Анамарија Георгиевска (сениори) -Сребрен медал за Елена Трајановска (јуниори) -Сребрен медал за Фросина Раевска (кадети) -Бронзен медал за Василија Јовчевски (јуниори) -Бронзен медал Ивона Давиткова (јуниори) -Бронзен медал за Милијана Релиќ (јуниори) -Бронзен медал за Викторија Радомировска (јуниори) -Бронзен медал за Јана Георгиева (кадети) -Бронзен медал за Ангеловски Александар (пионери) -Бронзен медал за Јана Георгиева (кадети).