Македонската фудбалска репрезентација до 17 години – Kurir.mk

У17: Македонските ракометарки поразени во првото коло на Европското првенство

Бошко Тасиќ — Fri, 04 Aug 2023 04:08:48 +0000

Македонската женска репрезентација за ракометарки до 17 години во првото коло на Европското првенство во Црна Гора загуби убедливо со 40:27 од Романија. По првото полувреме романската селекција имаше предност од осум голови разлика (23:15). Најрасположена во нашата репрезентација беше Ива Младеновска која 10 пати се запиша во листата на стрелците. На спротивната страна по шест погодоци имаа Лавиниа Теодора Дамиан и Марија Габриела Тулеа. Во нашата група „Д“ првите бодови ги освои и Франција која со 33:28 ја совлада Унгарија. Нашиот следен противник ќе биде Унгарија в петок (4 август) од 13.30 часот.

Македонската фудбалска репрезентација до 17 години на двомеч со БиХ

Ивана Ефремовски — Wed, 12 Feb 2020 08:51:09 +0000

Македонската репрезентација за фудбалери до 17 години ќе одигра двомеч на гостински терен со соодветната селекцијата на Босна и Херцеговина. Избраниците на селекторот Драган Канатларовски првиот тест со врсниците на БиХ ќе го одиграат денеска, а вториот контролен натпревар е закажен за в петок. Двомеч меѓу двете држави ќе одиграат и репрезентациите У18. Овие средби се закажани за 18 и 20 февруари во Скопје. Овој месец активности ќе има и македонската репрезентација до 19 години. Оваа селекција ќе игра два натпревара со Грузија на 25 и 28 февруари во Скопје. (МИА)