Македонската фудбалска репрезентација – Kurir.mk

Милевски: Украинците се квалитетни, но Македонија покажа дека може да се носи со големите ривали

Бошко Тасиќ — Fri, 13 Oct 2023 13:01:52 +0000

На ден пред дуелот со Украина, селекторот на фудбалската репрезентација на Македонија Благоја Милевски со свое видување за мечот кој што е од квалификациите за пласман на ЕП. „Не е потребно да се трошат зборови за квалитетот на Украина. Има играчи кои играат во топ клубовите. Од друга страна, Македонија многу пати покажа дека може да е конкурентна и со такви ривали. Ме радува нашата форма од септември и се надевам ќе ја задржиме. Утрешниот натпревар ќе биде различен од тој во Скопје. Доаѓаме во фаза двете селекции да се борат за втората позиција и само победа би ни одговарала на двете репрезентации. Очекувам отворен натпревар со допадлив фудбал. Мора да бидеме пофокусирани за време на сите 90 минути, а не само 60-65 како што беше во Скопје. Првиот меч е детално анализиран, воочени се аномалии во текот на целиот дуел и се надевам тие нема да се повторат. Имаме измени во тимовите од јуни, од тој аспект очекуваме да постои разлика од јунскиот дуел. Во составот нема да биде само Зајков кој се повреди. Сите останати се здрави, се надевам така и ќе остане. Украинците во својот ростер има голем број на исклучително квалитетни играчи. Сметам дека нема да се почувстсвуваат одредени отсуства кај нив“. „Без разлика на значението на натпреварот, момците секогаш кога доаѓаат да играат за Македонија, не треба да се поставува прашање колку се мотивирани. Тие со она што го покажуваат на терен, секогаш покажуваат дека се максимално мотивирани. Секој меч за својата држава носи притисок, нормален спортски притисок. Колку што се зголемува притисокот, тоа значи дека играте добро и од вас се очекува повеќе. Важноста на натпреварот е мотив повеќе, покажува дека сме тука некаде за нов успех“, изјави Милевски. Украина и Македонија својот меч ќе го одиграат на „ЕПЕТ Арена“во престолнинната на Чешка, стадион на кој настапува Спарта Прага. Натпреварот е закажан за в сабота во терминот од 15:00 часот. Од Прага за kurir,mk Бошко Тасиќ

Медиумите во Италија: Македонија е нашиот кошмар !!!

Бошко Тасиќ — Sun, 10 Sep 2023 07:38:37 +0000

Италија повторно не одигра на потребното ниво за да ја победи Македонија, полека но сигурно им стануваме сериозен камен на сопнување на Италијаните. „Азурите“ се уште добро го сеќаваат натпреварот од Палермо кога ги шокиравме преку Александар Трајковски во финишот од средбата, со што ги елиминиравме од потенцијална шанса за пласман на СП, а сега и во квалификациите за ЕП им го оспоривме патот кон нови бодови. Медиумите во Италија пишуваат дека Македонија за нив полека станува кошмар и дека по ова реми во Скопје, Европското првенство е под ризик за нив, бидејки тука е и Украина во игра за втората позиција на табелата. Највлијателните италијански спортски медиуми „Газета дело спорт“, „Кориере дело спорт“, „Тутоспорт“… едногласно пренесуваат дека Италија одбележа „Лажен почеток на Лучијано Спалети на клупата на репрезентација“.

„Горчливо деби кое Спалети сигурно не го посакуваше. Но, очигледно е дека Македонија знае како да игра против нашата фудбалска селекција. И да бидеме реални, иако Спалети се жали на тоа, лошиот терен во Скопје не беше виновен за ремито со Македонија, туку лошата игра…. А, Македонија одигра на моменти и за победа, предводена од Енис Барди кое е вистинско богатство за тимот. Колку побрзо си погледнеме во очи и ја погледнеме реалноста без барање изговори, толку побрзо ќе може да решиме некои работи во овие квалификации ако сакаме да одиме на Европско првенство“ пишуваат италијанските медиуми.

Квалификациите се се уште на половина и има време да се поправат, но Италијаните сега се во далеку понеповолна ситуација од пред овој натпревар.

Миовски: Мислам дека го заслуживме овој бод, одиме на победа во Малта

Бошко Тасиќ — Sun, 10 Sep 2023 07:03:14 +0000

Македонските фудбалери не беа воопшто во подредена улога против актуелниот европски првак и сосема заслужено стигнаа до еден бод, а истото мислење го делеше и Бојан Миовски. „Добро го отворивме мечот, до мојата шанса. Се случи да промашам, ама останавме сконцентрирани. Во второто полувреме креиравме повеќе ситуации за гол и ете дојдовме до еден од слободен удар. Сметам дека во второто полувреме ги надигравме, мислам дека го заслуживме овој бод. Одиме во Малта на три бода. Сè освен победа таму би била неуспех, а со неа остануваме во игра за првите две позиции. Чувствував жар во очите на сите, мотивација да докажеме дека вредиме. Во претходните години ги победивме Германија и Италија, а потоа загубивме 7-0 од Англија“, изјави Миовски

Барди: Оваа „банда“ е секогаш подготвена за нешто големо

Бошко Тасиќ — Sun, 10 Sep 2023 06:51:15 +0000

По еден фаул на 20 метри пред нивниот гол, слободниот удар кој Енис Барди го изведе на извонреден начин, заврши во мрежата на голманот Џиџи Донарума, а доби големи овации од трибини. Тој гол како да ја отвори играта и Македонија почна да напаѓа уште повеќе, па до крајот на средбата имаше уште неколку шанси и да поведеме, но на крајот бодовите беа поделени. „Јас и пред натпреварот реков, пваа банда е секогаш подготвена за нешто големо. Не знам, тоа го имаме постојано, го направивме порано, го направивме и сега, ни останува само да веруваме во големи работи. Оваа мала држава има 11 срца на терен и сите мора да веруваме во успех, мора секогаш да бидеме гладни за успех, како вечерва“, порача по натпреварот Енис Барди.

Македонската фудбалска репрезентација ја пречекува Украина

Ивана Ефремовски — Fri, 16 Jun 2023 07:20:52 +0000

Македонската фудбалска репрезентација вечер е домаќин на Украина во квалификациски натпревар за ЕУРО 2024 со Украина. За двете репрезентации ова ќе биде втор натпревар во квалификациите. Во првото коло Македонците беа поуспешни од Малта, додека Украинците загубија од Англија. Капитенот на „црвено-жолтите“ Стефан Ристовски с енадева дека со голема поддршка од навивачите може да се дојде до добар резултат. - Украина е една од селекциите која ја сметаат за „нефаворит“, ама играат одличен фудбал. Со нив игравме на Европското првенство, а покажавме две различни полувремиња. Направивме грешки кои ривалот ги казни. Ако сакаме да се надеваме на резултат на домашен терен, тогаш ќе мора да одиграме максимално и ни треба еден перфектен меч. Во фудбалот сѐ е можно. Ни треба максимален фокус од прва до последна минута. Спремни сме и се надевам со поддршка од навивачите која ќе ни биде ветер во грб ќе дојдеме до позитивен резултат, истакна Ристовски. Натпреварот ќе се игра на Националната арена „Тодор Проески“ во Скопје со почеток во 20:45 часот.

Милевски: За добар резултат против Украина ќе мора да биде на повисоко ниво од нашето

Катерина Бојаџиева — Thu, 15 Jun 2023 10:12:05 +0000

Селекторот на македонската фудбалска репрезентација, Благоја Милевски ги искажа своите очекувања за утрешниот квалификациски натпревар за ЕУРО 2024 со Украина. - Од фудбалерите кои ќе се најдат на терен може да очекуваме да го дадат својот максимум. Кој ќе настапи и колку ќе игра зависи од физичката подготовка на секој поединечно, а за натпреварувачка форма не можеме многу да зборуваме, туку за она кој од нив е близу до натпреварувачки ритам. Она што ме прави задоволен во овој изминат период, од 2 јуни па наваму, мислам дека успеавме да направиме баланс од оние кои завршија подоцна, со оние кои порано завршија со своите шампионати. Има крв и желба кај сите за овој натпревар и тоа ќе ни биде еден од условите за натпреварот со Украина, тоа ќе биде максимална трка и физичка подготвеност. Ќе мора да бидеме на 100%, затоа што Украина е извонредно квалитетна селекција и екипно и индивидуално. Мора да бидеме и на повисоко ниво од нашето, ако сакаме успешен резултат, изјави Милевски. Натпреварот ќе се игра на Националната арена „Тодор Проески“ во Скопје утревечер со почеток во 20:45 часот. зс/

Азербејџан генерална проба за Македонија пред квалификациите за ЕП 2024

Бошко Тасиќ — Sun, 20 Nov 2022 09:13:49 +0000

Противник на македонската фудбалска селекција денеска ќе биде Азербејџан. Шанса да се победи и да се зголеми самодовербата, но и шанса да се прекине лошата серија без победа која трае четири натпревари (Грузија, Бугарија, Саудиска Арабија и Финска). Со нешто изменет тим од последниот меч со Финска, Македонија денеска ќе излезе на мегдан со Азербејџанците. Сигурно ќе ги нема Алиоски и Миовски кои откажаа поради семејни причини и поради болест, а сигурно дека некои од оние кои беа на теренот 90 минути со Финците, ќе го почнат мечот од клупата денеска. Благоја Милевски, селекторот на Македонија, кажа дека и овој тест со Финска, како и оној со Азербејџан, се квалитетни тестови пред стартот на ваклификациите. Мечот Македонија-Азербејџан стартува во 14 часот.

Македонските фудбалери со пораз ги почнаа евро-квалификациите за пласман во елитната фаза

Магдалена Андонова — Thu, 17 Nov 2022 16:44:53 +0000

Македонската фудбалска репрезентација составена од играчи до 19 години денес загуби минимално со 2:1 од соодветната селекција на Србија во рамките на првото коло на мини квалификацискиот турнир (прва рунда) за пласман во елитната фаза квалификации за Европското првенство што ќе се одржи во Малта 2023 година. Двоен стрелец на денешната средба на тренинг центарот „Петар Милошевски” беше напаѓачот Марко Лазетиќ. Напаѓачот на гостинската репрезентацијата во 35. минута од пенал го постигна првиот гол на мечот. Во 80. минута погоди за зголемување на предноста на Србија на 2:0. Единствениот погодок за „црвено-жолтите“ го постигна Зенку во 86. минута од средбата. Избраниците на селекторот Неџат Шабани одиграа добар меч против силниот противник, може да жалат за неколку добри пропуштени прилики. Шабани натпреварот го почна со следните 11: Тасев, Серафимов, Османи, Младеновски, Павлевски, Трајков, Мурати, Елези, Ангелов, Ташов, Чилафи. (МИА)

Македонија во ноември ќе игра со Финска и Азербејџан

Бошко Тасиќ — Tue, 20 Sep 2022 20:40:34 +0000

Фудбалската федерација на Македонија ја потврди и втората ноемвриска контролна пресметка на нашата најдобра селекција. На 20. ноември на Националната арена „Тодор Проески” ќе гостува селекцијата на Азербејџан. Три дена претходно, исто така на нашиот најголем стадион, ќе одиграме пријателски дуел против Финска. М акедонската федерација беше во преговори за контролен натпревар и со селекцијата на Босна и Херцеговина, но со сојузот на оваа држава не дојде до договор. Нашата најдобра селекција со истите противници се соочи на контролни натпревари во турски Белек, во март 2018 година. Против Азербејџан одигравме 1-1, а без голови заврши натпреварот против Финска.

БРАВО МОМЦИ: Македонските фудбалери го совладаа Гибралтар

Ивана Ефремовски — Sun, 05 Jun 2022 18:13:36 +0000

Македонската фудбалска репрезентација вечерва на гостувањето во Гибралтар ја оствари зацртаната цел и со триумф од 2-0 (1-0) ја забележа првата победа во рамки на групата 4 од Ц-дивизијата во Лигата на нации. Избраниците на селекторот Благоја Милевски поведоа во 20. минута со десеттиот репрезентативен гол на Енис Барди, а печат на победата стави Бобан Николов во 84 минута. По воведното реми против Бугарија во Разград и победата над Гибралтар, македонската фудбалска репрезентација ќе го заокружи јунскиот циклус во Лигата на нации со два натпревари на домашен терен. На 9 јуни на Националната арена „Тодор Проески“ во Скопје ќе гостува Грузија, додека идната недела следува реваншот против Гибралтар. (МИА)