Македонската кошаркарска репрезентација – Kurir.mk

Кошаркарите во последниот шешир во жрепката за СП 2023

Бошко Тасиќ — Sat, 28 Aug 2021 15:04:59 +0000

Кошаркарската репрезентација на Македонија е сместена во последниот шешир во пресрет на извлекувањето на квалификациските групи за пласман на СП 2023 година. Жрепката ќе се одржи во вторник на 31. август во седиштето на Светската кошаркарска федерација со почетокот во 12 часот. Македонија пласманот во квалификациите го обезбеди преку претквалификацискиот турнир кој се одржа во Скопје и на кој избраниците на селекторот Драган Бајиќ го освоија првото место во конкуренција на Швајцарија и Словачка. Поради тоа, Македонија заедно со Словачка, Португалија и Шведска се најде во последниот осми шешир.

Македонија со втора победа во претквалификациите за ЕП 2021

Дарко Андоновски — Sun, 16 Sep 2018 18:32:42 +0000

Кошаркарската репрезентација на Македонија оствари победа над Романија со 90:76 (43:35) во второто коло од претквалификациите за ЕП 2021 година. „Жолто-црвените" одиграа добар натпревар во СЦ „Борис Трајковски" и во ниту еден момент не ја доведоа победата во прашање. Најефикасен во нашиот тим беше Војдан Стојановски со 21 поен, исто толку постигна и Бојан Трајковски, а 14 реализираше Американецот Хендрикс. Македонија наредниот натпревар од претквалификациите го игра на 2 декември на домашен терен против Косово.

Давитков: Во Швајцарија да ја продолжиме победничката серија

Даниел Василев — Wed, 27 Jun 2018 09:41:04 +0000

Македонската кошаркарска репрезентација денеска ќе замине за Швајцарија каде ќе го одигра последниот натпревар од групната фаза во првата претквалификациска рунда за Евробаскет 2021. Селекторот Јорданчо Давитков посакува добар настап и задржување на победничкиот ритам. - Победивме три натпревари и изградивме добра атмосфера. Овој меч доаѓа во незгодно време, но изминатите десет дена ги минавме доста добро. Успеавме да го вклопиме и новиот Американец - Шејн Витингтон. Одиме да победиме, но нема да биде лесно. Многумина очекуваат само да се појавиме на паркетот, но ние мораме максимално да се испотиме и да се пласираме понатаму. Сите во Европа играат кошарка и во светот. Нема повеќе мали тимови, изјави Давитков за веб страницата на МКФ. Натпреварот меѓу Швајцарија и Македонија ќе се игра утре (28 јуни) со почеток во 19 часот и 30 минути. МИА