македонската машка ракометна репрезентација – Kurir.mk

Лазаров до среда ќе го скрати списокот за СП во Полска

Бошко Тасиќ — Tue, 10 Jan 2023 05:52:24 +0000

Ракометната репрезентација на Македонија се врати во Скопје од гостувањето во Хрватска. Кире Лазаров сега треба да го скрати списокот на патници за мундијалот во Полска. По втората средба со Израел Лазаров изјави дека е задоволен од прикажаното и залагањето на ракометарите, пред се од ефикасната и брза игра и сега во наредните денови ќе се работи на подобрувањето на играта во одбраната. Да потсетиме во Пореч настапивме без Талески и голманот Никола Митревски ,, играчи од првата постава што дава оптимизам за уште подобри изданија на националниот тим на средбите во Краков. Токму од тие причини селекторот во последен момент ќе одлучи кои играчи нема да патуваат на ракометниот мундијал. „Во Полска патуваме со 18 играчи, но како опција ќе останат сите 21 ракометар, кои ги изработија подготовките. Имам уште неколку дилеми за конечните патници, најдоцна до среда мислам дека ќе донесам одлука“, рече Лазаров. Експедицијата за Краков ќе отпатува на 11 . јануари а првата средба ја играме во петок против Норвешка. Потоа следуваат дуелите со Холандија и Аргентина.

Лазаров по победата: Честитки до момците и стручниот штаб, одиме понатаму

Бошко Тасиќ — Sun, 16 Oct 2022 17:00:48 +0000

Селекторот на македонската машка ракометна репрезнтација Кире Лазаров изрази задоволство по победата над Турција. „Искрено не очекував. Се уште не сум на чисто што можам да очекувам од оваа млад и неискусна Македонија. Дефанзивно отворивме добро на чело со Митревски на голот, потпомогнат од нашата одбрана. Во целост сум задоволен и од мечот со Луксембург и денеска од Турција. Честитки за сите играчи и стручниот штаб, и сите луѓе кои помагаат да изградиме нова сериозна репрезентација

Кире Лазаров го објави поширокиот список за октомвриските натпревари (ФОТО)

Бошко Тасиќ — Fri, 30 Sep 2022 19:46:47 +0000

Селекторот на ракометната репрезентација, Кире Лазаров објави список од 35 имиња кои ќе конкурираат за настап на квалификациските мечеви за Европското првенство 2024 година кои ги играме во октомври. Македонија на 12. октомври ги почнува квалификациите за ЕП 2024, на тој ден играме во Скопје против Луксембург, а на 16 октомври гостуваме кај Турција. Во нашата група е уште и Португалија. Лазаров објави поширок список за овие два меча, на кој за првпат не е тој, но не се и Филип Миркуловски и Стојанче Стоилов.

Ракометарите моќно на МИ, совладана Грција со 18 гола разлика

Бошко Тасиќ — Mon, 27 Jun 2022 21:29:57 +0000

Ракоментата репрезентација на Македонија на одличен начин ги отвори Медитеранските игри кои оваа година се одржуваат во Оран, Алжир откако со убедливи 39:21 ја совлада селекцијата на Грција. Играта на теренот беше одлична, протокот на топка доста брз, а во нападот имавме огромна разновидност, нешто што досега не било видено. Освен тоа, стрелците беа расположени, па ретко кога Македонија ќе промашеше некој удар. Одбраната беше одлична и изгледаше доста воиграно, а фантастични меѓу стативите беа и Кизиќ и Гогов. Најдобар кај стрелците беше Martin Serafimov со седум гола, пред Nenad Kostevski со пет постигнати гола, исто колку што имаше и Петар Атанасијевиќ. Четири пати стрелаше Игор Ѓорѓиев, три гола имаше Иван Џонов , Александар Петровски и Павле Атанасијевиќ дадоа по два, додека Марко Стојковиќ, Кристијан Симоновски и Костадин Петров реализираа по еднаш. Кај Грција, Елефтериос Пагиатис имаше пет гола, пред Армандо Сина со три. Следниот натпревар македонската репрезентација го игра веќе утре со почеток од 18:00 часот, а противник ќе ни биде домашната селекција на Алжир.

Лазаров и Савевски ги одбраа ракометарите и ракометарките што ќе настапат на Медитеранските игри

Бошко Тасиќ — Wed, 22 Jun 2022 05:16:08 +0000

Селекторите на машката и на женската ракометна репрезентација, Кирил Лазаров и Љубомир Савевски ги одбраа 16 ракометари и ракометарки што ќе настапат на Медитеранските игри во Оран, Алжир. Лазаров по селективните тренинзи одлучи во Оран да не ги носи Цветан Кузмановски и Емилијан Ѓорговски од Еурофарм Пелистер 2 и Теодор Тодевски и Иван Галевски од Алкалоид. Македонската репрезентација на Медитеранските игри се наоѓа во група заедно со Шпанија, Турција, Алжир и Грција, а Лазаров ќе настапи само со ракометари што играат во домашното првенство. Голмани: Марко Кизиќ, Васил Гогов Лево крило: Петар Атанасијевиќ Леви бекови: Павле Атанасијевиќ, Михајло Младеновиќ Средни бекови: Игор Ѓоргиев, Иван Џонов, Марко Митев Десни бекови: Томислав Јагуриноски, Михаил Иваноски, Мартин Серафимов Десни крила: Ненад Костески, Александар Петковски Пикери: Костадин Петров, Кристијан Симоноски, Марко Стојковиќ Селекторот на женската репрезентација, Љубомир Савевски исто така го скрати списокот на ракометарки за Оран, а последниот филтер не го минаа Нина Попова, Наталија Максимовска, Сара Богоеска, Анастасија Тодоров, Ива Велкова и Ана Марија Талева. Ракометарките се во група со Турција, Србија и Португалија. Конечен состав : Марија Јовановска, Андреа Седлоска, Сара Стефановска, Сара Миновска, Теодора Дукоска, Емилијана Ризоска, Ангела Јанкуловска, Ива Младеновска, Јована Кипријановска, Ивана Арсениевска, Александра Коловска, Ивана Џатевска, Борјана Коцева, Бојана Коцева, Матеа Чурлиновска, Марија Јанкуловска

Ако ја елиминираме Чешка, ждрепката за СП ќе ја пречекаме од вториот шешир

Бошко Тасиќ — Sat, 16 Apr 2022 04:26:02 +0000

Доколку славиме во Скопје македонската ракометна репрезентација ќе обезбеди виза за Светското првенство, многу веројатно на ждрепката за собирот во Шведска и Полска и ќе се најдеме во вториот шешир. Тоа би значело дека нема да се натпреваруваме во групите Б и Г, каде домаѓини се градовите Катовице и Јончепинг. Шешири за ждрепката: Прв шешир: Данска, Шведска, Норвешка, Франција, Шпанија, Исланд/Австрија, Германија/Фарски Острови, Африка 1 Втор шешир: Хрватска/Финска, Катар, Белгија Португалија/Холандија, Бразил, Црна Гора/Грција, Полска, Македонија/Чешка Трет шешир: Србија/Словенија, Унгарија/Израел, Аргентина, Бахреин, Саудиска Арабија Африка 2, Чиле , Африка 3 Четврти шешир: Уругвај, Африка 4, Африка 5, Иран Јужна Кореја, Северна Америка и Кариби 1, вајлд карта 1, вајлд карта 2 Градови домаќини и селекции од првиот шешир: група А (Краков) – Шпанија група Б (Катовице) – Полска, Франција/Африка 1* група Ц (Гетеборг) – Шведска група Д (Јончепинг) – Исланд* група Е (Катовице) – Германија* група Ф (Краков) – Норвешка група Г (Кристијанштад) – Хрватска*, Франција/Африка 1* група Х (Малме) – Данска Пласман во следната фаза ќе обебзедат најдобрите три селекции од секоја група. Мундијалот во Полска и Шведска се игра од 11 до 29 јануари следната година.

Лазаров: Баражите се секогаш тешки, ама одиме на победа над Романија

Бошко Тасиќ — Wed, 16 Mar 2022 19:19:34 +0000

Селекторот на машката ракометна репрезентација Кирил Лазаров го најави дуелот со Романците, и ги посочи предностите и недостатоците, а повика и на поддршка од публиката. „Што се однесува до бараж натпреварите, не ни е првпат. Јас како играч имам одиграно безброј вакви дуели. Не е иста тежината на бараж натпревар и квалификациски натпревар. Знаеме дека нè очекува и реванш, па мора да размислуваме на сите опции. Романија, иако е прв бараж, е многу сериозен противник кој доби на тежина со доведувањето на Хавиер Пасквал. Го презеде и Динамо Букурешт, има играчи кои ги води во текот на целата година и ги има во системот. Максимално сериозно ќе го сфатиме двомечот, со максимален респект кон Романија како поранешна светска и европска велесила. Тие имаат амбициозен проект со кој сакаат да се вратат на старите патеки. Ние сме во слична ситуација, сметам дека и покрај подмладувањето имаме „стари борци“ и искусни играчи кои знаат како се играат бараж натпреварите. Спортот е непредвидлив, ќе го искористиме периодот да се подготвиме. Мило ми е што по толку време ќе имаме поддршка од навивачите кои се надевам ќе ни бидат „ветар во грб“. Ќе не понесат емоции и адреналин, а така можеме да направиме добар резултат пред реваншот во Букурешт. За мене позитивен резултат ќе значи победа, без оглед на разликата. Треба да го презентираме тоа што го работиме изминатата година. Сепак, што и да се случи, нема да значи дека сме пласирани. За неполни 48 часа играме реванш, а во тоа време треба и да отпатуваме во Романија. Јасно ни е дека во два дена треба да одиграме два екстра-квалитетни натпревари за да ја исполниме целта, пласман во вториот бараж и да играме против Чешка. Иако се зачудив што побараа да се игра реваншот во сабота, наместо во недела, сметав дека ќе имаме ден повеќе за припреми. Кога веќе размислуваме за четврток, мора да ги насочиме мислите и кон саботниот реванш“, изјави Лазаров.

Пасквал го објави тимот за дуелот со Македонија

Бошко Тасиќ — Wed, 02 Mar 2022 17:46:36 +0000

Чави Пасквал, селекторот на машката раометна репрезентација на Романија, ги откри „картите“ за дуелот со Македонија за првиот меч од баражот за пласман на светското првенство во 2023 година. Шпанецот на клупата на Романија објави листа од 22 ракометари. Подготовките на Романија ќе започнат на 11 март, натпреварот меѓу Македонија и Романија се игра на 17 март во Скопје, додека реваншот е во Букурешт на 19 март. Список на Романија: Голман: Александру Букатару (ЧСМ Букурешт), Јонут Јанку (Стеауа) и Дан Василе (Констанца), Пивоти: Адријан Ротару (ЧСМ Букурешт), Калин Деду (Динамо Букурешт) и Габрил Димитриу (Потаиса Турда). Крила: Сабин Константина (Стеауа), Валентин Јонеа, Никусор Негру (Динамо Букурешт) и Роланд Талмајер (Потаиса Турда) Бекови: Кристијан Гита (Потаиса Турда), Андреј Бузле, Калин Кабут (Баја Маре), Едуард Јордаче (Бакау), Роберт Милитару, Дан Ракоцеа, Октавијан Бизау (Динамо Букурешт),Јанус Димитреску (Темишвар), Габриел Бурлаку (Стеауа), Габриел Кумпаник (Васлуи), Александру Шимицу (Сен Рафаел), Демис Григорас (Бенфика)

Познати се термините и сатниците бараж дуелот против Романија

Бошко Тасиќ — Thu, 10 Feb 2022 20:34:52 +0000

Македонската машка ракометна репрезентација, првиот бараж за СП во Шведска и Полска ќе го игра во март, против селекцијата на Романија. Познато е дека воведниот меч ќе се игра во Скопје додека реваншот во Букурешт. Македонија на 17 март ќе биде домаќин во „Борис Трајковски“ а ќе гостува во Романија на 19 март. Победникот од овој бараж двомеч го очекува двомеч со Чешка во вториот бараж, а победникот од тој двојбој ќе се најде на СП следната година.

Лазаров: Ваквите натпреварите носат уште поголема самодоверба

Бошко Тасиќ — Mon, 03 Jan 2022 20:18:39 +0000

Нашата селекција во првиот од двата контролни натпревари успеа да го совлада Израел со 31:28 и да стигне до третиот триумф во низа во овој период пред заминувањето за Унгарија. “Не изненади Израел, играат добар ракомет, но успеавме да ги победиме иако имавме слаби страни. Победата е добредојдена и позитивна, имаме време да ги поправиме недостатоците. Ваквите натпревари носат уште поголема самодоверба. Што се однесува до Жарко Пешевски тој е добар, уште утре треба да се приклучи на тимот. Имаше температура и поради тоа не сакавме да ризикуваме, дури дванаесет ракометари ги фати грип, но наскоро ќе се комплетираме”, истакна селекторот Кире Лазаров. “Имавме слаби и силни страни. Ние тукушто се комплетиравме и добро ни дојде победата. Резултатот е позитивен и имаме време да ги поправиме недостатоците. Се приклучија Миркуловски, Кузмановски и еве Пешевски, па имаме уште седум-осум дена да тренираме комплетни, со што ќе ги поправиме недостатоците. Веќе имам 20 играчи кои ќе бидат во тимот, но треба да имаме повеќе играчи на собирите поради можните проблеми”, заврши предводникот на националниот тим.