Македонски фудбалери – Kurir.mk

Македонските фудбалери очекуваат победа на контролниот натпревар со Ерменија

Катерина Бојаџиева — Mon, 16 Oct 2023 13:29:44 +0000

Најдобрите македонски фудбалери очекуваат победа на утрешниот контролен натпревар против селекцијата на Ерменија, кој се игра утре во Струмица на стадионот „Благој Истатов“. Според селекторот Благоја Милевски, нема повредени и сите фудбалери кои добија покана за овој натпревар конкурираат за настап. - Очекувањата се да провериме сè што имаме на располагање во моментот од фудбалерите. Одигравме еден исцрпувачки натпревар против Украина и според тоа ќе видиме со што и колку располагаме во моментот. Ме радува што немаме повредени, а кој ќе настапи ќе одлучам пред самиот почеток. Овој натпревар е одлична можност со еден извонредно квалитетен противник, кој игра одлични квалификации во моментот, да го провериме потенцијалот на нашите фудбалери, рече Милевски на денешната прес-конференција во Струмица. Според репрезентативецот Елиф Елмас, секогаш кога се настапува за репрезентацијата се игра за победа. - Исто како и на претходниот натпревар ќе излеземе сите заедно сплотени и ќе одиграме добар натпревар и се надевам дека ќе победиме, рече Елмас. Селекторот Милевски додаде дека сите фудбалери што се во ростерот ќе добијат шанса, но кој колкава минутажа ќе добие ќе се знае пред почетокот на средбата. Тој смета дека контролата против Ерменија е во функција на претстојните натпревари од квалификациите против селекциите на Англија и Италија, бидејќи Ерменија е квалитетен противник со добри поединци. Натпреварот се игра утре на Стадионот „Благој Истатов“ во Струмица со почеток во 15 часот.

У21: Македонските фудбалери поразени од Холандија

Ивана Ефремовски — Tue, 12 Sep 2023 15:49:34 +0000

Македонската фудбалска репрезентација до 21 година го претрпе првиот пораз во квалификациите за пласман на Европското првенство 2025, откако попладнево во Скопје загуби од Холандија со 2-0 (0-0). И покрај поразот, избраниците на селекторот Драган Канатларовски одиграа рамноправен натпревар против уште еден фаворит во квалификациската група Ц која ја стартуваа со гостинска победа минатата недела во Шведска (21). Македонските фудбалери попладнево на Комплексот на ФФМ пропуштија неколку идеални шанси за гол пред Холандија да дојде во водство во 68 минута преку Ноа Охио. Четири минути подоцна Кенет Тејлор од пенал го постигна вториот гол за гостите од Холандија. Со три бода од два натпревари македонските фудбалери се второпласирани во групата пред следниот натпревар против Молдавија на гостински терен на 17 ноември. (МИА)

Македонските фудбалери во септември против Бугарија на стартот во Лигата на нации

Тале Кристо — Mon, 15 May 2023 17:19:30 +0000

Новоформираната Лига на нации на УЕФА во женска конкуренција ќе стартува оваа есен, а македонските фудбалерки во воведниот натпревар во рамки на Ц – дивизијата ќе ја пречекаат Бугарија на 22 септември. Избраничките на селекторот Кирил Изов во вториот натпревар ќе го пречекаат Косово на 27 октомври, а реваншот против истиот противник е закажан за 31 октомври. Во последното коло македонската женска фудбалска репрезентација ќе ѝ гостува на Бугарија на 5 декември. Пласман во Б – дивизијата ќе обезбедат првопласираните репрезентации во петте групи, додека второпласираните ќе играат во плејофот за место во повисокиот ранг во Лигата на нации.

У21: Македонските фудбалери ќе тестираат против Србија и Кипар

Тале Кристо — Mon, 07 Nov 2022 17:59:17 +0000

Македонската фудбалска репрезентација до 21 година овој месец ќе одигра два пријателски натпревари во Кипар против домашната и селекцијата на Србија. – После контролните натпревари против Албанија и Саудиска Арабија што се одиграа во Хрватска, не очекуваат нови два меча против квалитетни противници. Тест натпреварите против Кипар и Србија се добра можност да добиеме увид во моменталната форма на повиканите репрезентативци. Се надевам дека ќе го продолжиме трендот на остварување позитивни резултати, а тоа дополнително ќе ја крене нашата самодоверба пред почетокот на квалификациите, изјави селекторот на репрезентацијата до 21 година, Драган Канатларовски. Дуелот против Кипар е закажан за 17 ноември, а пет денови подоцна е контролниот натпревар против Србија. – Речиси нема промени во списокот на повиканите фудбалери во однос на претходните наши натпревари. Се соочуваме со објективни проблеми поврзани со малата клупска минутажа на одредени важни фудбалери во составот, но играњето за репрезентацијата е нешто посебно и се надевам дека истите тие играчи ќе го дадат максимумот и во вистинско светло ќе се покажат на претстојните мечеви. Убеден сум дека имаме квалитет, но мора на секој натпревар да бидеме со правилен пристап, одлучни во целта што сакаме да ја оствариме и се разбира со голема желба за победа, посочи Канатларовски. ег/лв/ 2022-11-07 18:48:11, од Емил Гашевски

Македонските фудбалери заминаа за Тбилиси на дуел со Грузија

Тале Кристо — Wed, 21 Sep 2022 16:27:04 +0000

Македонската фудбалска репрезентација, откако утринава тренираше во Скопје, попладнево со чартер-лет замина за Тбилиси на дуел против Грузија во рамки на Лигата на нации. Македонските фудбалери му гостуваат на лидерот во групата 3 од Ц-Дивизијата во ослабен состав без неколкумина стандардни фудбалери, вклучувајќи ги капитенот Стефан Ристовски, Аријан Адеми и Дарко Чурлинов. Натпреварот во Тбилиси се игра в петок со почеток во 18 часот. Својот настап во Лигата на нации, избраниците на селекторот Благоја Милевски ќе го завршат в понеделник во Скопје против Бугарија. На табелата води Грузија со 10 бодови, пред Македонија (7), Бугарија (3) и Гибралтар (1).

Билет за 600 денари: Навивачка поддршка за македонските фудбалери на гостувањето во Бугарија

Ивана Ефремовски — Thu, 26 May 2022 15:59:32 +0000

По цена од 600 денари навивачите на македонската фудбалска репрезентација до понеделник можат да купат билет за гостувањето на националниот тим во Разград и дуелот против Бугарија во рамки на првото коло од новата сезона во Лигата на нации во Ц – дивизијата Влезниците можат се набават електронски преку официјалниот партнер на ФФМ за продажба на билети, MKTikets. Купените билети навивачите ќе ги добијат во вторник преку карго достава на адресата која ја имаат наведено при електронското купување на билетите. Натпреварот ќе се одигра идниот четврток на стадионот „Хувефарма“, а македонските симпатизери ќе бидат лоцирани во секторот определен за гостински навивачи. -Ги повикуваме сите љубители на фудбалот и поддржувачи на македонската репрезентација со фер и коректно навивање да им помогнат на „Рисовите“ да дојдат до вредни бодови на отворањето на новото издание од Лига на нации, апелираше ФФМ. (МИА)

Македонските фудбалери пристигнаа во Порто

Ивана Ефремовски — Sun, 27 Mar 2022 19:34:12 +0000

Македонските фудбалери пристигнаа во Порто. Тие во вторник ќе играат против репрезентацијата на Португалија. Натпреварот започнува во 20:45 часот. Повеќе фотографии погледнете на ДРИБЛИНГ

ОТКАКО БЕА ПОРАЗЕНИ ОД МАКЕДОНИЈА: Молба од Верати до навивачите да не ги навредуваат италијанските репрезентативци

Ивана Ефремовски — Sat, 26 Mar 2022 20:14:35 +0000

Марко Верати побара од италијанските навивачи да не ги навредуваат играчите на репрезентацијата. Избраниците на Роберто Манчини пред два дена загубија од Македонија со 0:1 во баражот за СП 2022 година. -Кога победувате, лесно е да се заблагодарите на сите. Денеска сакам да го направам ова по поразот кој ни ја одзеде шансата да играме на најсветлиот и најатрактивниот турнир, не само за играчите, туку уште повеќе за навивачите на италијанската репрезентација од целиот свет. Сакам да им се заблагодарам на целиот персонал, на играчите и на сите оние кои работат со ентузијазам и страст за репрезентацијата. За жал, во фудбалот и животот не се остваруваат сите очекувања, цели и соништа. Мислам дека навредите не се најдобриот начин да се справиме со ова, бидејќи секој од нас даде сé од себе, но за жал тоа не беше доволно. Како прво, не ги допирајте младите играчи, ако веќе сакате да не навредите нас, „старите“, но заборавате дека ние сме луѓе како вас, обични луѓе, а можеме да доживееме неверојатни емоции дури и во мали нешта, напиша играчот од средниот ред на репрезентацијата на Италија на Инстаграм. Италија втор пат по ред ќе го пропуштат Светското првенство. (МИА)

Организиран пречек на македонските фудбалери вечерва на плоштад „Македонија“

Тале Кристо — Fri, 25 Mar 2022 13:57:13 +0000

Македонската фудбалска репрезентација со вчерашната победа над актуелниот европски првак Италија испиша историја. Во знак на огромна благодарност за сета радост која ни ја приредија фудбалерите, вечерва во 18:30 часот на плоштадот ,,Македонија" сите граѓани и поддржувачи на македонската фудбалска репрезентација ќе можат да ги поздрават фудбалерите и стручниот штаб. Да им дадеме силна поддршка пред историскиот меч со Португалија за пласман на Светското првенство во Катар, информираат од Град Скопје.

Македонските фудбалери ги стартуваат подготовките за баражот во Палермо

Дарко Андоновски — Mon, 21 Mar 2022 15:08:00 +0000

Во комплетен состав и без дополнителни здравствени проблеми, македонската фудбалска репрезентација денеска во Скопје ќе ги стартува мини – подготовките за претстојниот натпревар против актуелниот европски првак Италија, во рамки на полуфиналниот бараж за пласман на Светското првенство во Катар. Избраниците на селекторот Благоја Милевски попладнево од 17 часот ќе го одржат првиот од планираните неколку тренинзи пред заминувањето за Палермо, каде в четврток од 20:45 часот ќе и гостуваат на Италија на стадионот „Ренцо Барбера“. Милевски за дуелот против Италија повика 27 фудбалери, од кои поради повреда отпадна напаѓачот на турски Гезтепе, Адис Јаховиќ, а на негово место дополнително беше повикан Ердон Даци од белгискиот второлигаш Вестерло.