македонски фудбалерки – Kurir.mk

Македонските фудбалерки против Бугарија и Косово во Лигата на нации

Тале Кристо — Tue, 02 May 2023 13:11:35 +0000

Македонската женска фудбалска репрезентација на извлекување во УЕФА ги дозна противниците во групата за премиерното издание од Лига на Нации во женска конкуренција. Нашите најдобри фудбалерки на ждребот во Нион добија „соседска“ група, односно за првото место во групата ќе се соочиме со селекциите на Бугарија и Косово. Репрезентацијата предводена од селекторот, Кирил Изов е во Ц сегментот во Лига на Нации. Победникот во групата автоматски обезбедува промоција во Б - дивизијата, додека трите најдобри второпласирани селекции ги очекуваат бараж дуели со трите најдобри третопласирани селекции од групите од Б - лигата.

Нова убедлива победа за македонските фудбалерки на квалификацискиот турнир во Скопје

Катерина Бојаџиева — Fri, 07 Apr 2023 13:31:54 +0000

Македонската репрезентација составена од фудбалерки до 19 години забележа нова убедлива победа на квалификацискиот турнир за пласман на Европското првенство што се одржува во Скопје. На тренинг центарот „Петар Милошевски", попладнево во 2. коло беше надиграна селекцијата на Гибралтар и беше издвојувана нова убедлива победа со 3:0. Избраничките на селекторот Астрит Мерко сосема заслужено ја остварија втората победа од два одиграни натпревари на овој квалификациски турнир. Панеска рано во 11. минута го отвори резултатот на денешната средба. Села во 22. минута го зголеми водство на Македонија и ја навести новата победа. Во продолжението од мечот, поточно во 48. минута, Панеска погоди уште еднаш, за убедливи и конечни 3:0. Во претходното коло, „црвено-жолтите“ ја победија Грузија со 4:0. Астрит Мерко на денешниот натпревар против Гибралтар по јубилеен 100-ти пат ја водеше репрезентацијата до 19 години. зс/

Македонските фудбалерки до 17 години ќе одиграат два контролни натпревари со Црна Гора

Ивана Ефремовски — Tue, 21 Feb 2023 10:27:25 +0000

Македонската женска репрезентација составена од фудбалерки до 17 години, денес и в четврток ќе одигра два контролни натпревари против соодветната селекција на Црна Гора. Контролните дуели ќе бидат одиграни на тренинг центарот „Петар Милошевски", во Скопје. Селекторот Катерина Милеска за дуелите со Црногорките ги повика следните фудбалерки: голмани: Мери Васева, Ведрана Комненова; одбрана: Мила Панева, Слаѓана Ѓорѓиева, Катерина Петкова, Ива Јовановска, Михаела Марковска, Кристина Крстева, Елена Љондевска; среден ред: Васка Василева, Никица Трендова, Теона Галабовска, Ангела Димчова, Рона Рустеми, Ева Величковска, Ангела Димчова, Рона Рустеми, Ева Величковска, Ана Боризоска; напад: Меланија Грозданова, Анастасиа Илиевска, Јована Павловска, Емили Митковска, Настасја Накова, Мелиса Димитриоска, Хана Бафтиари. (МИА)

У17: Голем успех на македонските фудбалерки со пласман во А лигата

Ивана Ефремовски — Fri, 21 Oct 2022 13:29:06 +0000

Македонската женска фудбалска репрезентација до 17 години денеска обезбеди промоција во А дивизијата на УЕФА и продолжување на квалификациите за пласман на Европското првенство 2023. Македонската репрезентација попладнево на квалификацискиот турнир во Албанија ја забележа и втората победа совладувајќи го Косово со 2-1 и на коло пред крајот го обезбеди првото место во групата 2 од Б лигата. Со тоа избраничките на селекторот Катерина Милеска изборија промоција во А лигата и на пролет ќе ги играат завршните квалификации за пласман на ЕП чиј домаќин во мај идната година ќе биде Естонија. Жрепката за квалификациските групи во А лигата е закажана за 7 декември. На денешниот дуел во Рогожине, Косово поведе во 7 минута преку Паци, но Митковска со два кола (35, 45+1), донесе резултатски пресврт и голема победа со која Македонија го обезбеди првото место во групата пред завршниот дуел против Молдавија в понеделник. (МИА)

Македонските фудбалерки со победа го почнаа квалификацискиот турнир во Драч

Дарко Андоновски — Wed, 19 Oct 2022 14:39:00 +0000

Македонската женска фудбалска репрезентација до 17 години славеше убедлива победа од 5:2 против селекцијата на Албанија на стартот од квалификацискиот турнир што се одржува во Драч. Младите македонски фудбалерки поведоа во 13. минута со погодокот што го постигна Митковска. Домаќинот на турнирот успеа во 33. минута да го израмни резултат преку Метоха. Минута подоцна Аго постигнува гол за комплетен пресврт и предност на Албанија од 2:1. Ѓорѓиева во последната минута од првиот дел успеа да погоди за израмнување. Избраничките на Катерина Милеска одиграа феноменално второ полувреме, во кое успеаја да постигнат три гола и да комплетираат убедлив триумф над незгодната селекција на Албанија. Во 52. минута Павловска погоди за предност на Македонија. Истиот играч во 72. минута се запиша повторно во лисата на стрелци. Во 87. минута Василева ги постави конечните 5:2. Во второто коло од квалификацискиот турнир „црвено-жолтите“ ќе се соочат со Косово.

У17: Македонските фудбалерки со победа ги почнаа евроквалификациите

Ивана Ефремовски — Tue, 18 Oct 2022 16:03:49 +0000

Македонската женска фудбалска репрезентација до 17 попладнево во Елбасан забележа убедлив триумф над домаќинот Албанија со 5-2 (2-2) во воведното коло од квалификациите во рамките на Лигата Б за пласман на Европско првенство 2023 година што ќе се одржи во Естонија. Избраничките на селекторот Катерина Милеска поведоа во 13 минута со голот на Ива Јованоска, по што домаќинките за две минути направија резултатски пресврт преку Ера Метохоџа (33 ) и Клеста Аго (34), но во судиското продолжение на првиот дел израмни Слаѓана Ѓорѓиева. Во продолжението македонските фудбалерки дојдоа до заслужена победа преку двојниот стрелец Јана Павловска (52,72) и Васка Василева (87). Македонија во второто коло во рамки на групата 2 ја очекува дуел против Косово, в петок, додека квалификацискиот турнир во Албанија ќе го заокружи против Молдавија на 24 октомври. (МИА)

У19: Македонските фудбалерки со победа ги почнаа евроквалификациите

Ивана Ефремовски — Tue, 04 Oct 2022 16:09:09 +0000

Македонската женска фудбалска репрезентација до 19 години забележа попладнево триумф од 1-0 (0-0) против домаќинот Грузија, на стартот од квалификациите за пласман на Европско првенство 2023 година. Во воведниот натпревар од квалификацискиот турнир во групата 6 од Б лигата во грузискиот град Рустеви, избраничките на селекторот Астрит Мерко дојдоа до важна победа со голот на Симона Ребека Меијер во 64 минута. Во последното, второ, коло противник на македонските фудбалерки, в петок, ќе биде Белорусија, а конечниот пласман на табелата во квалификациската група 6 ќе биде познат в понеделник по дуелот меѓу Грузија и Белорусија. (МИА)

У19: Македонските фудбалерки се подготвуваат за новиот евроквалификациски циклус

Тале Кристо — Thu, 29 Sep 2022 14:17:27 +0000

Македонската женска фудбалска репрезентација до 19 години ги почна подготовките за претстојниот квалификацискиот турнир во Грузија за пласман на Европско првенство 2023 година. Избраничките на селекторот Астрит Мерко од 4 до 10 октомври во Тбилиси ќе играат во групата 6 од Б лигата во рамки на првата рунда квалификации. За натпреварите против домаќинот Грузија (4. октомври) и Белорусија (7. октомври), селекторот Мерко повика 20 фудбалерки: Голмани: Берна Кабачки (Бергх, Холандија), Кристина Павловска (Истатов); Одбрана: Симона Ребека Маијер (Истатов), Ефимија Цунева (Тиверија), Едина Сулејмани (Ас Јунајтед), Матеа Блажевска (Скопје), Миа Головска (Скопје), Сара Ефтинџиоска (Деспина), Дајана Ристовска (Каменица Саса); Среден ред: Ера Стеблева (Ас Јунајтед), Радица Велкова (Тиверија), Сара Мена (Ас Јунајтед), Кристина Мојсоска (Ас Јунајтед), Михаела Настоска (Деспина); Напад: Јехона Велиу (Ас Јунајтед), Лора Сулејмани (ГПСО 92), Веса Села (Ас Јунајтед), Билјана Панеска (Тиверија), Ајна Исејни (Цирих Фрауен, Швајцарија), Еда Далипи (Ас Јунајтед).

Македонските фудбалерки подобри од Летонија

Тале Кристо — Thu, 01 Sep 2022 17:07:11 +0000

Македонската женска фудбалска репрезентација ја забележа втората победа во Мундијалските квалификации. Попладнево во Скопје совладана е Летонија со 3:2. Ова беше натпревар од 9. коло од Д-групата. Стрелци на головите за македонската репрезентација беа Наташа Андонова во 13. минута и 17. минута од пенал, и Гентјана Рочи во 72. минута. Гостинките погодија преку Анастасија Рочане во 5. и Олга Шевцова во 79. минута. Македонките по девет натпревари во Д-групата имаат шест бода и се претпоследни (5.место), последни се Литванките со три бода. Лидер на табелата е Англија со осум победи од осум натпревари.

Македонските фудбалерки до 17 години убедливо поразени од Шкотска

Ивана Ефремовски — Tue, 08 Mar 2022 14:06:20 +0000

Македонската женска фудбалска репрезентација до 17 години претрпе висок пораз денес од Шкотска на квалификацискиот турнир за Европско првенство (Б лига) во Албанија. Шкотланѓанките славеа победа со 9:0 (полувреме 4:0). Турнирот стартуваше денес и ќе се игра до 14. Март. Во групата 3 се наоѓаат и Азербејџан и домаќинот на турнирот, Албанија. Следните средби „црвено-жолтите“ ќе ги имаат на 11 март против селекцијата на Азербејџан и на 14 март со Албанија. (МИА)