македонски манифест – Kurir.mk

Македонски манифест за Агатангел и Дурловски: ЖИВЕЕМЕ ВО СТАЛИНИСТИЧКА ЕПОХА НА ВЛАДАТА НА ЗАЕВ!

Љупчо Цветаноски — Sun, 07 Jun 2020 08:33:17 +0000

Против Митрополит Повардарски Агатангел, на знак на градоначалникот на Велес Аце Коцевски (некогашен оптимистички демократ) е покренато барање до јавното обвинителство за казна на митрополитот што ги повикува верниците на забраната на владата да ги посетат храмовите на Духовден да влезат и да се помолат за своите починати во црквата. За оној одметник од Алах и Христос кој се закануваше дека Македонија ќе ја претвори во Бангладеш како да не е доволна терористичката 2001, ништо. Тоа значи дека во оваа држава не е добро да си Македонец туку некој друг рамковен. Потоа, вториот случај кој ја дијагностицира нашата ситуација на геноцидната власт над Македонците на Зоран Заев. Случајот од пред неколку дена со познатиот македонски оперски пеач Игор Дурловски кој го обвини обвинителката Русковска, а го судеше судиката Добрила Кацарска за тероризам со државен правен тероризам по теркот на Заев за кој еден ден тие ќе бидат судени. Имено Игор Дурловски додека возеше беше проследуван од советникот на Заев со име и презиме Филип Андонов - Глушецот, со извинување на глувците, наречен Сокол заради што изумреа соколите. Имено тој Сокол-Глушец го следеше на неколку семафори Дурловски и го навредуваше заради неговата љубов кон родот во кој се родил. Македонски манифест најостро реагира на тие два случаја кои не се инцидентни туку се планирани. Оној мотив на „допрен глас“ со кој се товари родољубивиот Агатангел и оној по улиците додека се возел Дурловски е типичен сталинистички метод кој го воведе и до перфекција го усоврши Сталин од Муртино со неговиот надворешен министер како Берија Димитров. За жал тој сталинизам кој е помоќен од хитлеровиот фашизам (оти Хитлер си го сакаше народот за разлика од нашите фашисти) го подржуваат лажните политбирократи од Брисел и Вашингтон. Толку, колку да знаат Македонците за што станува збор. Оти нека им е арам ако и сега го изберат за водач Сталин од Муртино. МАКЕДОНСКИ МАНИФЕСТ

Македонски манифест: Јавно обраќање до македонскиот народ по повод полициската репресија на Владата на Заев во Волино

Предраг Кукиќ — Sun, 15 Sep 2019 12:51:04 +0000

Демонстрација на идентификацискиот фашизам Македонски манифест најенергично ја осудува полициската репресија на владата на Заев врз жителите на Волино, кои решија да бидат отпор на идентитетскиот геноцид над Македонците, подготвен од цивилизациската перверзија на Брисел и домашните квислинзи. Тие, храбри и доблесни Македонци, решија да се спротивстават на бришењето на еден од архетипите на македонската исконска меморија-Сонцето од Кутлеш, кое им се подарува беневолентно на грчките хиени, иако тие тој симбол никогаш не го поседувале и за свој знак го имале бувот, симболот на ноќта, а кај Македонците вестител на смртта и тагата. Тоа може да се провери и кај Грејвс, еден од најголемите зналци на античката, таканаречена грчка митологија, и кај старогрчкиот комедиограф Аристофан, кај мајсторот на античката трагедија Есхил, па и кај многу речници на симболи на Западната цивилизација, која сега преку нејзините сезнајни жални политичари сака таа вистина да ја замачка и скрие. Арно ама архетипските симболи се отпорни на таквиот вид на перверзно замачкување, како што се прави сега тоа и со Шеснаестозрачното Сонце од Кутлеш, исконски македонски симбол, затоа што Македонците, имено, како што вели и апостол Павле во своите Посланија до Солуњаните и Филипјаните се “синови на светлината“, кандила што горат во “расипаниот свет“. А Грците со нивниот архетип, симболот на бувот се синови на ноќта, на ноќното сонце што се покажа како несреќа за Македонците. Македонски манифест ги поздравува жителите на Волино и ги охрабрува во нивниот отпор кон идентитетскиот геноцид што го спроведуваат врз Македонците Брисел и Вашингтон заедно со квислиншката влада на Заев. Тоа е почеток на семакедонскиот отпор кон тој страшен идентитетски геноцид над цел еден древен народ со милениумски континуитет на постоење за што сведочи и Библијата, најважниот не само религиозен туку и антрополошки и културолошки документ на Западната цивилизација. Браво Волинци, така се чува самопочитта и брани идентитетот и по катастрофата врз него. Таа катастрофа е резултат на повампирениот еврофашизам, на кој му се приклучува и грчкиот кој заедно со бомбардерите полни со смрт на Черчил 1948 фашистички ги чистеше Македонците од родните огништа и гробовите на предците и прапретците. Е, тој геноциден фашизам над Македонците сега е повторно присутен од страна на вавилонската ороспија Европа и Грција, како и на другите околни балкански хиени, кои таа ги користи за конечна смрт на Македонија и Македонците. За жал, пак, во тој геноциден проект за ништење на македонскиот генерички идентитет Брисел и Вашингтон сега ја искористи максимално и македонската влада на Заев, инсталирана за таа мрачна цел од нив. Волинци храбро се спротивставија на тоа, иако перверзната влада на Заев го маскира во своја полза инцидентот, и Македонски манифест уште еднаш ги поздравува за тој доблесен чин, повикувајќи ги сите доблесни Македонци да застанат во општ отпор против идентитетскиот геноцид и фашизам против нив на Брисел, Вашингтон, Грција и квислиншката фашизоидна влада на Зоран Заев, Шеќеринска и Димитров. Тоа. Македонски манифест наскоро ќе го посети со древниот македонски симбол, Шеснаестозрачното сонце од Кутлеш, поточно од срцето на античка Македонија, Волино и неговите доблесни Македонци како алка за врзување на големиот синџир на македонскиот отпор против евро и амеро, но и против домашниот идентитетски фашизам што го промовира владата на Зоран Заев. Интегрално соопштение на Македонски Манифест

Јавно обраќање на Македонски манифест по повод возобнувањето на споменикот на бугарскиот полковник

Предраг Кукиќ — Tue, 06 Aug 2019 06:43:07 +0000

Јавно обраќање на Македонски манифест по повод возобнувањето на споменикот на бугарскиот полковник што е и повод за нови барања на учесниците во војните за распарчување на Македонија. Во продолжение интегрално Ви го пренесуваме соопштението на Македонски манифест: СРАМЕН И ПОНИЖУВАЧКИ ЧИН Поклонувањето на премиерот на Република Македонија пред споменикот на бугарскиот полковник во Дојран го отвора прашањето за барања за возобнување на обележја на настани од војните и на другите учесници кои ја распарчувале Македонија. Дали овој настан легализира вакви барања за поставување обележја и на другите учесници во Балканските војни? И, каква е смислата на поставување паметници во случајов на личност значајна само за Бугарија, личност која нема никакво место во македонската меморија. Често нашите актуелни званичници се повикуваат на договорот за добрососедски односи со Бугарија. Актуелна е и работата на комисиите за чествување на личности од заедничката историја. Но, во случајов е сосема јасно дека бугарскиот полковник не е позитивен пример за заедничко чествување. Се возобновува споменик на бугарскиот полковник, а преку ноќ се руши споменикот на револуционерот Андон Лазов-Ќосето. Преку ноќ и без објаснување го снемува споменикот на Борис Сарафов од пред Министерството за надворешни работи во Скопје. Споменикот на војводата Александар Турунџев е оставен и заборавен во дворот на општината во Битола, меѓу паркираните возила на вработените во општинската администрација, напуштен и заборавен... Кој бил бугарскиот полковник Каварналиев кој загинал 1913 година во Стар Дојран? Учесник во српско-бугарската војнаво 1885 година. Во Втората балканска војна е командант на третата бригада од бугарската балканска дивизија. На 16 јуни 1913 година започна Втората балканска војна. Завршила со потпишување на Букурешкиот договор (10 август 1913) со кој Македонија е поделена од соседните држави. И во Првата и во Втората балканска војна беа мобилизирани Македонци и во бугарската и во српската војска. Тие се бореа во туѓи шинели. Во текот на Балканските војни и во Првата светска војна територијата на Македонија беше воено поле на кое се одвиваа воени операции меѓу балканските држави, а подоцна и меѓу големите спротивставени два блока. Завојуваните страни имаа многу жртви кои се погребани на воените гробишта во Македонија. Во Македонија има француски воени гробишта, британски воени гробишта, бугарски воени гробишта, германски воени гробишта, српски воени гробишта... Може да го разбереме тоа. Постоењето на воените гробишта е хуман, човечки и христијански чин. Но, возобновување на спомен обележја како во случајов со паметникот за бугарскиот полковник кој се борел за интересите на Бугарија е бесмислено. Дали и другите делачи на Македонија нема да побараат поставувањеспоменици на нивни херои? На интернет страницата на бугарскиот културен клуб пишува: „генералот Каварналиев загинува во близина на Дојран во 1913 година спасувајќи го бугарското население во југоисточна Македонија од нападот на неколку пати побројните грчки трупи...Во 1916 година (кога регионот е окупиран од Царство Бугарија, н.з.)бугарските војници поставуваат седумметарски споменик на неколку километри од Дојран со натпис „Полковник Каварналиев загина за слобода и татковината, со деветата плевенска девизија“. Споменикот бил тргнат во 1966 година од југословенските комунистички власти во Скопје...“. Односот кон паметниците, спомен обележјата и кон воените гробишта зависел од тоа кој окупатор владеел со Македонија. Биле обновувани и им се оддавало почит на жртвите на оние кои што во тој момент управувале со Македонија. Истовремено противничките обележја биле и уништувани. Дали такво нешто ни се повторува? Деновиве кога премиерот Заев и премиерот Борисов се поклонија на возобновениот паметник во Дојран, ја слушнавме и изјавата на бугарскиот премиер дека комисиитеод двете држави кои имаат директна обврска од Договорот за пријателство, добрососедство и соработка, мора да најдат компромис најдоцна до октомври. Дали тоа не е директен притисокдо комисиите со поставените рокови и со бесмисленото тврдење дека Гоце Делчев е Бугарин. Поклонувањето на премиерот Заев пред споменикот на бугарскиот полковник од периодот на парчењето на Македонија го доживуваме како национално понижување. Сето ова наметнува повеќе прашања: - Дали ќе има заедничко чествување и на гробот на Јане Сандански во Роженскиот манастир? - При ревизија на учебниците по историја во Бугарија дали ќе биде запишано стрелањето на децата во Ваташа 1943 година? - Дали Ваташа е наше заедничко минато? - Дали постои Бугарин кој знае што се случило во Ваташа? - Дали наместо овој паметник треба да се подигне споменик на Георги Димитров? Евидентна е покажаната отвореност на Македонија за дијалог со Бугарија и Грција со потпишувањето на договорот за добрососедство со Софија и со потпишувањето на Преспанскиот договор со Атина. Евидентни се и отстапките што ги направи Македонија. А, во исто време сме сведоци на зачестени навреди кон македонскиот народ и тоа токму од истите наши соседи. Да се потсетиме само на изјавата на вицепремиерот на Бугарија,Каракачанов,од пред некој ден при неговата посета во Скопје, кој македонското малцинство во Бугарија го спореди со Марсовци и Ескими. Во исто време имаме непримерна реакција на грчката јавност со која недамнештиот собир на Македонците од егејскиот дел на Македонија во Овчарани каде што пеењето македонски песни и играњето македонски ора го окарактеризираја како иредентистички провокативен чин.И покрај потпишувањето на споменатите наметнати договори, односот на соседите кон нас не се менува со векови. Можеби е ново само повикувањето на историјата. Дали ваквите однесувања се последица на несиметричните договори за добрососедство? Дали постои заедничка историја на Балканот? Балканските војни создадоа можност националните митови на земјите учесници во војните да создаваат селективно толкување на фактите, со прилагодување на фактите кон сопствените политички и национални потреби. Различната интерпретација на факти се гледа преку документаристиката на земјите на Балканот. На Балканот има едно правило и тоа гласи: На Балканот нема правила! 5 август 2019 година Македонски Манифест

Отворено писмо до премиерот Зоран Заев: Поднесете си неотповиклива оставка, доста ги срамевте и понижувавте Македонците

Дарко Андоновски — Fri, 26 Jul 2019 06:28:21 +0000

Македонскиот манифест упати отворено писмо до премиерот Зоран Заев по повод неговата срамна изјава во Атина кое го пренесуваме во целост: Отворено писмо до Премиерот Зоран Заев (По повод неговата срамна велепредавничка изјава во Атина) Поднесете си неотповиклива оставка, доста ги срамевте и понижувавте Македонците Премиере, во Атина за грчките медиуми изјавивте дека “Македонците краделе светска, балканска и туѓа историја”. Оваа ваша изјава можел од име на Македонците да ја даде само еден помрачен и морално атрофиран ум. Еден бездушник на кој не му е јасно ништо: ни што е тоа Име, ни идентитет, ни меморија, ни народ. Како резултат на тоа Македонците се сега идентитетски убиениот и најпонижен народ на Земјата. Но и покрај тоа гледаме, вие сте горд, иако меѓународната си игра мајтап со вас, играјќи си така мајтап и со македонскиот народ, мерејќи ги Македонците според вашиот ум, интелегенција и етика, а сите тие кај вас се нула според сé она што го правите, масакрирајќи го докрај достоинството и самопочитта кај македонскиот народ, и убивајќи ја докрај неговата трпелива и благородна душа. Душата која многу повеќе ја знаат и спознале странските дипломати во земјата, дури и оние чии држави учествуваа во идентитетскиот геноцид на Македонците, пред сé благодарение на вас, отколку вие што се покажавте како најголем бездушник кон сопствениот народ, кој ве смета и секогаш ќе ве смета за изрод од неговиот род. Но вие за сé ова, премиере, не чувствувате никаков срам, очекувајќи за вашите злодела кон родот уште и Нобелова награда. А не е чудно дури и да ја добиете, бидејќи и шведскиот нобелов комитет одамна е вклучен во валканото оро на политиката, од што се превртува во гробот донаторот на наградата Алфред Нобел, кој се покаја што го измисли динамитот оти виде дека со него повтеа да се служат пред сé злосторниците на човештвото. Вас мува не ве лази, премиере. Напротив, во Атина уште на Грците, “срцем светци, лицем волци” како што вели Прличев, уште гордо, наместо да се скриете во глувчова дупка од срам, им изјавивте дека ќе бидете запаметени по тоа што сте ѝ го смениле името на Македонија со онаа идиотска, како и сите што работеа на тој геноциден проект, придавка Северна со која е активирана повторно по Бастилја морбидната справа за ликвидација на месје Гилотен, темниот архиереј на Француското Просветителство. А поарно ќе беше да речевте дека ќе бидете од Македонците запаметени како најголемиот злосторник во неколку милионската историја на Македонија, оти на никој пред вас не му текнало да направи такво страшно злосторство, со само еден потег идентитетски да ја избрише целокупната историска меморија на еден исконски народ кој дал неброено културно – цивилизациско благо и на Исток и на Запад. Благо кое сега вие најбесрамно тврдите, и тоа кај оние кои него безмилосно го крадат, а им е и подарено, дека ние го крадеме него од нив. Такво незнаење и таква глупост навистина, како што би рекол Крлежа, заслужуваат метафизички ореол. Не знаеме дали сфативте што сакаме да ви кажеме, премиере, оти тоа е дефинирано децидно уште во насловот на ова отворено писмо до вас: поднесете си неотповиклива оставка, доста ги срамевте и понижувавте Македонците! Вие, конечно, не сте за Македонија и Македонците, по идентитетскиот геноцид што го направивте, туку за некоја Северна и некои Северни. Таму ви е местото: не во Македонија и меѓу Македонците, тие што не се и нема никогаш да бидат Северни. Македонски манифест

Промовирана книгата „Македонија искон и вечност“

Предраг Кукиќ — Thu, 23 May 2019 18:51:30 +0000

Синоќа во Музејот на македонската борба Македонски манифест ја одржа промоцијата на книгата од група автори „Македонија искон и вечност“. Промотор на книгата беше уметникот Александар Станковски. На промоцијата во рамки на одбележувањето на 10 годишнината од основањето на Македонски манифест маестро Игор Дурловски ја отпеа химната.

ВО ЖИВО: Прес-конференција на „Македонски манифест“

Дарко Андоновски — Thu, 27 Dec 2018 11:32:27 +0000

„Македонски манифест“ во моментов ја одржуваат својата прес-конференција во врска со актуелните случувања во нашата држава како и промената на името од страна на владата предводена од Зоран Заев. Претходно инаку тие испратија апел до претседателот на Република Македонија и ги повикува граѓаните да го поддржат апелот за преземање на итни чекори пред ООН за одбрана на македонското име.

„Македонски манифест“ со апел до Иванов: Итно започнете правна процедура пред ООН за одбрана на македонското име

Ивона Петрова — Wed, 26 Dec 2018 12:33:25 +0000

„Македонски Манифест“ испрати апел до претседателот на Република Македонија и ги повикува граѓаните да го поддржат апелот за преземање на итни чекори пред ООН за одбрана на македонското име. Поради директна, темелно организирана и сериозна закана од ИДЕНТИТЕТСКИ ГЕНОЦИД на македонскиот народ, како НОВ, до сега невиден изблик на ФАШИЗАМ, спротивно на цивилизациските постулати, како и на меѓународното и националното право, спроведуван од октроираните органи на власта - Владата и Парламентот, со безобѕирно игнорирање на јасно изразената волја на македонските граѓани од 2/3 мнозинство, на сеопштиот Референдум од 30. септември, 2018 година, а официјално потврдена и од надлежен државен орган, Ние, МАКЕДОНЦИТЕ од Републикава и странство, индивидуално, или организирани во различни неформални и формални здруженија, Ви се обраќаме Вам, како на единствена Институција, избрана со најголем број гласови на непосредни избори, која е уставно овластена за претставување на Македонија, а оттука, на волјата на македонските граѓани во огромното мнозинство, ИТНО да започнете официјална, правна процедура пред ООН за одбрана на Името по пат на признавање на Република Македонија под нејзиното ИМЕ, во согласност со принципите на ООН за САМООПРЕДЕЛУВАЊЕ на народите и правото на СЕБЕОДБРАНА, како нивно неприкосновено право, се вели во апелот упатен до претседателот Иванов.

„Македонски манифест“: Ова се македонските велепредавници

Ивана Ефремовски — Wed, 24 Jan 2018 09:09:32 +0000

„Македонски манифест“ испрати јавно обраќање до македонскиот народ по повод изгласувањето на законот за јазиците. Обраќањето е насловено како „ВЕЛЕПРЕДАВНИЦИ“, а КУРИР истото ви го пренесува во целост. Почитувани граѓани на Македонија, драги Македонци по род и граѓани од малцинските заедници кои ја сакате оваа земја, нејзината унитарност и суверинитет, ви се обраќаме загрижени како и вие поради усвојувањето на таканаречениот Закон за јазиците, кој удира како со мегатонски чекан врз суверинитетот на Република Македонија. Имено, тој закон предвидува употреба на албанскиот јазик на сите нивоа во државните институции и администрацијата рамноправно со македонскиот. На тој начин тоа е вовед во федерализација на Македонија и остварување на планот за Голема Албанија со помош на нејзините западни спонзори ЕУ и САД, а можеби нешто и повеќе од тоа. Овој закон е изгласан и покрај тоа што албанскиот јазик во Македонија не е во ништо потценет и онеправдан. Албанците тука ги уживаат правата и над демократските стандарди на било кое малцинство во Европа, но очигледна е нивната агресивна намера, со поткрепа посебно на Американците, на оваа почва да ја востановат нивната сонувана митоманска Илирида и да ги потиснат Македонците што е можно повеќе, одземајќи им го најпрвин правото на државотворен народ на оваа земја и држава за која се положени стотици илјади жртви низ столетијата. Почитувани Македонци, добро знаеме дека овој закон, катастрофален по однос на суверинитетот на Република Македонија, е дел од таканаречената тиранска платформа изготвена од американската ЦИА и донесена тука како кукавичко јајце од нашиот западен сосед. Тука е потребна мала дигресија за да потсетиме дека е тоа уште една неблагодарност на Албанците кон Македонците, кога за време на НАТО-бомбардирањата на Србија 1999-та Македонија прими околу 400 000 косовски бегалци под стреа без да се жали, сочувствувајќи најискрено со нивната болка и трагедија. Да. Затоа шокот кај Македонците беше дотолку поголем кога за тоа гостопримство, за тој бегалски потоп, кој тешко дека може да го издржи и една многу поголема и побогата земја, ни беше вратено две години потоа во 2001 со крвав тероризам. И пак потпомогнат од Американците и Брисел, кои уште терористите ни ги доведоа и во парламентот. Тие и денес ги користат, и којзнае уште колку ќе ги користат нив како алатка за целосно уривање на македонскиот суверинитет и колективен идентитет. Тоа е ситуацијата во која сме турнати, браќа и сестри, која сѐ повеќе се влошува: случајот со катастрофалниот договор за добрососедство со Бугарија, потоа безумниот потег на МПЦ да се егзархира со нивното глупаво писмо до БПЦ од која се бара да им биде црква-мајка, а сега и идиотските преговори за промена на нашето исконско Име. Сѐ тоа како цунами е замислено да се избрише нашиот колективен идентитет на автентичен историски народ, и на тој начин да ни се забрани секаков пристап кон длабокото минато, кон историската меморија. Тоа, пак, значи дека македонскиот културно-цивилизациски имот од античкиот и словенскиот период конечно, со забрана за секаков наш пристап до него, ќе им се раздаден едниот на Грците, а другиот на Бугарите, кои не од вчера го разграбуваат и присвојуваат. Ете, тоа ни го смислиле Брисел и Вашингтон, браќа и сестри, кои извонредно успешно соработуваат на тој план со Тирана, Атина и Софија. Да, но да не ја префрламе целата вина на нив. Соработуваат и тоа најуспешно, во реализацијата на тој пеколен план на обезличување на македонското колективно битие и со нашата петта македонска колона, со нашата нова квислингшка влада, со одродените и безлични на секој план Македонци. Имено, тие и таквите Македонци и го потпишаа катастрофалниот договор со Бугарија, ја подготвија МПЦ за велепредавство, а сега го изгласаа еднодушно и законот за јазиците, продолжувајќи понатаму забрзано со планот за менување на Името. Тоа е тоа, браќа и сестри. Затоа, поаѓајќи од тој страшен факт, Македонски Манифест ви ги претставува во ова обраќање до вас имињата и презимињата на сите Македонци во парламентот кои гласаа за тој деструктивен по македонскиот суверинитет закон како ВЕЛЕПРЕДАВНИЦИ. Запомнете ги нив, бидејќи, историјата ги памети не само храбрите и чесните туку и предавниците и кукавиците. Се разбира, таа листа ќе биде дополнета и со актерите-Македонци во валканата работа со менување на Името. Велиме велепредавниците петоколонаши, бидејќи, се разбира, од познатите причини тука нема место за Албанците. Тие си ја тераат работата за Илирида бескомпромисно агресивно со еден невиден политички, но овреме-навреме и физички тероризам (Диво насеље) итн. Уште нешто, Македонски Манифест ќе предложи иницијатива да се подигне паметник на срамот на сите тие Македонци-велепредавници, како потсетник за новите поколенија што не треба, а што треба во иднина да прават за својот народ и својата татковина. Нека се памети нивното велепредавство за да не се повтори! ВЕЛЕПРЕДАВНИЦИ:

1. Атанасов Петар
2. Симеска – Димоска Анета
3. Богоевски Павле
4. Ацевски Костадин
5. Велковски Диме
6. Атанасов Сашко
7. Тасевска Лидија
8. Георгиева Милева
9. Јовановиќ Мирослав
10. Иванов Панче
11. Ташев Ристе
12. Камбероски Алија
13. Кирацовски Александар
14. Китев Бетијане
15. Богдановски Далибор
16. Костов Сашко
17. Кузмановска Катарина
18. Лазаревска Жаклина
19. Лазарова Мери
20. Локвенец Хари
21. Маноиловски Бранко
22. Корубин Никица
23. Милевски Горан
24. Мираковска Соња
25. Мисовски Горан
26. Митрески Јован
27. Морачанин Маја
28. Мухиќ Ферид
29. Николова Јулијана
30. Рабаџиевска Наумовска Бет
31. Николовски Илија
32. Ибраимовски Самка
33. Костадинов Костадин
34. Прентовиќ Татјана
35. Саздовски Чедомир
36. Смилеска Кети
37. Шуманска Митева Славица
38. Стефоска Ирена
39. Стојчевска Мира
40. Ташевска Ременски Фросина
41. Трпевски Благојче
42. Тунтев Томислав
43. Туфегџик Ивана
44. Шахпаска Јагода
45. Поповска Лилјана
46. Лалчевска Татијана

Македонија веќе да не раѓа такви велепредавници, безрбетници и изроди!, се вели во соопштението од Македонски манифест.