македонски навивачи – Kurir.mk

ЕЧИ МАКЕДОНСКАТА ХИМНА ВО ПОРТО! Владее еуфорична атмосфера кај навивачите: „Ги победивме Германија и Италија, можеме и Португалија да ја згазиме“ (ВИДЕО)

Магдалена Андонова — Tue, 29 Mar 2022 12:53:09 +0000

Македонската фудбалска репрезентација денеска против селекцијата на Португалија со почеток во 20:45 на стадионот „Драгао“ ќе го одигра одлучувачкиот натпревар за пласман на Светско првенство. Стадионот во Порто ќе биде исполнет до последното столче, а поддршка нашите репрезентативци ќе имаат од околу 1.500 навивачи на трибините, кои се веќе пристигнати во португалскиот град. Таму веќе владее вистинска навивачка еуфорија. Македонските навивачи играат и пеат песни македонски, а шалови, дресови и знамиња веќе насекаде низ Порто се веат. За тоа сведочат и видеата кои верните навивачи ги испратија до редакцијата на Курир.

Македонската химна ечи во Порто! pic.twitter.com/X8SrW5rcGi
— Курир (@KurirMK) March 29, 2022

Навивачка еуфорија во Порто пред големиот натпревар на Македонија против Португалија pic.twitter.com/wBRRF9vPUn
— Курир (@KurirMK) March 29, 2022

- Тука атмосферата е неопислива со зборови. Владеат секакви емоции, возбудата е дефинитивно на највисоко ниво. Ние веруваме во нашите херои, веќе нè направија горди, ни го остварија сонот и допрва ќе ни ги остваруваат соништата, затоа сме и дојдени во Порто. Победивме европски прваци како Германија и Италија, па секако дека можеме и една Португалија да ја згазиме. Одиме на Светско, изјави од Порто македонски навивач за Курир. Македонија ги прави последните подготовки за натпреварот против Португалија. Нашите лавови веќе покажаа дека може да направат клучни пресврти во своја користи и да го добијат тоа што го сакаат, а нивните амбиции докажуваат дека не се плашат ни од Португалија! Момци, цела Македонија е со вас! Среќно! М.А.

Се огласи црногорскиот ракометар кој плукна кон македонските навивачи: Заработи и казна од ЕХФ

Тале Кристо — Sun, 16 Jan 2022 18:45:27 +0000

Црногорскиот ракометен репрезентативец, Марко Ласица се извини за потегот по крајот на натпреварот меѓу Македонија и неговата репрезентација. Тој плукна кон македонските навивачи и за овој потег ЕХФ немаше милост и го казни со 5.000 евра. -Сакам да се извинам на целата македонска јавност и да ја објаснам ситуацијата. Целиот натпревар ме гаѓаа со монети и бев плукан, а по мечот еден од таканаречените навивачи по мечот ме плукна кога бев во негова близина и му возвратив. Направив голема грешка и се извинувам. Ја ценам македонската публика, нејзината посветеност кон репрезентацијата и клубовите. Но овие поединци кои се однесуваат недостојно не може да се наречат навивачи. Исто така и Вујовиќ беше погоден со шише од трибините. Меѓутоа и мојата реакција е за секаква осуда и се извинувам уште еднаш за мојот потег, изјави Ласица за црногорските медиуми.

Професор Трајковски: Македонските навивачи кои беа во Романија се ризична група, таму има 22 случаи на индискиот сој

Катерина Бојаџиева — Sun, 20 Jun 2021 16:50:47 +0000

Делта варијантата позната како индиски сој забрзано се шири низ Европа, но и во соседство, па прашање на време е кога покрај двата изолирани случаи, ќе влезе на голема врата во Македонија. Универзитеткиот професорот од Техничкиот факуктет во Битола, кој од почетокот изработува математичко-сатистички анализи, вели дека опасноста е околу нас, со оглед на се поголемата раздвиженост во летниот период, а како ризична група ги посочува македонските навивачите кои отпатуваа во Романија каде се секвенционирани 22 случаи, а ништо помала не е опасноста Делта варијантата или Индискиот сој летово да допатува со дијаспората. -Делата сојот е секвенциониран во Грција со 10 случаи, Бугарија има еден, а за нас особено е значајно во време на Европско првенство со 22 случаи во Романија, пет во Словенија, а во останатите балкански земји нема секвенционирани случани. Но, да не се залажуваме, Србија крена раце од секвенционирање уште од април, така што не знаеме која е вистинската состојба во Србија, вели проф. д-р Дејан Трајковски од Техничкиот факултет во Битола, за „Телма“. Иако летните температури не се поволни, опасноста може да дојде есенва. -Иако моментално временските прилики не годат на преносливоста, но ако еднаш влезе во Македонија тој тука ќе остане до првите есенски денови, а тогаш со зголемување на преносливоста постои гоем ризик од нов бран, со оглед на малата стапка на примени дози и прележаност, се разбира, вели Трајковски. Според Трајковски, иако процесот на примање дози е забавен поради недостиг на дози Македонија се уште има време да спречи есенски бран со кататсрофални последици.

МАКЕДОНСКИТЕ НАВИВАЧИ ГО СЕКНАА ЦЕЛОТО ПИВО ВО БУКУРЕШТ: Еве колку испиле за само четири дена!

Тале Кристо — Sat, 19 Jun 2021 10:01:20 +0000

За времена настапот на македонската фудбалска репрезентација на ЕП во Букуреш, македонските навиваши „срушија“ рекорд. Имено, Македонија од 13-ти до 17-ти јуни во Букурешт за бодреа околу 4.000 навивачи, а како што објавуват тамошните медиуми од нивната посета на метрополата, кафеаните, кафулињата и баровите заработиле околу 450.000 евра. Според пишувањата на медиумите, македонските навивачи испиле помеѓу 70.000 и 75.000 литри пиво, односно во само пет барови, во стариот дел од градот, македонските навивачи испиле три цистерни со пиво. Капацитетот на една цистерна е околу 25.000 литри, а во случајот фановите на македонската репрезентација испиле речиси три цистерни пиво. Инаку, македонската фудбалска репрезентација веќе се префрли во Амстердам каде што вчера го имаше и првиот тренинг, а во понеделник од 18:00 часот ќе го има и последниот натправар од третото коло против Холандија во рамките на групата Ц од ЕП2020.

ШТЕТА: Навивачите на Македонија добија забрана за патување во пресрет на ЕП

Дарко Андоновски — Thu, 10 Jun 2021 07:56:56 +0000

За разлика од Букурешт, македонските навивачи нема да можат да патуваат во Амстердам за да ја бодрат нашата репрезентација, ова го потврди и амбасадата на Холандија во Македонија. Оние кои добија карти за дуелот меѓу Холандија и Македонија нема да можат да ги искористат, нема да можат да патуваат во Амстердам затоа што нашата земја се уште е на листата на држави за кои е забранет влез поради ковид-19. -Во врска со претстојниот фудбалски натпревар помеѓу Македонија и Холандија, ве информираме дека забраната за патување во ЕУ за граѓани од трети држави (вклучувајќи ја и Македонија) е сѐ уште во сила. Може да патувате во Холандија само доколку спаѓате во една од категориите кои се изземени од забраната за патување“, стои во соопштението на холандската амбасада во Македонија. И покрај ова се очекува Македонија да има навивиачи кои ќе ја бодрат во Амстердам, таму ќе можат да одат Македонци кои живеат и работат во ЕУ. Натпреварот меѓу Холандија и Македонија се игра на 21. јуни.

Километрите не се проблем: Македонски навивачи на Црвена Звезда на несекојдневен начин тргнаа на вечерашниот меч во Белград (ФОТО)

Дарко Андоновски — Tue, 01 Oct 2019 08:31:03 +0000

Група на навивачи од Гостивар и Скопје денеска тргнаа кон Белград за да можат вечерва да го проследат фудбалскиот меч помеѓу Црвена Звезда и Олимпијакос. Тие со развеана парола на автопатот Гостивар-Тетово „Гостивар Београд 500 километри нису проблем“ тргнаа кон Белград. Инаку Црвена Звезда денеска е домаќин на Олимпијакос во рамки на 2.коло во Лигата на шампионите, а атмосферата уште вчера ја загреаја двете навивачки групи кои важат за пријателски настроени. Грчките фанови беа пречекани со голем транспарент на автопатот при влезот во главниот град на Србија и тоа испишан на грчки јазик. „Делиите“ и „Гејт 7“ се збратимени и на натпреварот на стадионот „Рајко Митиќ“ ќе навиваат заедно. Пречекот на грчките навивачи направи тотален хаос во сообраќајот на влезот во Белград, бидејќи тука им се приклучија и „делиите“.

#navijači #autoput pic.twitter.com/DLg7CuLfCL
— Vukasin Obradovic (@V_Obradovic) September 30, 2019

ФОТО: Македонските навивачи ја полнат „Олимпик хале“ во Минхен

Ивона Петрова — Sun, 13 Jan 2019 12:37:35 +0000

Македонската ракометна репрезентација за половина час ќе го одигра својот втор натпревар на Светското првенство против Бахреин, а од трибините нема да недостасува поддршка за „жолто-црвените“ поддршка. Околу 500 навивачи во петокот беа присутни во „Олимпик хале“ во Минхен на мечот со Јапонија, а денеска се очекува бројката да биде уште поголема, откако голем број навивачи пристигнаа во германската престолнина да го бодрат македонскиот тим. Со победа денес, Македонија ќе биде на чекор од пласманот во главната групна фаза. МИА