македонски олимписки комитет – Kurir.mk

Олимпискиот Комитет ќе го претстави македонскиот тим кој ќе настапи на ЗОИ Пекинг 2022

Ивона Петрова — Fri, 28 Jan 2022 08:41:24 +0000

Олимпискиот Комитет на Северна Македонија денеска од 12 часот во прес-центарот на Комитетот ќе одржи прес-конференција на која ќе биде претставен македонскиот олимписки тим кој ќе настапи на претстојните Олимписки игри во Пекинг 2022 година. Македонскиот состав на Зимските олимписки игри (ЗОИ) од 4 до 20 февруари во Пекинг ќе го сочинуваат Ана Цветановска, Дардан Дехари и Ставре Јада. Цветановска ќе настапи 5 и 10 февруари, во крос канти во дисциплините 7,5 километри слободно плус 7,5 километри скијатлон, како и 10 километри класично. Јада своите настапи ќе ги има на 8 и 19 февруари, во крос кантри во дисциплините спринт слободно 1,5 километри и 50 километри слободно, додека Дехари ќе настапи во слалом на 13 февруари и во велеслалом на 16 февруари. Македонското знаме на церемонијата на отворање на ЗОИ ќе го носат Цветановска и Дехари. Олимписката делегација ќе замине за Пекинг на 29 јануари, а ќе ја предводи спортскиот директор на МОК Владимир Богоевски.

Даниел Димевски нов претседател на Македонскиот олимписки комитет

Ивона Петрова — Thu, 29 Oct 2020 06:03:53 +0000

Нов претседател на Македонскиот олимписки комитет е Даниел Димевски. Тој на челното место на МОК доаѓа како наследник на Васил Тупурковски кој по 28 години заминува од претседателското место. Ова е одлучено на вечерашното Изборно собрание во хотелот „Александар Палас“ во Скопје кое мина во тензична атмосфера и со предвремено заминување на десетина делегати од федерациите кои беа против изборот на Димевски. Меѓу нив беше и претседателката на Атлетската федерација на Македонија, Александра Војнеска – Зикова која беше вториот кандидат за претседателската функција. Од оние 32 кои останаа во салата, 30 гласаа за поранешниот прв човек на Македонската кошаркарска федерација. Делегатите го избраа Тупурковски за почесен претседател на МОК, додека поранешниот македонски репрезентативец е избран за нов член.

Ристовски: Двајцата кандидати се недостојни да го водат МОК, имаме сериозни докази и за кривично гонење во иднина и за двајцата

Дарко Андоновски — Wed, 28 Oct 2020 19:29:24 +0000

И двајцата кандидати се недостојни и не се она што и треба на Македонија како држава и во спортот во целина. Овие два кандидати едноставно немаат капацитет ниту морален кредибилитет, уште помалку да водат една институција како што е МОК, ова вечерва пред почетокот на изборот за нов претседател на Македонскиот олимписки комитет го истакна ракометарот Борко Ристовски. Тој додава дека на изборот присуствува за од блиску да ги следи сите оние работи што ќе се случуваат и кој делегати ќе гласаат за спортот, а кој за криминалот и за тоа што ќе се случува вечерва таму. -Ние сме против како спортисти пред се на ова одржување на ова собрание и ќе повторам дека на Македонија овие два кандидати не и значат ништо на Македонија, ниту интелектуално, ниту спортски, ниту пак менаџерски не можат да управуваат со оваа најголема спортска институција во Македонија. Според мене ова е нешто зад што треба да застанеме сите, без разлика на политика, во овој извор не смее и не треба да има политика, потенцира Ристовски. Тој апелира до сите да обрнат внимание за начинот на гласање и дека за двајцата кандидати имаат доволно докази за во иднина да бидат кривично гонети.

Националната пливачка федерација ќе поднесе кривични пријави, ако биде спречена да гласа на утрешното Изборно собрани на МОК

Магдалена Андонова — Tue, 27 Oct 2020 13:07:17 +0000

Претседателот на Националната пливачка федерација (НПФ), Александар Филипчев на денешната прес-конференција, апелира, да им биде дозволено со свој претставник да учествуваат на утрешното Изборно собрание на Олимпискиот комитет на Северна Македонија. Филипчев предупреди дека НПФ ќе поднесе кривични пријави во случај да им биде, како што рече, одземено легитимното право на глас. Ги известуваме медиумите и македонскста јавност дека доколку на претстојното Изборно собрание од страна на Олимписки Комитет на Македонија (ОКСМ) не биде дозволено учество на претставник на Националната Пливачака Федерација, туку наместо нас се дозволи учество на таканаречената и правно непостоечка и измислена „Пливачка федерација на Македонија“ (со самонаречен претседател Александар Маленко) кој е нерегистриран субјект во Централниот регистар на Република Македонија, тогаш ќе поднесеме кривични пријави против: Претседателот на МОК Васил Тупурковски, Генералниот секретар на ОКСМ Сашо Поповски, членовите на верификационата Комисија на изборното собрание на ОКСМ , записничарот и оверувачите на записникот од собранието на ОКСМ закажано да се одржи за 28.10.2020 година, изјави Филипчев. Првиот човек на НПФ додаде дека Александар Маленко лажно се претставува како претседател на непостоечката Пливачка федерација на Македонија. Собранието на ОКСМ иако претходно писмено и со приложени дикументи од Централниот регистар се известени од нас дека Пливачка Федерација на Македонија со претседател Александар Маленко не е регистрирана во Централниот Регистар на Република Македонија, дека не постои и дека е измама. На минатото собрание на Олимписки Комитет на Македонија што се одржа на 21.12.2019 година раководството дозволи учество на федерација што нигде не посоти во институциите на државата за што ние против членовите на верифакациона комсија , притив оверувачите на записникот и против лажно претаставнеиот делегат на непостоеечката федерација кој со цвојот потпис го потврдил учетсвото на тоа собрание Владимир Пејковски веке испртивме кривични пријави. Филипчев го повика Јавното обвнителство на Република Македонија да утврди дали Олимписки Комитет на Македонија во изминатите година дена, финансирал проекти и исплаќал средства на „Пливачка Федерација на Македонија“. На прес-конференцијата беа презентирани документи од Централен регистар на Република Македонија каде се гледа дека Александар Маленко кој беше претседател на Пливачката Федерација на Македонија е разрешен и на негово место е избран Александар Филипчев, а на истото собрание Пливачката Федерација на Македонија е преименувана во Национална Пливачка федерација. (MИА)

Зошто Заев го сака МОК – кандидатите без капацитет и со сомнителен багаж

Магдалена Андонова — Sun, 25 Oct 2020 11:57:23 +0000

Изминативе неколку денови пишувавме за потенцијалните кандидати за наследник на познатиот Васил Тупурковски Циле, кој си заминува од позицијата по 28 години предводење на Олимпискиот комитет, пишува порталот Република. Кои се двајцата официјалните кандидати? Даниел Димевски ѝ е добро познат на јавноста. ДКСК водеше постапка за него во времето кога беше советник на Зоран Заев во Владата. Користејќи ја својата моќ во Владата, Димовски за себе си го придоби спортскиот центар Кале. Сето тоа го знаел Зоран Заев, а сепак ја одобрувал таа намера за кршење на законот на неговиот советник, што можеби и го прави соучесник затоа што не го спречил. Александра Војневска Зикова е веќе 3 години претседател на Советот за спорт при Агенцијата за млади и спорт и веќе 1 година е претседател на Атлетската федерација на Македонија. Во периодот од 2017 до 2019 додека е претседател на Советот за спорт при АМС на Атлетската федерација Војнеска ѝ доделила околу 10 милиони денари. За само една година додека има двојна функција сама на себе си префрла двојно повеќе пари, односно околу 20 милиони денари. Каде и како завршиле над 20 милиони денари во оваа кризна ситуација на Корона криза, само Војневска може да соопшти. Кого и да постави Зоран Заев, освен ако не се откаже од намерите и да го одложи гласањето, ќе биде негов личен избор за да може да ги контролира парите во Македонскиот олимписки комитет.

Ристовски: Кога и да дојде ВМРО на власт, спортот вистински ќе биде најважен и ќе се направи една ревизија на сите договори

Магдалена Андонова — Sat, 24 Oct 2020 18:36:18 +0000

Борко Ристовски денеска во своето уклучување во живо во вестите на Алфа ТВ го искажа својот став и мислење околу актуелниот избор на претседател на Македонски олимписки комитет, кој што е вонреден поради заминувањето на актуелниот претседател, Васил Тупурковски во пензија. Како кандидати се пријавени Даниел Димевски и Александра Војнеска Зикова. -Еве и една порака до претседателот сеуште актуелен господинот Васил Тупурковски меѓутоа и до Владата на Република Македонија и до двајцата кандидати па и до сите клубови ако сакате – Кога и да дојде ВМРО на власт, кога и да ја превземеме вистински власт во свои раце, кога вистински спортот ќе биде најважен, и ќе го има приматот во владеењето, ќе постапиме по сите можни основи, ќе направиме буквално една ревизија на сите договори и на тоа како се гласало па и на овој избор за претседател на МОК. Имаме информации дека потпишуваат изјави на нотари со кои што ќе се гарантира гласот за еден или друг кандидат и сето тоа во најмала рака е сомнително, па нека биде ако сакате и Јавното обвинителство нека постапува по допен глас затоа што сигурни сме дека има доволно голем основ за да се потегне постапка да се истражат најмалце сите овие сомнителни работи кои што се случуваат, истакна Ристовски.

Ристовски за изборот на претседател на Македонски олимписки комитет: Борбата е помеѓу две големи зла – Спортот треба да одбере кое е помалото зло

Магдалена Андонова — Sat, 24 Oct 2020 18:26:29 +0000

Во вестите на Алфа денеска во живо се вклучи Борко Ристовски, македонскиот ракометар кој игра за екипата на Рајн-Некар Левен во германската Бундеслига и за ракометната репрезентација Македонија. Тој го истакна неговиот став и мислење околу актуелната тема моментално во споротот, а тоа е изборот за претседател на Македонскиот олимписки комитет помеѓу Александра Војнеска Зикова и Даниел Димевски. -Мислам дека треба да ја извлечеме главната поента на овој конкурс, мислам дека главното не е колку кандидати има, мислам дека главното е квалитетот на кандидатите кој што ќе се пријават на тој конкурс или кој што ќе се избере да бидат дел и кој што ги исполнуваат условите да бидат дел од борбата за едно така престижно, односно најголемата спортска институција во државата, а тоа е Македонскиот олимписки комитет. Од она што можев да го прочитам низ медиумите се работи за многу сомнителен избор и многу сомнително собрание на кое што ќе се бира помеѓу две зла и треба да се избере кое е помалото зло, што за избор како што е Македонскиот олимписки комитет или за позиција како што е Македонскиот олимписки комитет, мислам дека тоа е премалку. Мислам дека и двајцата кандидати се недостојни во најмала рака немаат морален кредибилитет да бидат дел воопшто од овој круг на луѓе кои што треба да учествуваат на овој вонреден избор и конгрес за претседател на МОК и едноставно, најпросто кажано мислам дека тие двајца не се луѓето кои што треба да го претставуваат спортот во Македонија, а уште помалку треба да го предводат Македонскиот олимписки комитет, изјави Ристовски. - За едниот кандидат веќе има антикорупциската комисија поведено постапка за разрешување пред Владата. За другата кандидатка има доста работи кои што се сомнителни затоа што вооедно таа е и претседател на Комисијата при агенцијата за спорт и млади, која што одлучува кој клуб или која федерација колку парични средства ќе земе. Во најмала рака е сомнителна сама на себе, а вооедно таа е и претседател на Атлетската федерација на Македонија, сомнително е сама на себе да си доделува пари уште повеќе затоа што имаме конкретни информации дека во време на најголемата пандемија и кризата корона кога цел спорт беше застанат во Македонија, таа си доделувала огромен број на парични средства на својата федерација што е неморален чин, а да не зборувам и за тоа како тие средства, по кој основ и се слеваат на таа федерација. Како што може да видиме, атлетиката не е некој спорт кој што во Македонија ниту носи некои резултати нити пак ја буди националната свест или носи некои национални радости, така да тие двајца се сомнителни кандидати кои што едноставно не се на нивото на Македонскиот олимписки комитет.