македонски планинари – Kurir.mk

Тројца македонски планинари го искачија врвот Брајтхорн Зермат на швајцарските Алпи

Ивана Ефремовски — Mon, 23 May 2022 16:01:43 +0000

Двајца планинари од Кавадарци и еден од Неготино, денеска го искачија врвот Брајтхорн Зермат на швајцарските Алпи, што се наоѓа на надморска височина од 4.164 метри. Станува збор за кавадарчаните Гоце Попов и Весна Чемерска, членови на планинарското друштво „Орле” и неготинецот Пере Самандов. -Немаше никакви проблеми. Планинаревме пет часа и триесет минути. На врвот беше минус осум степени, времето облачно, изјави Попов за МИА. (МИА)

Хуманитарен потфат на тројца македонски планинари

Ивана Ефремовски — Fri, 05 Jul 2019 13:47:04 +0000

Миленка Шаровиќ, Васко Русевски и Христифор Саракинов ќе искачат вкупно 11.983 метри на Елбрус и Алпите во хуманитарен потфат за поддршка на семејствата кои се соочуваат со ретки болести. Тие објавија јавен повик до поединци и компании да донираат по 2 денари од искачен метар за фонд кој ќе биде наменет за поддршка на семејствата кои се борат со некаков вид на ретка болест. “Врвовите кои секојдневно ги искачуваат овие семејства се неспоредливо потешки од било кој планинарски врв на светот и за тоа симболично со овој наш поход сакаме да го свртиме вниманието кон вистинските херои од нашето соседство и заедно со помошта од компаниите и поединците што ќе се вклучат во оваа акција барем малку им помогнеме” - велат Миленка, Васко и Христофор. Акцијата на тројцата планинари е во координација со Здружението за ретки болести ЖИВОТ СО ПРЕДИЗВИЦИ кои долги години се гласот на семејствата кои се соочени со предизвиците кои ретките болести ги носат. Сите поединци и компании кои ќе се вклучат во акцијата ќе бидат објавени на специјална веб страница, споменати во сите соопштенија за медиуми и нивните логоа ќе се постават на знамето кое ќе се носи и поставува на сите планинарски врвови низ целата тура.

Македонска експедиција го искачи врвот Дамаванд во Иран

Даниел Василев — Wed, 25 Jul 2018 08:25:53 +0000

Четиричлена македонска планинарска експедиција успешно го искачи врвот Дамаванд, кој со 5.671 метар надормска височина е највисокиот врв на Иран и највисок вулкански врв на Евроазискиот континент. Успешното искачување македонската експедиција составена од планинарите Иван Трпков, Александар Ивановски, Пеце Караболов и Боби Цветков го направи вчера на 24 јули. Четворицата планирани се членови на Планинарскиот спортски клуб „Димитар Илиевски Мурато“ од Битола.