Македонски ракометарки – Kurir.mk

ГЛЕДАЈТЕ ВО ЖИВО: Македонските ракометарки на ЕП против Холандија

Дарко Андоновски — Mon, 07 Nov 2022 17:07:46 +0000

Женската ракометна репрезентација на Македонија денеска го игра вториот натпревар на Европското првенство, овојпат против Холандија. Следете го во живо натпреварот кој од 18 часот се игра во СЦ „Борис Трајковски“ ТУКА и ТУКА.

Тесен пораз на македонските ракометарки од Норвешка

Тале Кристо — Thu, 29 Sep 2022 20:01:18 +0000

Македонската женска ракометна репрезентација загуби минимално вечерва во првиот од двата пријателски натпревари закажани во Скопје против Б – селекцијата на Норвешка со 26:27. Натпреварот се одигра зад затворени врати во СЦ „Борис Трајковски“. Вториот натпревар кој ќе биде одигран в сабота со почеток од 16 часот ќе биде отворен за публиката. Македонските ракометарки вечерва заминаа на полувреме со предност од 17:14, но вториот дел донесе резултатски пресврт и триумф на крајот на Норвежанките. Најефикасна во македонските редови беше Леонида Гичевска со шест погодоци.

Ден одмор за македонските ракометарки на Светското кадетско првенство

Тале Кристо — Mon, 01 Aug 2022 08:39:51 +0000

Откако обезбедија пласман меѓу 16. најдобри репрезентации со синоќешниот триумф над Узбекистан, за македонската женска кадетска репрезентација денеска е ден одмор на Светското првенство во Скопје пред решавачкиот натпревар против Иран за првото место во групата Б. Македонските ракометарки во второто коло го совладаа Узбекистан со 39-30, а во вториот натпревар од групата до втората победа дојде и Иран со триумфот над Сенегал од 39-29. Најефикасна во македонскиот состав беше Бојана Коцева со девет голови. Натпреварот против Иран е на програмата утре со почеток во 20:30 часот во СЦ. „Борис Tрајковски“.

Македонските ракометарки по втор пат поразени од Словенија

Ивана Ефремовски — Sun, 06 Mar 2022 19:25:41 +0000

Македонската женска репрезентација вечерва загуби од селекцијата на Словенија со 27:20 во четвртиот свој натпревар од EHF EURO CUP. За „црвено-жолтите“ ова е четврти пораз во групата и втор последователен од словенечката репрезентација. Натпреварот одигран во СЦ „Борис Трајковски“ имаше две различни полувремеиња. Во првите 30 минути, Македонките прикажаа добра игра и до пред паузата имаа 11:11, за на полувреме да се отиде со 13:11 за Словенките. Во вториот дел, гостинките беа многу подобри и заслужено стигнаа до победата. Најефикасна во македонскиот национален тим беше Сара Ристовска со седум голови. Кај Словенките се истакна Ана Грос исто така со седум погодоци. Избраничките на селекторот Љубомир Савевски во април против Норвешка ќе ги одиграат последните два натпревара од Евро Купот. На табелата води Норвешка со 8 бода, Словенија и Црна Гора имаат по 4, Македонија е последна без освоен бод. (МИА)

СЕКОЈ ЌЕ СЕ НАЕЖИ: Македонските хероини со моќно пеење на химната прославија титула! (ВИДЕО)

Тале Кристо — Mon, 16 Aug 2021 18:00:49 +0000

Женската ракометна репрезентација до 17 години оствари голем успех за македонскиот ракомет со победа над Исланд во финалниот натпревар (27-26) го освои ЕХФ Шампионатот во Литванија и воедно обезбеди место на Европското првенство за кадетки. По натпреварот, на церемонијата во Клаипеда, нашите девојки го примија трофејот и моќно ја испеаја македонската химна „Денес над Македонија“, нешто во стил како што италијанските фудбалери ја пееја за време на Европското првенство (ЕП).

Наклон до под од ракометарките за Андовска Зорица, Богојеска Сара, Божиновска Ева, Чурлиновска Матеа, Димитровска Ана Марија, Димова Елена, Дукоска Теодора, Еленин Адела, Ѓеоргиевска Вероника, Голабоска Марија, Јанкуловска Марија, Јовановска Марија, Кирова Ема, Коцева Бојана, Коцева Борјана, Корлевска Сандра, Максимовска Наталија, Маринчов Миа, Маркоска Дона, Младеновска Ива, Нестороска Нена, Переска Тијана, Пешиќ Мила, Пупунчоска Анастасија, Радевска Бојана, Равојска Јана, Ризоска Емилијана, Рујановска Сара, Спасевска Деника, Тошевска Магдалена, Трпеска Анастасија, Велигденова Јана, Велкова Ива и Затуроска Бојана... Стручниот штаб на овој ЕХФ Шампионат го сочинуваа селекторот Савевски Љубомир, тренерот Дамчевска Јулијана, координаторот Бајрамоска Мирјета и физиотерапевтката Андоновска Катерина. За МВП на турнирот беше прогласена 14-годишната Ива Младеновска која настапува за ЖРК Металург, додека од „дрим-тимот“ беа дел голманката Марија Јовановска и десното крило Теодора Дукова.

Македонските ракометарки во првиот дел за извлекувањето на претквалификациските групи за СП 2021

Тале Кристо — Wed, 08 Jul 2020 11:05:43 +0000

Македонската репрезентација е дел од првиот шешир за претстојното извлекување на претквалификациските групи за женското ракометно Светско првенство во Шпанија што ќе се одржи во период од 1 до 19 декември 2021 година. Во првиот шешир се уште и: Австрија, Белорусија, Словачка и Турција. Втор шешир: Украина, Италија, Исланд, Швајцарија и Португалија. Трет шешир: Литванија, Фарски Острови, Косово, Израел и Финска. Четврти шешир: Грција и Луксембург. Извлекувањето на квалификациските групи за СП 2021 е закажано за денес од 15 часот во Виена. Термините на одигрување на натпреварите се од 27 до 29 ноември или од 4 до 6 декември. Ќе се формираат пет групи (две со по четири, три со по три селекции), а прво и второпласираните обезбедуваат место во баражот. (МИА)

Македонските ракометарки на два теста со Италија

Катерина Бојаџиева — Thu, 27 Sep 2018 11:37:53 +0000

По барање на селекторот Симе Симовски, македонската женска ракометна репрезентација првиот контролен натпревар против Италија закажан за попладнево со почеток во 16:30 часот ќе биде од затворен карактер, соопшти РФМ. Вториот контролен натпревар утре со почеток во 16:00 часот е од отворен тип и влезот е слободен. Двете средби ќе се играат во сала „Автокоманда“ во Скопје. Натпреварите се дел од Европската недела на спортот и „BE ACTIVE“ кампањата.