МАКЕДОНСКИОТ РЕПРЕЗЕНТАТИВЕЦ МОРА ДА ЈА НАПУШТИ УКРАИНА – фудбалерот пред само неколку недели потпиша, но МНР апелира да си дојде

Дарко Андоновски — Fri, 11 Feb 2022 19:48:37 +0000

Ѓоко Зајков како што стојат работите ќе мора да ја напушти Ворскла од Украина. Македонскиот репрезентативец потпиша за овој тим пред само неколку недели, а сега изгледа ќе треба да си замине. Имено, Минстерството за надворешни работи на Македонија ги повика сите македонски граѓани кои се во можност во најскоро време да ја напуштат Украина. Причина е ситуацијата помеѓу оваа земја и Русија која е загрижувачка. „Сите државјани на Северна Македонија кои во претстојниот период планирале посета на Украина, да избегнуваат патувања во земјата; дополнително, сите наши државјани кои сега се наоѓаат во Украина, доколку имаат можност, во најскоро време да ја напуштат земјата“, велат од МНР. Така Зајков ако ги почитува препораките ќе треба да бара нова средина.

Француски фудбалски клуб погоден од британскиот сој на коронавирус- за клубот игра и македонскиот репрезентативец

Дарко Андоновски — Tue, 09 Feb 2021 19:11:06 +0000

Францускиот фудбалски второлигаш Шамбли, во чиј редови настапува македонскиот репрезентативец Влатко Стојановски, е погоден од британскиот сој на коронавирус. Информацијата вечерва ја соопшти клубот од северна Франција, истакнувајќи дека вкупно девет фудбалери, како и четворица од клупскиот персонал, меѓу кои и член на раководството, се позитивни на британскиот сој на Ковид-19. -Британскиот сој на коронавирус и натаму силно го погодува Шамбли. Потсетуваме, а тоа го гледаме и со свои очи, дека е овој сој на коронавирусот е многу заразен, соопшти францускиот второлигаш. -Нашиот клуб ги презема сите неопходни мерки за заштита, а нови тестирања ќе бидат спроведени пред одигрување на следниот натпревар закажан за в сабота против Клермонт, се додава во соопштението на клубот за кој игра Стојановски. Идентитетот на заразените фудбалери на Шамбли не е соопштен. Претходно оваа недела едно училиште во предградие на Париз беше привремено затворено, откако беа регистрирани случаи на јужноафриканскиот сој на коронавирус. Британскиот, јужноафриканскиот и бразилскиот сој на коронавирус предизвикуваат најголема загриженост меѓу научниците и здравствените власти поради способноста брзо да ја шират заразата меѓу луѓето.

македонски репрезентативец – Kurir.mk

МАКЕДОНСКИОТ РЕПРЕЗЕНТАТИВЕЦ МОРА ДА ЈА НАПУШТИ УКРАИНА – фудбалерот пред само неколку недели потпиша, но МНР апелира да си дојде

Француски фудбалски клуб погоден од британскиот сој на коронавирус- за клубот игра и македонскиот репрезентативец