македонски шуми – Kurir.mk

Пожар на отворено во гостиварско

Ивана Ефремовски — Sat, 02 Sep 2023 12:12:23 +0000

Вработени во „Македонски шуми“ и пожарникари преземаат мерки за да го локализираат шумскиот пожар кој претпладнево избувна во близина на селото Речане, гостиварско. Според инфромациите од Ценатрот за управување со кризи, пожарот бил пријавен на телефонскиот број 112, а на местото била испратена една екипа од тројца пожарникари и едно ПП возило. -Првичните информации говорат дека гори висока сува трева, нискостеблестао дерградирана шума, но има зафатено и мал простор со висока шума, информираат од ЦУК. По пријавувањето на пожарот во атарот на селото Речане е стапено во контакт со Национални шуми- Подружница Шар-Гостивар, кои веќе испратиле на терен екипа со нивни вработени и пристапиле кон гаснење на пожарот. (МИА)

Трипуновски: Кога ВМРО-ДПМНЕ ќе ја презема власта, Македонски шуми ќе произведува евтини пелети и нема повеќе да се профитира врз грбот на граѓаните

Ивана Ефремовски — Tue, 18 Oct 2022 17:43:24 +0000

ВМРО-ДПМНЕ кога ќе ја преземе власта ќе направи сериозни проверки на работата на ЈП Македонски шуми, изјави Цветан Трипуновски за „Што не е јасно“ на Алфа Телевизија кој обзнани дека фирма блиска до власта има ексклузивно право да склучи договор за сеча на опожарените шуми по цени од 300 до 500 денари за метар кубен и потоа произведува пелети и ги продава низ Македонија по цена над 500 денари за вреќичка. Тој посочи дека она што ќе биде во време на ВМРО-ДПМНЕ е граѓаните да имаат бенефит, а Македонски шуми да заживее како претпријатие, кое во моментов е сериозен загубар заради партиски вработувања и бркање профити.

-Македонски шуми со навремени постапки ќе обезбеди дрва маса на почетокот на есента, односно зимата како што беше случај во минатото. Вториот момент кој го решава проблемот со затоплување на домовите кои користат пелет, е тоа што Македонски шуми ќе биде производител на пелети и ова е оправдана инвестиција, рече Трипуновски. Според него, Македонски шуми има просторен потенцијал за тие фабрики, има и кадровски потенцијал кој ќе биде искористен во овој процес. -А третиот момент е што претпријатието во процесот на обезбедување на огревно дрво за граѓаните, има доволен процент на нус производи од овој процес, и тоа значи дека се тоа ќе се искористи како евтин репроматеријал за производство на пелети. Од целиот проект придобивка ќе биде што ќе има евтини пелети, и тој ќе биде со проверен квалитет и нема да има како сега фирми профитери врз грбот на граѓаните, потенцираше Трипуновски.

Михаилов: Во очи на вториот круг во „Македонски шуми“ се врши злоупотреба на службената должност од страна на голем број вработени и огромен притисок врз населението!

Тале Кристо — Thu, 21 Oct 2021 11:09:06 +0000

Се вршат класични ЗЛОУПОТРЕБИ на службените должности од страна на голем број вработени во шумарството и огромни притисоци врз населението!, реагира преку социјалната мрежа на ФЕјсбук Кире МИхаилов од ВМРО-ДПМНЕ. Во продолжение интегрален текст од објавата на Михаилов: Во очи на вториот круг од гласањето на овие избори во кои СДС ќе изгуби катастрофално, морам ЈАВНО да се обратам на колегите во “МАКЕДОНСКИ ШУМИ” и останатата шумарска фела! Имено, деновиве до мене стигнаа и стигнуваат лавина од податоци и информации за невидено голем основан сомнеж за класични ЗЛОУПОТРЕБИ на службените должности од страна на голем број вработени во шумарството и огромни притисоци врз населението! Постојат основани сомненија дека; - се издава дрвна маса по основ на таканачена селска сеча и истата се наплаќа десеткратно помалку, а со тоа се оштетува буџетот на РМ за илјадници евра; - се издава ОТПАД после сеча во оддели кои замислете нема ливче останато, камо ли отпад, а врз основа на тие решенија се врши сеча во непредвидени други околни оддели; - се врши закана врз одредени субјекти кои работат во шумарството дека доколку не дадат поддршка на кандидатите на СДС нема да им се прават договори за работа; - се врши огромен притисок и најразновидни закани врз колеги кои се неистомисленици со актуелните раководства; - во одредени делови се дистрибуира дрвна маса без соодветна документација и секако без да ја плати населението, а со цел поткуп за гласање на изборите во недела; - невидена злоупотреба на службените возила и машини кои се сопственост на претпријатието; … и уште многу информации кои стигаат од теренот, а се секако фрапантни и казниви согласно законите во РМ. Затоа, уште еднаш ќе потенцирам, упатувам ЈАВЕН повик до вработените да престанат со злоупотребите затоа што за кратко време доаѓа одговорност и никој нема да виде поштеден! Исто така, упатувам јавен повик до вработените колеги и секако населението како и досега да ги нотираат сите злоупотреби затоа што шумата не е ничија своина, таа е наше заедничко богатство, богатство на сите граѓани на Македонија и никој не смее со шумскиот фонд да се однесува како тоа да му е дедовина. ЈАВНО информирам дека за оние случаи за кои имаме конкретни податоци за злоупотреби ВЕДНАШ ќе поднесеме кривични пријави до МВР и ОЈО, а Ве уверувам дека за неколку месеци од сега по промената на власта за истите ќе има и разрешници, а одговорните ќе одговараат!, пишува Михаилов во својата објава.

Какво потценување: ЈП „Македонски шуми“ исплатила плати од 1 денар! (ФОТО)

Ивана Ефремовски — Thu, 25 Feb 2021 15:55:41 +0000

Вработените од ЈП „Македонски шуми“ денеска со задоцнување од 10 дена ја земаа јануарската плата, но како што пристигна информација до нашиот медиум, ЈП Македонски шуми им исплатиле плата на вработените од само 1 денар, што е крајно потценувачки. Само за потсетување ЈП Македонски шуми и минатата година се соочила со проблем околу исплаќање на плати, а како оправдување беше вонредната состојба поради коронавирусот. Имено, тогаш 2.500 лица вработени останаа без редовна плата и без здравствено осигурување на работ на егзистенцијата. Дали ќе има корекција во однос на јануарската плата или и ова јавно претпријатие пропаѓа, останува да видиме, но се погласни се вработените кои како што велат се потценети и заборавени од властите.

Кичевските жени спремни како мажи- на конкурс во Македонски шуми примени жени како сечачи и дотурачи (ФОТО)

Дарко Андоновски — Thu, 06 Feb 2020 13:48:38 +0000

Груба манипулација со јавноста е направено од страна на Македонски шуми во Кичево овие денови откако е објавено дека на конкурсот за сечачи и дотурачи се примени три жени. Од тука се поставува и прашањето дали кичевските жени спремни како мажи? Дали некој од раководители треба да има одговорност за оваа груба манипулација што ја прави македонски шуми и ги лаже луѓето, останува да видиме. Но треба да се напомене дека овие луѓе треба да вадат норми на своите работни места.

Кривична пријава за три лица кои го оштетиле буџетот на ЈП „Македонски шуми“

Ивана Ефремовски — Sun, 07 Jul 2019 09:21:09 +0000

СВР Струмица поднесе кривична пријава против три лица – Љ.П.(37) од Радовиш, Ц.Л.(62) од радовишкото село Ораовица и Ј.В.(58) од Радовиш, кои со злоупотреба на службената положба и овластување го оштетиле буџетот на на ЈП „Македонски шуми“ за 4.609.482 денари. Како што соопшти МВР, во текот на 2015 година првопријавениот како директор на Шумското стопанство „Плачковица“-Радовиш, и второпријавениот, како референт за приватни шуми во наведеното правно лице, спротивно на Законот за шумите издале одобрение за сеча на правно лице од Куманово. Исто така, третопријавениот, како референт за сеча и превоз во наведеното правно лице, спротивно на Законот за шумите, издал испратници за транспорт на дрвна маса на правното лицето од Куманово, кое не било регистрирано во регистарот за правни лица кои вршат промет со дрва и дрвни сортименти. -Со ова, пријавените му овозможиле на сопственикот на правното лице од Куманово да се стекне со противправна имотна корист од 4.609.482 денари на штета на Буџетот на ЈП „Македонски шуми“, соопшти МВР.

Ни шумите веќе не се македонски, туку национални: Прекрстено и ЈП Македонски шуми (ФОТО)

Дарко Андоновски — Wed, 06 Mar 2019 15:34:08 +0000

Со промената на името, владата ги задолжи и сите институции да извршат промена на досегашните имињата соодветна замена која ќе го содржи новото име Република Северна Македонија. Дел од таа промена ја направи и Јавното претпријатие за стопанисување со државните шуми „Македонски шуми“ и го промени своето име со ново кое гласи „Национални шуми“, со што целосно се брише зборот „македонски“ од оваа институција. Но, освен „Македонски шуми“, своето име го промени и Акционерското друштво „Македонска информативна агенција“ во државна сопственост- Скопје, со ново име кое исто така се брише терминот „македонска“. Новото име сега е Акционерско друштво „Национална информативна агенција“ во државна сопственост- Скопје. Освен овие институции, владата задолжи вкупно 136 јавни институции кои во рок од 7 дена треба да го променат своето име.