македонски скијачи – Kurir.mk

Четворица македонски скијачи денеска настапуваат на Светското Првенство

Ивана Ефремовски — Sat, 20 Feb 2021 10:26:44 +0000

Светското првенство во алпско скијање во Кортина д’Ампецо продолжува денеска со квалификациите во слалом, на кој ќе настапат четворица македонски скијачи. На стартната точка на патеката „Румерло“ во италијанскиот зимски центар ќе се појават Виктор Петков, Дардан Дехари Влатко Анастасоски и Мирко Лазарески. Македонскиот репрезентативец Петков, кому ова му е трет настап на светските првенства, вчера во трката во велеслалом го освои 36 место, во конкуренција на 100 натпреварувачи. Финалните трки во слалом на патеката „Румерло“ се на програмата в недела, со почеток од 10:00 и 13:30 часот. (МИА)

ВИДЕО: Погледнете како беа спасени македонските скијачи во Бугарија

Ивана Ефремовски — Mon, 14 Jan 2019 08:50:02 +0000

Бугарските медиуми објавија видео од спасувачката акција на планината Пирин во Бугарија, каде петмина македонски скијачи и сноубордери кои скијале надвор од обележаните патеки паднале во дол. Македонските скијачи, според службата, се добри, во добра здравствена состојба, неповредени и веќе се пренесени во хотелите во Банско, каде што биле сместени. Сигналот за помош стигнал до Горската спасувачка служба во Банско, и во 20 часот по локално време десет спасувачи ја почнале акцијата за извлекување на петтемина Македонци.

Акција за спасување на петмина Македонци на Пирин: Скијале надвор од обележаните патеки, па пропаднале во дол

Дарко Андоновски — Sun, 13 Jan 2019 18:56:11 +0000

Петмина македонски скијачи и сноубордери кои скијале надвор од обележани патеки на планината Пирин во Бугарија, пропаднале во дол и во тек е спасувачка акција за нивно извлекување од страната на Дамјанишка долина на Пирин, јавува агенцијата БГНЕС. Сигналот за помош стигнал до Горската спасувачка служба во Банско, и според агенцијата, во 20 часот по локално време десет спасувачи ја почнале акцијата за извлекување на петтемина Македонци. Сите петмина, како што јавиле спасувачите, се во добра состојба и не се во опасност.