македонски спортисти – Kurir.mk

Македонските спортисти го завршија настапот на Европските игри, се враќаат со сребрен медал

Тале Кристо — Sat, 01 Jul 2023 16:45:34 +0000

Со денешниот настап на Анѓел Петрушев во кајак крос, македонските спортисти го завршија учеството на Европските игри во Полска од кои се враќаат со еден освоен медал. Единственото одличје го освои таеквондистот Дејан Георгиевски, кој во категоријата над 87 килограми се закити со сребрениот медал, откако во финалето со 2-0 во рунди беше поразен од Британецот Кејдон Луис Канингам. Последниот македонски натпреварувач на Европските игри, Петрушев, попладнево го заврши настапот на 28 место од 52 натпреварувачи со време 70:20 секунди. Резултатот не беше доволен да се квалификува понатаму во битката за медали, но Петрушев во силна конкуренција покажа дека е голем талент и може да се натпреварува со многу поискусните европски кајакари. На Европските игри кои почнаа на 22 јуни и до утре се одржуваат во Краков и други 12 полски градови настапија 17 македонски спортисти во седум спортови или дисциплини, Европските игри во Полска се најмасовни досега во историјата на ова натпреварување со околу 7.000 спортисти од 48 држави.

Седумнаесет македонски спортисти ќе настапат на Европските игри

Тале Кристо — Tue, 20 Jun 2023 09:25:45 +0000

Полскиот град Краков од утре до 2 јули ќе биде домаќин на Европските игри на кој ќе настапат вкупно 17 македонски спортисти во седум спортови. Македонската делегација пристигна во Краков каде на втората најмасовна спортска манифестација по Олимписките игри ќе настапи во карате (Емил Павлов), спортско стрелаштво (Анастасија Мојсовска, Мартин Ангелески), таеквондо (Дејан Георгиевски, Анамарија Георгиевска, Милијана Рељиќ), текбол (Димитар Пејчиновски), кајак (Анѓел Петрушев, Никола Малевски, Владимир Малевски), мечувалство (Никола Николовски, Петар Србиновски, Петар Дамјановски, Матеј Тодороски) и бокс (Атила Илхан Озмен, Ален Рустемовски и Архан Исени). Македонското знаме на церемонијата на отворање на Игрите ќе го носат Милијана Рељиќ и Емил Павлов. За време на Европските игри 2023 ќе се одржат и натпреварите од третата Европска атлетска лига на кои ќе учествуваат и најдобрите македонски атлетичари и атлетичарки.

Промоција на македонските спортисти кои ќе настапат на Олимпијадата во Токио

Тале Кристо — Wed, 14 Jul 2021 13:23:07 +0000

Во просториите на Македонскиот олимписки комитет денес беа претставени осумте македонски спортисти кои ќе учествуваат на Олимписки игри во Токио. Македонската експедиција со репрезентативци во Јапонија ќе ја сочинуваат: Блажевска Еминова Миа – пливање 100 м. Бранковски Борјан – спортско стрелаштво 10 м. воздушен пиштол Георгиевски Дејан – таеквондо – +80 кгр Деркоски Филип – пливање 400 м. Јованоска Пулексенија – карате – ката Нуров Магомедгаджи – борење слободен стил – 97 кгр Реџепи Арбреша – џудо – 52 кгр Стојоски Јован – атлетика 400 м. Олимписки игри 2020 во Токио ќе се одржат со една година задоцнување поради пандемијата. Почетокот е закажан за 23 јули и ќе траат до 8 август. На отворањето на Игрите, македонското знаме ќе го носи Дејан Георгиевски во друштво на Арбреша Реџепи.