македонски туристи – Kurir.mk

ФОТО: Уништен автомобил на македонски туристи во Пефкохори во Грција

Тале Кристо — Sat, 07 Aug 2021 18:07:46 +0000

Уште еден автомобил на македонски туристи денеска е уништен на познато грчко летувалиште. Имено, настанот се случил на едно од познатите грчки летувалишта во Грција односно во Пефкохори каде што летуваат голем број на Македонци. Како што може да се види од самите фотографии, автомобилот речиси е оштетен од сите страни, а надлежните нај нашиот јужен соссед не се во можност ништо да направат. Ваквите случаи се чести, но и покрај тоа, голем број на Македонци повторно летните одмори се одлучуваат да ги поминат токму во Грција.

ФОТО: Грците повторно уништуваат автомобили на македонски туристи

Тале Кристо — Wed, 14 Jul 2021 15:09:12 +0000

Македонски туристи до редакцијата на „Канал 5“ испратиле фотографии од уништен автомобил во Грција.

Во Грција повторно се уништуваат возила на македонски туристи. Овој инцидент се случил во Вурвуру на полуостровот Халкидики во северна Грција, пишуваат Канал 5. Сопствениците на автомобилот кои ги испратиле фотографиите до Канал 5 биле згрозени од она што им се случило. Како што може и да се види на фотографиите, возилото е изгребано со остар предмет од сите страни и има нанесено штета. Вакви инциденти се случуваа во минатото, така што ова не е прв случај, но по се изгледа грците повторно почнуваат антимакедонски реклами.

Ако сакате да одите на одмор во Хрватска, мора да го знаете ова – што е потребно за македонските туристи?

Ивана Ефремовски — Fri, 02 Jul 2021 18:50:17 +0000

Во Хрватска без ограничувања може да влезат сите граѓани на ЕУ кои поседуваат дигитална ковид потврда. Македонските граѓани, со оглед дека не се дел од ЕУ, во Хрватска може да влезат со потврда за примена доза против коронавирусот или Сертификат за прележана болест или со негативен тест кој не треба да биде постар од 48 часа, доколку станува збор за брз антиген тест или ПЦР тест не постар од 72 часа.

СЕПАК ГЕРМАНИЈА ОСТАНУВА ЗАТВОРЕНА ЗА МАКЕДОНИЈА: На македонските туристи се уште им е забрането влез во земјата, се огласи и ТАВ

Дарко Андоновски — Mon, 14 Jun 2021 13:59:26 +0000

ТАВ Македонија преку соопштение до јавноста на својот Фејсбук профил денеска информираше дека сепак македонските граѓани се уште не можат да патуваат во Германија како туристи. -ВАЖНО!!! КОРЕКЦИЈА!!! Почитувани патници и следбеници, Би сакале да ве информираме дека делот од информацијата https://www.facebook.com/189273277751475/posts/4359096950769066/ која ја објавивме во саботата, на 12-ти јуни 2021, а кој се однесува на тоа дека македонските државјани можат да патуваат во Германија од туристички причини, за жал не е на сила сè уште, иако ние како аеродром добивме информација од нашите партнери дека македонските државјани ќе можат да патуваат без приложување на есенцијална причина за патување, а истата информација стоеше и во нашите авијациски системи каде што се ажурираат најновите правила/рестрикции за патување поради Ковид-19 кои важат за различни земји. Во меѓувреме, добивме коригирана информација, дека во Германија сè уште не може да се патува од туристички причини и истото го споделуваме со вас. Ви се извинуваме за ненамерната грешка. Во моментов очекуваме детални информации од надлежните институции и надлежната Амбасада и веднаш штом ги добиеме, ќе ги споделиме со вас. Другите детали во информациjата што ја објавивме на 12-ти јуни 2021, се точни. Имено, Република С.Македонија повеќе не е на листата на ризични земји за Ковид-19 на Германија, што значи дека влезот во странската земја за македонските државјани е можен само доколку тие припаѓаат во т.н. есенцијални патници и притоа презентираат или негативен тест за Covid-19 или доказ за вакцинација. Во исто време, електронски пополнет Формулар за локација на патници (Passenger Locator Form) повеќе не е потребен предуслов за качување во авион, стои во нивниот пост на Фејсбук. |

Детали: Под кои услови македонски туристи можат да влезат во Бугарија?

Ивана Ефремовски — Mon, 27 Jul 2020 13:07:42 +0000

Бугарската влада направи отстапки од препораката на Европската унија и за граѓаните на пет земји, вклучувајќи ја и Македонија, им се дозволи влез во Бугарија, под услов да приложат негативен корона тест. Ова е одлуката што е донесена на последната владина седница. -По молба на туристичкиот сектор ќе биде дозволен влез во земјата со негативен ПЦР тест, не постар од 72 часа за туристи од Молдавија, Израел, Србија, Кувајт и Северна Македонија“, соопшти Валери Симеонов, заменик спикер на Националното собрание. Макдонските граѓани негативниот тест ќе треба да го прикажат на самиот влез во Бугарија. Со оваа одлука летовалиштата на Бугарија покрај албанските, се уште една можност за планирање на одморот. Дополнително, бугарската влада во денеска објавените мерки, објави субвенционирање за чартер летовите, кои ќе носат туристи со 35 евра по човек. Практично, тоа значи дека ако четиричлено македонско семејство сака да летува во Бугарија, ќе треба да потроши дополнителни 10.000 денари за тестови. Грција неодмна ја продолжи забраната за влез на македонски државјани до 31 јули.

Македонци се обиделе преку Бугарија да влезат во Грција, веднаш вратени назад

Ивана Ефремовски — Wed, 01 Jul 2020 15:44:11 +0000

Околу 10 до 15 автомобили од Македонија и Босна и Херцеговина утрово биле вратени од граничниот премин Промахонас/Кулата на грчко-бугарската граница, откако сакале преку Бугарија да влезат во Грција, објавија грчките телевизии „Скај“ и „Мега“. Конкретниот граничен премин е отворен за влез на туристи во Грција, но само од земјите членки на ЕУ и од третите земји што се најдоа на европската листа, додека пак за македонските државјани, забраната за влез во Грција до 15 јули 2020 важи независно од граничниот премин, јави дописничката на МИА од Атина.

Грција официјално соопшти од кога е дозволен влезот за македонските туристи

Ивана Ефремовски — Fri, 29 May 2020 11:05:21 +0000

Нашата земја е меѓу 29-те држави од Европа и светот, за кои од 15 јуни ќе биде дозволено патување во Грција, според листата од Министерството за туризам на Грција, јави дописничката на МИА од Атина. Како што е веќе познато, за влез во Грција нема да биде потребен тест, туку ќе се прават анализи по случаен избор. Од министерството за туризам на Грција соопштуваат дека конкретната листа била направена откако бил проучен епидемиолошкиот профил на земјите од каде потекнуваат туристите, биле земени предвид вчерашните соопштенија од Европската агенција за безбедност во воздухопловството (ЕАСА), како и соодветната препорака од Комисијата за заразни болести од грчкото Министерство за здравство. На листата од Министерството за туризам на Грција се следните земји: Албанија, Австралија, Австрија, Македонија, Бугарија, Германија, Данска, Швајцарија, Естонија, Јапонија, Израел, Кина, Хрватска, Кипар, Латвија, Либан, Литванија, Малта, Црна Гора, Нов Зеланд, Норвешка, Јужна Кореа, Унгарија, Романија, Србија, Словачка, Словенија, Чешка и Финска. За земјите кои што не се вклучени во листата, остануваат во сила актуелните правила, додека пак пред втората фаза на отворањето на грчкиот туризам на 1 јули, ќе биде објавена нова листа. Од Министерството за туризам на Грција, соопштуваат дека „во секој случај, епидемиолошкото следење и оценувањето ќе бидат континуирани“. (МИА)

Се уште нема информации колку госпоѓи преку туристички агенции биле во Италија за 8 Март

Дарко Андоновски — Wed, 11 Mar 2020 13:58:29 +0000

Министерот за здравство Венко Филипче на денешната прес-конференција истакна дека се уште не добил информација од стопанските коморите за тоа, колку патници преку туристичките агенции биле во Италија и високоризичните земји на патување за 8 Март. Министерот вели дека го чека листингот на патниците, но дека до сега тој не е направен и штом ќе го добие ќе ја извести јавноста. -Како превенција од ширење на корона вирусот, Владата донесе одлука да се забрани превозот со автобуси и комбиња во високоризичните земји. Од Министерство за економија велат дека штетите во туризмот ќе бидат најголеми имајќи ги предвид и резултатите од другите земји. „Според информациите од туристичките комори има значителен број на откажувања или одложувања на најавени групи кај хотелиерите и туристичките агенциите кои работат дојдовен туризам, намален број на индивидуални резервации, значителни откажувања на најавените семинари, конференции и настани, oтсуство на интерес за посети како резултат на претпазливост, намален интерес и отежнати продажби на распишаните аранжмани за сите дестинации, бројни барања за прекин на договор за организирано патување во странство поради претпазливост како и други откажувања, велат од министерството. По однос на барањата за мерките од Туристичкото стопанство, Министерство за економија бара туристичките здруженија и комори да достават анализа на штетите кои што се предизвикани од откажување на тури, семинари, конференции и продажба на аранжмани и истите да ги достават до Координативното тело кое е веќе е формирано и е составено од претставници од Министерство за економија, Агенцијата за промоција и поддршка на туризмот како и сите Комори и Здруженија.

ВЛАСТА ПОТКЛЕКНА УШТЕ ПРВИОТ ДЕН: На граѓаните за откажаните аранжмани агенциите ќе им земаат пенали, надлежните мува не ги лази

Дарко Андоновски — Thu, 27 Feb 2020 14:42:37 +0000

Илјадници граѓани на Македонија овие денови, особено вчера по потврдувањето на првиот случај на коронавирус во нашата земја ги откажуваат своите аранжмани, екскурзии и патувања во Италија, додека власта која најавуваше со недели дека се преземени сите потребни мерки за справување со коронавирусот потклекна. Револтирани читатели и туристички агенции во изјави за КУРИР прстот го вперуваат во владата која не мрднува со прст, додека на истото обвиниа и Стопанската комора на туристички агенции во Македонија. -Ние долги години патуваме со нив и имаме искуство, а тоа што се случува во моментов е неразбирливо. На 27 декември минатата година ние им уплативме 30 проценти од аранжманот (19.120 денари) и истиот е оми мартовски од (06-09) март со појадок во Амалфи, Неапол. Со оглед каква е ситуацијата ние имаме и соработка со италијански фирми од југот на Италија со кои што деновиве соработката ни е прекината поради познативе причини и короноварисот кој владее таму. Поради ново настанатата ситуација на позната туристичка агенција од Македонија ние пред два дена им испративме меил дека поради коронавирусот ние се откажуваме од аранжманот и би ве замолиле да ни ги вратите 30 проценти од уплатените средства. Тие ни одговорија дека не само што не може да ни ги вратат парите, туку и ќе не задолжат малтене до висина на целокупниот износ на аранжман или до 95 проценти од целокупниот износ затоа што наводно тие веќе ги уплатиле сите средства на хотели, водичи и авионски билети, раскажува револтираниот граѓанин. Тој додава дека се наоѓа во ситуација каде треба да платат за таму каде што не треба и не смее да одат. -Го поставувам основното прашање, кој нас треба да не заштити? Постои ли тука некое министерство, држава која што треба да наложи СТОП да не се патува таму, или да се одложи додека работите не се средат. Ситуацијата е пародија, ние треба уште да доплатиме пенали што се откажуваме. Испаѓа дека профитот на компаниите е многу поважен од здравјето и од животот на граѓаните од оваа држава, тој што е надлежен ништо не кажува и ништо не презема, вели граѓанинот. Од агенцијата ги уверувале и дури и дека тој дел на Италија е изолиран и безбеден за патување со што немале намера да ги откажат турите. „Ние сме криви што ги откажуваме аранжманите, а парите ќе ни ги вратат доколку тамошните хотели им ги намалат цените“, завршува видно револтираниот граѓанин кој се обрати до КУРИР се со цел овој суштински проблем овие денови да добие своја разрешница. Од познатата македонска туристичка агенција не сакаа да одговорат на нашето новинарско прашање и оставаат надлежните да настапат кон решавање на проблемот. -Дали како агенција, која е и да е треба да ги врати парите на сите патници и да ги затворат сите агенции и да останат сите вработени на улица. Затоа што тие ќе загубат 100 евра, а агенциите илјадници, вели вработена во агенцијата. Таа додава дека особено за аранжманите кои содржат и авионски билети не можат да кажат во моментот ништо конкретно затоа што сите трошоци од нивна страна се уплатени. -Се што ќе ни биде на нас вратено, ќе вратиме и ние, потенцираат од туристичката агенција за КУРИР. Од Стопанската комора на туристички агенции велат дека сите аранжмани за 8 март за Италија се откажани и реагираат на ресорните министерства кој до овој момент буквално не мрднуваат со прст за настанатата ситуација. Аранжманите за 8 Март за Италија се откажани поради новонастаната ситуација со коронавирусот, а поради паника и страв има обиди за откажување и на аранжманите за другите региони, велат од Стопанската комора за туризам на Македонија. Оттаму посочуваат дека туристичките компании веќе трпат штети и оти во моментот не е потребна паника, туку конкретни акции кои треба да се преземат. Реагираат бидејќи немаат конкретни насоки од ресорните министерства како треба да постапуваат во вакви ситуации. Бараат од Министерството за транспорт и врски заедно со авиокомпанијата „Визер“ да заземат став за пролонгирање или рефундирање на уплатените средства за авионски карти за Италија со цел да се обештетат патниците. Во понеделникот дописи испратиле и до министерствата за здравство и за надворешни работи, но, како што посочија на денешната прес-конференција, од МНР ги исконтактирале вчера, а се уште немаат одговор од Министерството за здравство. – Понудите за регионите зафатени со вирусот се повлечени, но имаме откажувања и за другите региони кои не се зафатени. Стравот и паниката се преголеми кај патниците, но и компаниите се во слична ситуација. Затоа вчера испративме допис и до Министерството за економија од каде побаравме да излезат со став за менаџирање во ваква кризна ситуација во услови на виша сила. До овој момент немаме одговор, истакна Билјана Пејовска – Ристовска, извршена директорка на Комората. Од Комората велат дека Рим не сака да ги врати веќе уплатените средства за хотелско сместување и ако се враќаат средства, тогаш тоа ќе треба да го направат агенциите на своја рака. – Само за северна Италија имаме поврат на средства. Бараме барем „Визер“ да ни излезе во пресрет, бидејќи зема субвенции од државата. Двете опции се на маса, нагласи новиот претседател на Комората, Емил Димитровски. Според Димитровски, паниката ќе биде доведена до тоа ниво да бидат откажани голем дел од аранжманите со што ќе се направи штета и на патниците и на агенциите. Во случај доколку се откаже аранжман за патување во другите региони, тогаш ќе бидат применети општите услови за патување.

Има ли повредени македонски туристи во Грција? Јавете се на овој телефонски број!

Ивана Ефремовски — Thu, 11 Jul 2019 15:55:56 +0000

Министерството за надворешни работи објави дежурен телефонски број на кој македонските државјани ќе можат да се јават доколку евентуално се повредени во невремето што го зафати синоќа полуостровот Халкидики во Грција. Дежурниот број од Генералниот конзулат во Солун е 00306987200410. Засега ниеден македонски државјанин не пријавил ниту штета од невремето. Во тек се дополнителни проверки од страна на надлежните институции. Генералниот конзулат на Северна Македонија е во постојан контакт со надлежните служби. Во невремето што го погоди Халкидики, една најпосетуваните летни дестинации на македонските туристи, животот го загубија најмалку седум лица, меѓу кои и две деца, а десетици се повредени.