македонски устав – Kurir.mk

„Стоп за двојните стандарди за Македонија, нема да поддржиме промена на Уставот за влегување на Бугарите доколку нема писмени гаранции и обврска да не не блокира повеќе Бугарија“

Магдалена Андонова — Tue, 03 May 2022 18:06:10 +0000

ВМРО-ДПМНЕ нема никаква официјална информација од страна на надлежните за тоа за што се преговара. И многу е чудно кога зборуваат за уцени, а тие всушност го држат во заложништво и го уценуваат целиот македонски народ бидејќи преговараат за неговиот идентитет, а најголемата политичка партија не знае за што се преговара. Практично ги има заробено институциите, тоа е прво. А, второ, можното решение може да има три подваријанти. Првата подваријанта е официјалната Софија во јуни на Европскиот совет, да го тргне ветото и да се одржи првата меѓувладина конференција, но да не почнат преговорите се додека дел од бугарскиот народ не влезе во Преамбулата на македонскиот Устав,истакна претседателот на ВМРО-ДПМНЕ, проф. д-р. Христијан Мицкоски во своето гостување во дневникот на Сител телевизија. Мицкоски посочи дека втората подваријанта е исто така Софија официјално да го тргне ветото, меѓутоа барањето од бугарската Декларација од 2-ри ноември 2019-та година да биде дел од преговарачката рамка. Но Мицкоски се надева дека голем број на земји членки нема тоа да го дозволат бидејќи билатерални прашања не треба да бидат дел од преговарачката рамка. И третата подваријанта е воопшто да не се тргне ветото. - Што е заедничко во овие три сценарија? Заедничко е дека нема да почнат преговорите. Туку преговорите можат да почнат само во услов кој што ќе биде дел од преговарачката рамка наметнат од Софија. Е, сега доаѓам до одговорот, а тоа е дека ВМРО-ДПМНЕ може да поддржи да дел од бугарскиот народ биде од Преамбулата само под еден услов да добиеме гаранции кои што ќе ги изгласа бугарскиот Парламент, а со кои што јасно ќе стави дознаење дека со вклучувањето на дел од бугарскиот народ ви Преамбулата на Уставот завршуваат сите отворени прашања помеѓу Македонија и Бугарија. И од тој момент натаму никогаш повеќе до самиот влез на Македонија во рамките на ЕУ тие нема да ја блокираат, нагласи Мицкоски. Мицкоски посочи дека треба да се каже стоп за двојните стандарди за Македонија, нема да се поддржи промена на Уставот ако нема писмени гаранции дека повеќе Бугарија нема да ја блокира Македонија.

Дечев за Канал 5: Вметнувањето на Бугарите во македонскиот Устав е ново барање

Магдалена Андонова — Sun, 01 May 2022 14:15:49 +0000

Барањето за вметнување на Бугарите во македонските устав е ново и излегува од рамките на првичните услови кои Бугарија ги постави за Македонија. Ова го вели бугарскиот професор Стефан Дечев за Канал5 а во продолжение краток инсерт од неговата изјава.

Петков предлага гарант на вметнувањето на Бугарите во македонскиот Устав да биде Брисел

Магдалена Андонова — Sun, 20 Feb 2022 09:43:43 +0000

Гарант на вметнувањето на Бугарите во македонскиот Устав да биде Брисел, предлага бугарскиот премиер Кирил Петков во интервју дадено веднаш по вчерашната средба со премиерот Димитар Ковачевски на безбедносната Конференција во Минхен. Идејата на Петков е откако Скопје и Софија ќе постигнат решение за ова прашање во форма на заеднички предлог да го достават до Европската комисија како дел од преговарачкиот процес за влез во ЕУ. -Прашањето сега е многу поинаку, прашањето не е дека една држава притиска, а другата вели не. Планираме до отидеме во Европската комисија со заеднички предлог, што прво е многу различно пред се. Второ, го потпираме на копенхашките критериуми, на принципи на правна заштита на луѓето кои се со наше потекло. Со други зборови, не вклучуваме конкретно билатерално прашање туку вклучуваме принципи кои всушност се во рамките на државите членки на ЕУ. Мислам дека ако Брисел на овој проблем меѓу двете држави гледа како можност да го забрза преговарачкиот процес тоа ќе може да биде искоритено како модел за останатите држави членки од Блаканот што се поканети во ЕУ. Петков и Ковачевски освен вчера, денеска имале и срдечна средба заедно со државниот секретар на САД Ентони Блинкен за време на обраќањето на Потпретседателката на САД Камала Харис на Конференцијата во Брисел. - Го делиме мислењето дека заедно сме посилни како сојузници во НАТО. Државниот секретар Блинкен ја изрази својата целосна поддршка за дијалогот и пријателството меѓу Северна Македонија и Бугарија и ја сподели својата искрена желба да нѐ види заедно во ЕУ. САД останува наш посветен партнер во надминувањето на предизвиците, напиша Ковачевски на Фејсбук. Тој денеска во рамките на Конференцијата се сретнал и со специјалниот претставник на ЕУ за Западен Балкан, Мирослав Лајчак токму на темата за разговорите со Бугарија. -Премиерот Ковачевски го запозна Лајчак со заедничките активности со премиерот на Република Бугарија Кирил Петков за интензивирање на билатералната соработка и за работата на петте работни групи за економија, инфраструктура, култура, ЕУ интеграција и историја коишто имаат задача да изготват патоказ за спроведување на Договорот за пријателство, информираа од кабиентот на Премиерот. Од таму додаваат дека Лајчак дал поддршка за интеграцијата на државата во ЕУ. Претставникот на Брисел бил задоволен од досегашните заложби и оценил дека тие ќе бидат значаен придонес кон конечната одлука за усвојувањето на Преговарачката рамка и за закажувањето на првата Меѓувладина конференција за време на францускотот претседателство.