македонски железници – Kurir.mk

ВМРО-ДПМНЕ: Плата во Македонски Железници Инфраструктура и Транспорт нема, каде е Бочварски ?

Дарко Андоновски — Mon, 22 Nov 2021 12:13:09 +0000

Плата во Македонски Железници Инфраструктура и Македонски Железници Транспорт НЕМА, ова денеска преку статус на Фејсбук го пишуваат од Комисиите на ВМРО-ДПМНЕ.

-Се касни со првиот дел на плата за месец Октомври.

Во железници состојбите од секогаш биле предизвикачки и тешки, но никогаш како сега. Железница ги живее најлошите години од нејзиното функционирање.

За време на владата предводена од ВМРО-ДПМНЕ имаше поголем број на возни линии, имаше меѓународен воз, започна со градба на пругата Битола-Кременица, се градеше пругата према Бугарија, се купија нови возни гарнитури..

Сега „благодарение" на СДСМ-ДУИ состојбата во железници е следна:

-Изградената пруга Битола-Кременица не е пуштена во употреба.

-Прекината е градбата на пругата према Бугарија, процедурата за избор на нов изведувач трае предолго.

-Укинат е единствениот меѓународен воз.

-Укинати се неколку домашни возни линии.

-Веќе неколку месеци нема воз на релација Скoпје-Кичево.

-Исто така, нема воз и на релацијата Скопје-Кочани.

-Нема набавка на нови возни гарнитури.

Во минатото опозиционерот Благој Бочварски за истиот проблем со платата одржуваше пресови на Железничка станица Скопје и повикуваше за исплата на плати и потреба за нова Влада во Македонија...

Каде си сега Бочварски Благој да одржиш прес за исплата на плати и за потребата за нова Влада во Македонија?!?!, стои во нивниот пост на Фејсбук.

Возовите ко фрижидер, а директорот на Македонски железници се фали со сменето име

Катерина Бојаџиева — Tue, 21 Jan 2020 09:54:26 +0000

Железничкиот сообраќај во Европа е еден од најсигурните и најкористените превози на патници и стока. Скоро секаде државните железнички оператори во делот на патничкиот сообраќај работат со загуби, но гледано од социјален аспект, државите се грижат за своите граѓани и континуирано го субвенционираат овој вид на сообраќај. Кај нас, секоја влада до сега од народниот буџет одвојуваше финансиски средства за субвенции во делот на патничкиот железнички сообраќај, но иако субвeнциите никогаш не се на задоволителното ниво, тоа не е изговор за лоши резултати на менаџерите во овој сектор. Владата предводена од ВМРО-ДПМНЕ во својот мандат ја направи најкрупната инвестиција до сега во железниците од осамостојувањето на Македонија. И тоа е факт кој никој неможе да го побие, колку и да не му се допаѓа тоа. Купувањето на нови возови, локомотиви и товарни вагони требаше да биде иницијална каписла кон поголеми следни проекти што ќе значеа трајно решение на наталожените проблеми во овој сектор. Да се потсетиме, дека 40 години во нашата држава не беа купени нови возови. После 40 години се набавиjа нови патнички возови, се набавија нови товарни вагони, нови електрични локомотиви, се реновираа работилниците за одржување на возовите, се подобруваше железничката инфраструктура итн. Ако не беше оваа инвестиција, тврдиме дека денес немаше да постои патнички железнички сообраќај. За жал, сега после 3 години од доаѓањето на владата предводена од СДСМ, не гледаме континуитет на вакви проекти за подобрување на железничкиот сообраќај. А ветуваа. Ветуваа многу, но за жал еве им помина мандатот, НИШТО од ветувањата. Потешкотии и предизвици во работењето на железниците имало и ќе има, но ваков аматеризам како сега, никогаш немало. Ваква меѓународна железничка изолација без ниту еден меѓународен воз не се памети. Се почести се реакциите на патниците за укинување и на внатрешни линии, доцнења на возови, незагреани и нечисти возови итн... И сега логично се поставува прашањето: За што ли се трошат народните пари од државните субвенции во патничкиот железнички сообраќај кога линиите се намалуваат, возовите не се редовни, немаат греење итн.? Во 2015 година од буџетот на Р.Македонија се одвоиле 265 милиони денари за субвенции во железничкиот сообраќај, а во 2019 година 430 милиони денари. За што се потрошија 165 милиони денари повеќе кога нема ниту еден започнат проект? Нема купено ниту еден нов вагон. Дали немајќи проекти, идеја, визија, народните пари се трошат само за плати со цел купување на социјален мир кај вработените? И покрај немањето на ниту еден проект, директорот на МЖ Транспорт АД најде со што да се пофали. Возовите ладни како фрижидер, а директорот се фали со сменето име на имституцијата која ја предводи ?!? Чуму е потребно ново име кога патниците се премрзнати во возот. Замислете, најголемо достигнување на директорот е тоа што го сменил името на новите локомотиви, кои патем тој ги нема набавено, туку тие се проект на претходната влада на ВМРО-ДПМНЕ. Наместо да се пофалат со воведување на нови меѓународни линии, со навремени возови, со интернет во возови, со затоплени и удобни возови, тие се фалат дека го промениле името на Македонски Железници и истото го напишале двојазично. Е затоа ситуацијата во железничкиот сектор е на ова дереџе, затоа што вакви залутани кадри го водат овој сектор. Но нема да биде за долго. За 80-тина дена доаѓа казната од народот, а потоа доаѓа обновата, а богами и одговорноста за ова расипништво. ВМРО-ДПМНЕ подготвува посебна програма за развој на железниците во Македонија. Ќе ја обновиме железницата и ќе им пружиме на граѓаните пристоен железнички превоз, затоа што тие тоа го заслужуваат. Синиша Ивановски за КУРИР

Македонски железници вработува осум Албанци, двајца Турци и само еден Македонец

Предраг Кукиќ — Wed, 27 Nov 2019 18:31:12 +0000

ЈАВЕН ОГЛАС БРОЈ за вработување на 13 јавни службеници од група I, подгрупа II во Јавно претпријатие за железничка инфраструктура – Железници на Македонија за следните работни места: Кореспондент (албански), Канцеларија на директор 1 извршител Паричен нето износ на плата: 26.074,00 денари НАПОМЕНА: Предвидени вработувања согласно годишниот план на институцијата за 2019 год. се: Албанец(ка) Секретарка, Одделение за комуникации 1 извршител Паричен нето износ на плата: 18.624,00 денари НАПОМЕНА: Предвидени вработувања согласно годишниот план на институцијата за 2019 год. се: Други националности Архивар, Одделение за комуникации 1 извршител Паричен нето износ на плата: 18.158,00 денари НАПОМЕНА: Предвидени вработувања согласно годишниот план на институцијата за 2019 год. се: Турчин(ка) Раководител на одделение за внатрешна ревизија 1 извршител(и) Паричен нето износ на плата: 28.402,00 денари НАПОМЕНА: Предвидени вработувања согласно годишниот план на институцијата за 2019 год. се : Турчин(ка) Помлад соработник за јавни набавки, Одделение за спроведување на постапки за јавни набавки и продажба, Сектор за јавни набавки и продажба (1) извршител(и) Паричен нето износ на плата: 23.746,00 денари НАПОМЕНА: Предвидени вработувања согласно годишниот план на институцијата за 2019 год. се : Албанец(ка) 1. Помлад референт за јавни набавки, Одделение за спроведување на постапки за јавни набавки и продажба, Сектор за јавни набавки и продажба (1) извршител(и) Паричен нето износ на плата: 18.158,00 денари НАПОМЕНА: Предвидени вработувања согласно годишниот план на институцијата за 2019 год. се : Ром(ка) 1. Помлад соработник за правни работи, Одделение за оценување, Сектор за управување со човечки ресурси(1) извршител(и) Паричен нето износ на плата: 23.746,00 денари НАПОМЕНА: Предвидени вработувања согласно годишниот план на институцијата за 2019 год. се : Албанец(ка) 1. Помлад соработник за психолошка заштита (човечки ресурси), Одделение за оценување, Сектор за управување со човечки ресурси(1) извршител(и) Паричен нето износ на плата: 23.746,00 денари НАПОМЕНА: Предвидени вработувања согласно годишниот план на институцијата за 2019 год. се : Албанец(ка) 1. Помлад соработник за правни работи, Одделение за правни работи, Сектор за правни работи и недвижности(1) извршител(и) Паричен нето износ на плата: 23.746,00 денари НАПОМЕНА: Предвидени вработувања согласно годишниот план на институцијата за 2019 год. се : Албанец(ка) 1. Помлад референт за финансиски работи, Одделение за финансова контрола, Сектор за финансиско работење(2) извршител(и) Паричен нето износ на плата: 18.158,00 денари НАПОМЕНА: Предвидени вработувања согласно годишниот план на институцијата за 2019 год. се : Албанец(ка) 1, Македонец(ка) 1. Помлад соработник – систем оператор, Одделение за информатички систем (финансово-економско работење), Сектор за информатичка поддршка(1) извршител(и) Паричен нето износ на плата: 23.746,00 денари НАПОМЕНА: Предвидени вработувања согласно годишниот план на институцијата за 2019 год. се : Албанец(ка) 1. Помлад соработник – систем оператор, Одделение за информатички систем (инфраструктура), Сектор за информатичка поддршка(1) извршител(и) Паричен нето износ на плата: 23.746,00 денари НАПОМЕНА: Предвидени вработувања согласно годишниот план на институцијата за 2019 год. се : Албанец(ка) 1. Потребните услови за сите огласи можете да ги погледнете ТУКА.

„Македонски железници“ има загуба од 70,7 милиони евра

Предраг Кукиќ — Thu, 08 Aug 2019 09:03:35 +0000

„Македонски железници транспорт“ е државна компанија со најголема загуба. „Македонски железници транспорт“ лани заврши со загуба од речиси 8 милиони евра, а претходната година беше во минус од 8,2 милиони евра, пренесе Фактор. Застрашувачки е тоа што оваа државна компанија, единствена од својот вид во земјава, има акумулирана загуба од 70,7 милиони евра и вкупни обврски кои достигнуваат 90 милиони евра.

Орхан Муртезани е назначен за директор на Македонски железници-транспорт

Предраг Кукиќ — Tue, 30 Jul 2019 14:07:30 +0000

На денешната седница Владата за директор на АД Македонски железници – Транспорт го назначи портпаролот, воедно и член на Централно претседателство на Алтернатива, Орхан Муртезани. Орхан Муртезани, познат во јавноста како долгогодишен портпарол, е еден од основачите на Алтернатива. Роден е во Сарај, Скопје. По професија е економист, дипломирал на Економскиот факултет при универзитетот „Св.Кирил и Методиј“ во Скопје, додека постдипломските студии ги продолжил во Универзитетот ‘‘Мармара’’ во Истанбул во отсекот Менаџмент и организација. Течно зборува англиски и турски јазик. Во јавноста, исто така, е познат и како млад интелектуалец преку бројните телевизиски настапи, анализи и колумни објавени во разни списанија, весници и разни електронски платформи во земјата.

Вработените во МЖ Транспорт бараат плата до четврток, од петок најавуваат престанок на работните обврски

Предраг Кукиќ — Tue, 20 Nov 2018 10:37:53 +0000

Независниот синдикат на машиновозачите и железничарите на Македонија, Синдикалната организација на вработнеите на подружница влеча на возови, Синдикалната организација СММ и Синдикалната организација на МЖ Транспорт АД Скопје се приклучуваат кон најавата за прекин на работните обврски доколку не се исполнат барањата за исплата на плата и материјални трошоци и здравствено осигурување. Ваквата одлука, како што соопштуваат денеска, е донесена на состанок одржан вчера. Во соопштението наведуваат дека во овие синдикални организации членуваат 90 отсто од вработените во МЖ Транспорт. Вчера, исто така, прекин на работните обврски најавија и членовите на Независниот машински и извршен персонал. Тие побараа до четврток да биде исплатена платата и материјалните трошоци за октомври, доколку не се исполни барањето од петок наутро нема да ги извршуваат работните обврски. Претседателот на Независниот синдикат и извршен персонал Душко Чакаровски вчера за МИА изјави дека тие бараат да се деблокира сметката која според нивни информации е блокирана од 2-ри месецов поради долг од 60 милиони денари за неплатена сметка за електрична енергија кон фирма од Бугарија. – Сметката на нашата фирма е блокирана од 2 ноември од бугарска човек фирма со име РИСИВАР за неплатена електрична енергија во висина од 60 милиони денари и тоа во време кога фирмата работеше најпрофитабилно (имаше превоз на емигранти каде отидоа тие огромни средства) од 2016 година и не можеме да функционираме. Бараме од повисоките структури во државата благовремено да интервенираат и да го решат овој проблем за да функционира железницата, а со тоа и стопанството во државата, изјави Чакаровски. Тој се надева дека ресорното Министерство за транспорт и врски и Владата ќе го решат проблемот и нема да дојде до прекин на транспортот на суровини за стопанството и ќе можат да сообраќаат и меѓународните транзитни возови.

Железничкиот сообраќај во петок ќе запре ако до четврток не се подели плата во МЖ Транспорт

Предраг Кукиќ — Mon, 19 Nov 2018 14:25:38 +0000

Машинскиот и извршниот персонал на МЖ Транспорт АД Скопје бара да се деблокира сметката на МЖ Транспорт која, како што тврдат, е блокирана од 2-ри месецов поради долг од 60 милиони денари за неплатена сметка за електрична енергија кон фирма од Бугарија. Душко Чакаровски, претседател на Независниот машински и извршен персонал, за МИА изјави дека доколку до четврток не биде надминат проблемот и на машинскиот и на извршниот персонал не им бидат исплатени платата и материјалните трошоци за октомври, тие од петок наутро во шест часот нема да ги извршуваат работните обврски. – Сметката на нашата фирма е блокирана од 2 ноември од бугарска човек фирма со име РИСИВАР за неплатена електрична енергија во висина од 60 милиони денари и тоа во време кога фирмата работеше најпрофитабилно (имаше превоз на емигранти каде отидоа тие огромни средства) од 2016 година и не можеме да функционираме. Бараме од повисоките структури во државата благовремено да интервенираат и да го решат овој проблем за да функционира железницата, а со тоа и стопанството во државата, изјави Чакаровски. Тој се надева дека ресорното Министерство за транспорт и врски и Владата ќе го решат проблемот и нема да дојде до прекин на транспортот на суровини за стопанството и ќе можат да сообраќаат и меѓународните транзитни возови.

Од понеделник се укинува патничкиот воз Белград-Скопје-Солун

Ивана Ефремовски — Fri, 28 Sep 2018 12:44:42 +0000

Патничката железничка линија Белград-Скопје-Солун од понеделник дефинитивно нема да сообраќа. И по напорите од македонска страна да се предомисли Српската железница да не ја укинува оваа линија, возовите од понеделник, па до 15 јуни следната година нема да возат. Од Македонски железници-транспорт за Алсат М потврдуваат дека после состанокот одржан во Белград, од „Србија воз“ биле категорични дека оваа железничка линија им е неисплатлива да вози во текот на целата година. -Дефинитивно од понеделник нема да сообраќа возот на меѓународната железничката линија Белград-Скопје-Солун. Имаме преговори и разгледуваме други опции за железничко поврзување со двете соседни земји. „Србија воз“ повторно ќе ја воспостави оваа линија од 15 јуни следната година и ќе сообраќа само за време на летната сезона, велат од македонски железници во изјава за телевизијата. „Србија воз“ уште во јануари годинава ги известиле МЖ Транспорт дека во согласност со грчки „Tренос“, донеле одлука за укинување на линијата поради економска неисплатливост. Таквата одлука ја донеле како железнички управи од каде тргнува односно пристигнува возот, а МЖ Транспорт како транзитна железничка управа има право само да вложи приговор. Возот, според известувањето од „Србија воз“, би сообраќал сезонски во летните месеци од 15 јуни до 15 септември.

Македонски железници одбележува 145 години од основањето

Даниел Василев — Tue, 10 Apr 2018 13:42:36 +0000

Македонски железници Транспорт АД Скопје го зголеми товарниот превоз за 35,25 проценти во периодот од септември минатата година до март годинава, споредбено со периодот септември 2016 година - март 2017 година, а бележи и раст од 30 проценти на превезните патници од почетокот на годинава во однос на истиот период лани. Како што наведуваат за МИА од МЖ Транспорт АД Скопје по повод 9-ти Април - Денот на железниците во Македонија кога се одбележуваат 145 години од постоењето, истовремено со помош на Владата редовно се исплаќаат платите. - Соочени со бројни предизвици од изминатите години кои имаа негативно влијание во работењето на нашата компанија, успеавме во изминатите осум месеци да се справивме со бројни проблеми, за дел од нив можеме да кажеме дека ги надминуваме, а за останатите се трудиме да ги намалиме негативните ефекти кои произлегуваат од нив, наведуваат од МЖ Транспорт. Истакнуваат дека резултатите со зголемениот обем на товарниот транспорт и на превезените патници се постигнати со помал број возни средства, што, потенцираат, на нивниот успех му дава уште поголема тежина. Се надеваат дека со помош на Владата преку вложување во ревитализација и обнова на железнички возен парк, уште повеќе ќе ги подобрат резултатите во работењето во наредниот период. - Веруваме дека оваа, 145-та година од постоењето на Македонски Железници, ќе спроведеме низа позитивни мерки во работењето на нашата компанија, со што целосно ќе го смениме ликот на Македонски Железници Транспорт АД-Скопје во еден модерен европски железнички превозник, истакнуваат од железничката компанија. Железничкиот систем на просторот на Република Македонија датира од 9 април 1873 година со пуштање на пругата Солун – Скопје. МИА

Левица: Приватизирање на Македонски железници е евтин обид за полнење на буџетот

Ивана Ефремовски — Tue, 20 Feb 2018 09:24:47 +0000

Приватизирање на Македонски железници, според политичката партија Левица, е евтин обид за краткотрајно полнење на буџетската каса преку продажба на нешто, кое пред се, не е нивно за продавање. Реакцијата на партијата доаѓа по изјавата на министерот за транспорт и врски Горан Сугарески дека Владата размислува за приватизирање на Македонски железници. -Политиката на распродажба на секое јавно добро мора да престане, сметаат од Левица. За денес напладне Левица најави прес-конференција на која ќе ги образложи причините поради кои партијата е против приватизација на железницата.